• search
  • Live TV
ಹುಬ್ಬಳ್ಳಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಬಡ್ಡಿ ಆಸೆಗೆ ಬೀಳಿಸಿ ಅಗ್ದಿ ಅಸಲಿಗೇ ಮುಂಡಾಯಿಸುವ ಸ್ಕೀಮುಗಳಿವು

|

ಕಲಘಟಗಿ, ಏಪ್ರಿಲ್ 17: ಧಾರವಾಡದ ಕಲಘಟಗಿಯಲ್ಲಿ ನಡೆದಿರುವ ಈ ವಂಚನೆ ಅದೆಷ್ಟನೇ ಬಾರಿಗೆ ಆಗುತ್ತಿರುವ ಮೋಸದ ಮಾದರಿಯೋ! ಏಕೆಂದರೆ ಎಫ್ ಡಿಯಲ್ಲಿ ಬಡ್ಡಿ ಕಡಿಮೆ ಆಗಿದೆ. ತಾವೇ ಯಾರಿಗಾದರೂ ಬಡ್ಡಿ ಕೊಡಬೇಕು ಅಂದುಕೊಂಡರೂ ಅದಕ್ಕೆ ಕೆಲವು ಅನುಮತಿ ಪಡೆಯಬೇಕು. ಅದಕ್ಕಾಗಿಯೇ ಜನರು ಹೆಚ್ಚಿನ ಬಡ್ಡಿ ಕೊಡುವವರಿಗೆ ಬಲಿ ಬೀಳ್ತಾರೆ.

ಈಗ ಕಲಘಟಗಿಯಲ್ಲಿ ಆಗಿರುವ ನೂರಾರು ಕೋಟಿ ವಂಚನೆಯ ಉದಾಹರಣೆಯನ್ನೇ ಹೇಳೋದಾದರೆ, ಶೇ 5, ಶೇ 8 ಹೀಗೆ ಬಾಯಿಗೆ ಬಂದ ಬಡ್ಡಿಯನ್ನು ಕೊಡುವ ಮಾತು ಕೊಟ್ಟಿದೆ ವಂಚಕ ಕಂಪೆನಿ. ಹ್ಞಾಂ ನೆನಪಿರಲಿ ಇದೆಲ್ಲ ತಿಂಗಳ ಲೆಕ್ಕದ ಬಡ್ಡಿ. ಯಾರಾದರೂ 10 ಲಕ್ಷ ರುಪಾಯಿ ಹಣವಿಟ್ಟರೆ ಶೇ 8ರ ದರದಲ್ಲಿ ತಿಂಗಳಿಗೆ 80 ಸಾವಿರ ರುಪಾಯಿ ಬಡ್ಡಿ ಹಣವನ್ನು ಕೊಟ್ಟೂ ಕೊಟ್ಟಿದ್ದಾರೆ.[ಚಿಟ್ ಫಂಡ್, ನೂರಾರು ಜನರಿಗೆ ಸಾವಿರಾರು ಕೋಟಿ ದೋಖಾ]

ಕೆಲವರಂತೂ ಕೋಟಿಗಟ್ಟಲೆ ಹಣ ಹಾಕಿದ್ದಾರೆ. ಅಷ್ಟಕ್ಕೆ ಸುಮ್ಮನಾಗದೆ ಪರಿಚಯಸ್ಥರು, ಸ್ನೇಹಿತರಿಂದಲೂ ಹಣ ಹಾಕಿಸಿದ್ದಾರೆ. ಒಂದು ಲಕ್ಷ ರುಪಾಯಿ ಇದ್ದರೆ, ಅದನ್ನು ಇಂಥ ಕಂಪೆನಿಗೆ ಹಾಕಿದರೆ ತಿಂಗಳಿಗೆ ಎಂಟು ಸಾವಿರ ನೀಡುತ್ತದೆ. ಆದರೆ ಬಡ್ಡಿ ಹಣಾ ಎಷ್ಟು ತಿಂಗಳು ಬರುತ್ತದೋ ಅಷ್ಟೇ ಪುಣ್ಯ. ಏಕೆಂದರೆ ಆ ನಂತರ ಟೆಂಟು ಕಿತ್ತುಕೊಂಡು ಕಂಪೆನಿಗಳೇ ಖಾಲಿಯಾಗುತ್ತವೆ.

