ಸೆಪ್ಟೆಂಬರ್ ತಿಂಗಳಿನಲ್ಲಿ ಭಾರತದಲ್ಲಿ ವಾಹನ ಮಾರಾಟ ಹೆಚ್ಚಳ

ಭಾರತದಲ್ಲಿ ವಾಹನ ಮಾರುಕಟ್ಟೆ ವ್ಯಾಪ್ತಿಯನ್ನು ವಿಸ್ತರಿಸಿಕೊಳ್ಳುತ್ತಿದೆ. ಸೆಪ್ಟೆಂಬರ್ 2023ರಲ್ಲಿ ವಾಹನ ಮಾರಾಟದಲ್ಲಿ ಶೇ. 20ರಷ್ಟು ಹೆಚ್ಚಾಗಿದೆ ಎಂದು ಆಟೋಮೊಬೈಲ್ ಡೀಲರ್ಸ್ ಅಸೋಸಿಯೇಷನ್ಸ್ ಫೆಡರೇಶನ್ ಹೇಳಿದ್ದು, ಸೆಪ್ಟೆಂಬರ್ 2023 ರ ವಾಹನ ಚಿಲ್ಲರೆ ಮಾರಾಟದ ಅಂಕಿ ಅಂಶಗಳನ್ನು ಬಿಡುಗಡೆ ಮಾಡಿದೆ.

ಎಫ್‌ಎಡಿಎ ಭಾರತದಲ್ಲಿ ಆಟೋಮೊಬೈಲ್ ರೀಟೇಲ್ ಅನ್ನು ಪ್ರತಿನಿಧಿಸುವ ಒಂದು ಉನ್ನತ ರಾಷ್ಟ್ರೀಯ ಸಂಸ್ಥೆಯಾಗಿದೆ. ಅಕ್ಟೋಬರ್ 9 ರಂದು ಬಿಡುಗಡೆಯಾದ ಮಾಹಿತಿಯ ಪ್ರಕಾರ ವರ್ಷದಿಂದ ವರ್ಷಕ್ಕೆ (YoY) ಬೆಳವಣಿಗೆಯು ಪ್ರಬಲವಾಗಿದೆ ಎಂದು ತೋರಿಸಿದೆ. "ಸೆಪ್ಟೆಂಬರ್ 2023 ರಲ್ಲಿ ವಾಹನ ಚಿಲ್ಲರೆ ವ್ಯಾಪಾರವು ವರ್ಷದಿಂದ ವರ್ಷಕ್ಕೆ 20 ಪ್ರತಿಶತ ಬೆಳವಣಿಗೆಯನ್ನು ಪ್ರದರ್ಶಿಸಿದೆ" ಎಂದು ಹೇಳಿದೆ.

ಎಫ್‌ಎಡಿಎ ಹೇಳಿಕೆಯ ಪ್ರಕಾರ, ತಿಂಗಳಿನಿಂದ ತಿಂಗಳಿಗೆ ಉದ್ಯಮವು ಸ್ವಯಂ ಮಾರಾಟದಲ್ಲಿ 3.5 ಶೇಕಡಾ ಒಟ್ಟು ಬೆಳವಣಿಗೆಯನ್ನು ಕಂಡಿದೆ. ಆದರೆ ಟ್ರಾಕ್ಟರ್ ಮಾರಾಟದಲ್ಲಿ ಕುಸಿತ ಕಾಣುತ್ತಿದ್ದು, ಗಮನಾರ್ಹವಾದ 26 ಪ್ರತಿಶತದಷ್ಟು ಕಡಿಮೆಯಾಗಿದೆ.

ವಿವಿಧ ವಾಹನ ಮಾರಾಟದ ಅಂಕಿಅಂಶ

ದ್ವಿಚಕ್ರ ವಾಹನಗಳ ಮಾರಾಟ ವರ್ಷಕ್ಕೆ 21.68 ಪ್ರತಿಶತದಷ್ಟು ಹೆಚ್ಚಾಗಿದೆ. ಸೆಪ್ಟೆಂಬರ್ 2023 ರಲ್ಲಿ 1,312,101 ಸಂಖ್ಯೆಯ ದ್ವಿಚಕ್ರ ವಾಹನ ಮಾರಾಟವಾಗಿದ್ದು, ಸೆಪ್ಟೆಂಬರ್ 2022 ರಲ್ಲಿ 1,078,286 ದ್ವಿಚಕ್ರ ವಾಹನಗಳು ಮಾರಾಟವಾಗಿದ್ದವು.

