ಐಟಿ ರಿಟರ್ನ್ಸ್ ಪರಿಶೀಲನೆ ಅವಧಿ 120 ರಿಂದಂ 30 ದಿನಕ್ಕೆ ಇಳಿಕೆ
ನವದೆಹಲಿ, ಆಗಸ್ಟ್ 2: ಭಾರತದಲ್ಲಿ ಆದಾಯ ತೆರಿಗೆ ಪಾವತಿದಾರರಿಗೆ ಐಟಿ ಇಲಾಖೆ ಸಿಹಿಸುದ್ದಿಯೊಂದನ್ನು ಕೊಟ್ಟಿದೆ. ದೇಶದಲ್ಲಿ ಇನ್ಮುಂದೆ ಆದಾಯ ತೆರಿಗೆ ಇಲಾಖೆಯು ಐಟಿಆರ್-ವಿಯ ಇ-ಪರಿಶೀಲನೆ ಅಥವಾ ಹಾರ್ಡ್ ಕಾಪಿ ಸಲ್ಲಿಕೆ, ತೆರಿಗೆದಾರರಿಂದ ರಿಟರ್ನ್ಸ್ ಸಲ್ಲಿಸಿದ ನಂತರದ ಅವಧಿಯನ್ನು 120 ದಿನಗಳಿಂದ 30 ದಿನಗಳಿಗೆ ಇಳಿಸಲಾಗಿದೆ.
ಆಗಸ್ಟ್ 1ರಿಂದ ಈ ಹೊಸ ನೀತಿ ಜಾರಿಗೆ ಬರಲಿದ್ದು, 30 ದಿನಗಳಲ್ಲಿ ಆದಾಯ ತೆರಿಗೆ ಮರುಪಾವತಿಯನ್ನು ಮಾಡುವುದಕ್ಕೆ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಆದಾಯ ತೆರಿಗೆ ಇಲಾಖೆಯು ತಿಳಿಸಿದೆ.
ಆದಾಯ ತೆರಿಗೆ ಇಲಾಖೆಯು ಜುಲೈ 29ರಂದು ಅಧಿಸೂಚನೆ ಹೊರಡಿಸಿದ್ದು, ಕಾಲಮಿತಿಯಲ್ಲಿ ಬದಲಾವಣೆ ಮಾಡಲಾಗಿದೆ. ಆದಾಯ ತೆರಿಗೆ ಮರುಪಾವತಿ(ITR)ಯ ಇ-ಪರಿಶೀಲನೆಯು ರಿಟರ್ನ್ ಫೈಲಿಂಗ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುತ್ತದೆ. ಅದನ್ನು ನಿಗದಿತ ಸಮಯದೊಳಗೆ ಮಾಡದಿದ್ದರೆ, ಐಟಿಆರ್ ಅನ್ನು ಅಮಾನ್ಯವೆಂದು ಪರಿಗಣಿಸಲಾಗುತ್ತದೆ.
ಐಟಿ ರಿಟರ್ನ್ಸ್ ಸಲ್ಲಿಕೆಯ ಸಮಯ ಮಿತಿ 30 ದಿನ: "ಈ ಅಧಿಸೂಚನೆಯ ದಿನಾಂಕದಂದು ಅಥವಾ ನಂತರದ ದಿನಾಂಕದಂದು ಯಾವುದೇ ಎಲೆಕ್ಟ್ರಾನಿಕ್ ರಿಟರ್ನ್ ಡೇಟಾಗೆ ಸಂಬಂಧಿಸಿದಂತೆ, ಇ-ಪರಿಶೀಲನೆ ಅಥವಾ ITR-V ಸಲ್ಲಿಕೆಗೆ ಸಮಯ-ಮಿತಿಯು ದಿನಾಂಕದಿಂದ 30 ದಿನಗಳು ಎಂದು ನಿರ್ಧರಿಸಲಾಗಿದೆ. ರಿಟರ್ನ್ನ ಡೇಟಾವನ್ನು ಆನ್ ಲೈನ್ ಮೂಲಕ ರವಾನಿಸುವುದು ಅಥವಾ ಅಪ್ಲೋಡ್ ಮಾಡುವುದು," ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.