ನಿಮಗೆ ಇನ್ನೂ ಚೆನ್ನಾಗಿ ಗೊತ್ತಾಗಬೇಕು ಅಂದರೆ ಈಗ ಕಲಘಟಗಿಯಲ್ಲಿ ಜನರ ಹಣ ಮುಂಡಾಯಿಸಿರುವ ಹರ್ಷ ಎಂಟರ್ ಪ್ರೈಸಸ್ ಎಂಬುದು ಬೆಂಗಳೂರಿನಲ್ಲಿದ್ದ ವಿನಿವಿಂಕ್ ಕಂಪೆನಿಯ ತಾತನೋ ಮುತ್ತಾತನೋ ಅನ್ನಬೇಕು. ಏಕೆಂದರೆ ವಂಚನೆ ಮೊತ್ತದ ಪ್ರಮಾಣ ಅಷ್ಟಿದೆ. ಯಾವುದೇ ಹಣಕಾಸು ವ್ಯವಹಾರದ ಕಂಪೆನಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ನಿಯಮಾನುಸಾರ ನೋಂದಣಿ ಆಗಿರಬೇಕು.[ಪೆಟ್ರೋಲ್ ಬಂಕಲ್ಲಿ ಗ್ರಾಹಕರ ಜೇಬಿಗೆ ಕತ್ತರಿ, ವಂಚನೆಗೆ ನಾನಾ ದಾರಿ]

ಜತೆಗೆ ಆರ್ ಬಿಐ ನಿಗದಿ ಮಾಡಿದ ದರಕ್ಕಿಂತ ಹೆಚ್ಚಿನ ಬಡ್ಡಿ ನೀಡುವಂತಿಲ್ಲ. ಚೀಟಿ ವ್ಯವಹಾರವೇ ಆದರೂ ನೋಂದಣಿ ಮಾಡಿಕೊಳ್ಳದೆ ನಡೆಸುವಂತಿಲ್ಲ. ಆದರೂ ಜನರು ಹೆಚ್ಚಿನ ಬಡ್ಡಿಯ ಆಸೆಗೆ ಬಲಿ ಬಿದ್ದು ಮೋಸ ಹೋಗುತ್ತಾರೆ. ಗೂಗಲ್ ನಲ್ಲಿ ಜಾಹೀರಾತು ಕ್ಲಿಕ್ ಮಾಡಿದ್ದರೆ ಇಷ್ಟು ಹಣ ಬರುತ್ತದೆ. ಅದಕ್ಕೂ ಮುಂಚೆ ಇಷ್ಟು ಡಿಪಾಸಿಟ್ ಮಾಡಬೇಕು ಅನ್ನೋವಂಥ ವಂಚನೆ ಜಾಲಗಳೂ ಇವೆ.

ಯಾವುದೇ ಹಣಕಾಸಿನ ವ್ಯವಹಾರವಿರಲಿ, ಮೊದಲಿಗೆ ಪೂರ್ವಾಪರ ತಿಳಿದುಕೊಳ್ಳಿ. ಅನುಮಾನ ಬಲವಾಗಿದ್ದರೆ ಹತ್ತಿರದ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿ. ಇಲ್ಲದಿದ್ದರೆ ಹೀಗೇ ಕೋಟ್ಯಂತರ ರುಪಾಯಿ ನಾಮ ತಿಕ್ಕುವವರು ಹುಟ್ಟಿಕೊಳ್ಳುತ್ತಲೇ ಇರುತ್ತಾರೆ.

English summary
People usually prefer highest rate of interest schemes for their deposits. But, interest rate should be according to RBI norms. If any company offers highest rate of interest rate, beware of it. Such cheating done by a finance institution in Kalaghatagi, Dharwad.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X