ತ್ರಿಚಕ್ರ ವಾಹನಗಳ ವಿಭಾಗವು ದಾಖಲೆ ಮುರಿಯುವ ಸಂಖ್ಯೆಯನ್ನು ಕಂಡಿತು. ಈ ವಿಭಾಗವು ಹೆಚ್ಚಿನ ವೇಗವನ್ನು ಕಾಯ್ದುಕೊಂಡಿದೆ, ಸತತ ಸಾರ್ವಕಾಲಿಕ ಹೆಚ್ಚಿನ ಚಿಲ್ಲರೆ ದಾಖಲೆಗಳನ್ನು ಸ್ಥಾಪಿಸಿದೆ. ಸೆಪ್ಟೆಂಬರ್ 2022 ರಲ್ಲಿ 68,937 ತ್ರಿಚಕ್ರ ವಾಹನಗಳು ಮಾರಾಟವಾಗಿದ್ದರೆ, 2023 ಸೆಪ್ಟೆಂಬರ್‌ನಲ್ಲಿ 102,426 ತ್ರಿಚಕ್ರ ವಾಹನಗಳು ಮಾರಾಟವಾಗಿವೆ. ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ ಮಾರಾಟ 48.58 ಪ್ರತಿಶತದಷ್ಟು ಹೆಚ್ಚಾಗಿದೆ. ತಿಂಗಳಿನಿಂದ ತಿಂಗಳಿಗೆ 5 ಶೇಕಡಾ ಬೆಳವಣಿಗೆ (MoM); ಮತ್ತು 1 ಲಕ್ಷ ಸಂಖ್ಯೆಯ ಹೆಚ್ಚಳವಾಗಿದೆ.

ಪ್ರಯಾಣಿಕ ವಾಹನಗಳ (PV) ವಿಭಾಗದಲ್ಲಿ ಸೆಪ್ಟೆಂಬರ್ 2023 ರಲ್ಲಿ 332,248 ವಾಹನಗಳು ಮಾರಾಟವಾಗಿದ್ದು, ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ 19.03 ರಷ್ಟು ಏರಿಕೆಯಾಗಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 279,137 ವಾಹನಗಳು ಮಾರಾಟವಾಗಿದ್ದವು. ಇದಲ್ಲದೆ, ವಾಣಿಜ್ಯ ವಾಹನಗಳ (CV) ಮಾರಾಟ 4.87 ಪ್ರತಿಶತದಷ್ಟು ಹೆಚ್ಚಾಗಿದೆ. ಸೆಪ್ಟೆಂಬರ್ 2022 ರಲ್ಲಿ 77,054 ವಾಣಿಜ್ಯ ವಾಹನಗಳು ಮಾರಾಟವಾಗಿದ್ದರೆ ಸೆಪ್ಟೆಂಬರ್ 2023 ರಲ್ಲಿ ಮಾರಾಟವು 80,804 ರಷ್ಟಾಗಿದೆ.

ಟ್ರಾಕ್ಟರ್ ಮಾರಾಟ ಸಂಖ್ಯೆ ಕುಸಿತ

ಟ್ರಾಕ್ಟರುಗಳ ವಿಭಾಗ ಮಾತ್ರ ಕುಸಿತ ಕಾಣುತ್ತಿದೆ. ಸೆಪ್ಟೆಂಬರ್ 2022 ರಲ್ಲಿ 60,321 ಟ್ರಾಕ್ಟರ್ ಮಾರಾಟವಾಗಿದ್ದರೆ 2023 ರ ಸೆಪ್ಟೆಂಬರ್‌ನಲ್ಲಿ 54,492 ಟ್ರಾಕ್ಟರ್ ಮಾತ್ರ ಮಾರಾಟವಾಗಿದ್ದು, ಶೇಕಡಾ 9.66 ಮಾರಾಟ ಕಡಿಮೆಯಾಗಿದೆ.

ಒಟ್ಟಾರೆ ಮಾಹಿತಿಗಳನ್ನು ಗಮನಿಸುವುದಾದರೆ ವಾಹನಗಳ ಚಿಲ್ಲರೆ ಮಾರಾಟದಲ್ಲಿ ಹೆಚ್ಚಳ ಕಂಡುಬಂದಿದ್ದು, ಆಟೋಮೊಬೈಲ್ ಉದ್ಯಮಕ್ಕೆ ಶುಭ ಸುದ್ದಿಯಾಗಿದೆ. ದ್ವಿಚಕ್ರ ವಾಹನ ಮಾರಾಟದಲ್ಲಿ ಮೊದಲ ಬಾರಿ 2 ಪ್ರತಿಶತ ಬೆಳವಣಿಗೆ ತೋರಿಸಿದೆ ಎಂದು ಎಫ್‌ಎಡಿಎ ಹೇಳಿದೆ.

English summary

FADA, the prominent national body for Indian Automobile Retail, released September 2023 vehicle retail data on October 9. The figures revealed a robust 20% year-on-year growth in automotive retail.