ದೇಶದಲ್ಲಿ ಇಲ್ಲಿಯವರೆಗೆ ಆದಾಯ ತೆರಿಗೆ ರಿಟರ್ನ್ (ITR) ಅನ್ನು ಸಲ್ಲಿಸಿದ ನಂತರ ITR ಅನ್ನು ಇ-ಪರಿಶೀಲಿಸಲು ಅಥವಾ ITR-V ಅನ್ನು ಪೋಸ್ಟ್ ಮೂಲಕ ಕಳುಹಿಸುವ ಸಮಯಾವಧಿಯು ITR ಅನ್ನು ಅಪ್ಲೋಡ್ ಮಾಡಿದ ದಿನಾಂಕದಿಂದ 120 ದಿನಗಳಾಗಿತ್ತು.
ITR ಅಥವಾ ಹಾರ್ಡ್ ಕಾಪಿ ITR-V ಯ ಇ-ಪರಿಶೀಲನೆಯನ್ನು 30 ದಿನಗಳ ಕಾಲಮಿತಿಯನ್ನು ಮೀರಿ ಪೋಸ್ಟ್ ಮೂಲಕ ಕಳುಹಿಸಿದರೆ, ರಿಟರ್ನ್ ಅನ್ನು ತಡವಾಗಿ ಅಥವಾ ನಿಗದಿತ ದಿನಾಂಕಕ್ಕಿಂತ ಮೀರಿ ಪರಿಗಣಿಸಲಾಗುವುದು ಎಂದು ಅಧಿಸೂಚನೆಯು ಸ್ಪಷ್ಟಪಡಿಸಿದೆ.
"ಆದಾಯ-ತೆರಿಗೆ ರಿಟರ್ನ್ ದಿನಾಂಕವನ್ನು ವಿದ್ಯುನ್ಮಾನವಾಗಿ ರವಾನಿಸುವ ದಿನಾಂಕದಿಂದ 30 ದಿನಗಳ ಅವಧಿಯನ್ನು ನಿರ್ಧರಿಸುವ ಉದ್ದೇಶಕ್ಕಾಗಿ ಸರಿಯಾಗಿ ಪರಿಶೀಲಿಸಿದ ITR-V ಯ ಸ್ಪೀಡ್ ಪೋಸ್ಟ್ ರವಾನೆಯ ದಿನಾಂಕವನ್ನು ಪರಿಗಣಿಸಲಾಗುತ್ತದೆ," ಎಂದು ಅಧಿಸೂಚನೆಯಲ್ಲಿ ಹೇಳಲಾಗಿದೆ.
ಸ್ಪೀಡ್ ಪೋಸ್ಟ್ ಮೂಲಕ ಮಾತ್ರ ಕಳುಹಿಸಲು ಸೂಚನೆ: ITR-V ಅನ್ನು ಹಾರ್ಡ್ ಕಾಪಿಯಲ್ಲಿ ಕಳುಹಿಸಲು ಬಯಸುವವರು ಅದನ್ನು "ಸ್ಪೀಡ್ ಪೋಸ್ಟ್ ಮೂಲಕ ಮಾತ್ರ" ಕೇಂದ್ರೀಕೃತ ಸಂಸ್ಕರಣಾ ಕೇಂದ್ರ, ಆದಾಯ ತೆರಿಗೆ ಇಲಾಖೆ, ಬೆಂಗಳೂರು-560500, ಕರ್ನಾಟಕ ಎಂಬ ವಿಳಾಸಕ್ಕೆ ಕಳುಹಿಸತಕ್ಕದ್ದು.
Click it and Unblock the Notifications
Sign in with Google