ಟಿವಿ 9 ವಾಹಿನಿ ಕೊಳ್ಳಲಿದ್ದಾರೆಯೇ ಸಂಸದ ರಾಜೀವ್ ಚಂದ್ರಶೇಖರ್?

By: ಒನ್ ಇಂಡಿಯಾ ನ್ಯೂಸ್ ಡೆಸ್ಕ್
Subscribe to Oneindia Kannada

ಬೆಂಗಳೂರು, ಜುಲೈ 15: ಕನ್ನಡ ಸುದ್ದಿ ವಾಹಿನಿಗಳ ಲೋಕದಲ್ಲಿ ಅತ್ಯಂತ ಜನಪ್ರಿಯ ಸುದ್ದಿಸಂಸ್ಥೆಯೆಂದೆನಿಸಿರುವ 'ಟಿವಿ 9 ಕನ್ನಡ' ವಾಹಿನಿಯನ್ನು ಕೊಳ್ಳಲು ಬಿಜೆಪಿ ಸಂಸದ ರಾಜೀವ್ ಚಂದ್ರಶೇಖರ್ ಪ್ರಯತ್ನಿಸಿದ್ದಾರೆಂಬ ವರದಿಯೊಂದು ಮಾಧ್ಯಮ ಲೋಕದಲ್ಲಿ ಗುಲ್ಲೆಬ್ಬಿಸಿದೆ.

'ಜ್ಯೂಪಿಟರ್ ಕ್ಯಾಪಿಟಲ್ಸ್' ಎಂಬ ಸಂಸ್ಥೆಯ ಒಡೆಯರೂ ಆಗಿರುವ ರಾಜೀವ್ ಚಂದ್ರಶೇಖರ್, ಟಿವಿ 9ನಲ್ಲಿನ ಸುಮಾರು ಶೇ. 60ರಷ್ಟು ಷೇರನ್ನು ಕೊಳ್ಳಲು ಮುಂದಾಗಿದ್ದಾರೆಂದು 'ಎಕ್ಸ್ ಚೇಂಜ್ 4 ಮೀಡಿಯಾ' ಎಂಬ ಸುದ್ದಿಸಂಸ್ಥೆ ತನ್ನ ವರದಿಯಲ್ಲಿ ಹೇಳಿದೆ.

ಬೆಂಗಳೂರು ಮತದಾರರ ಪಟ್ಟಿಯಲ್ಲಿ 50 ಸಾವಿರ ಅಕ್ರಮ ಬಾಂಗ್ಲಾ ಪ್ರಜೆಗಳು!

Rajeev Chandrasekhar will purchase TV 9 Kannada, says rumours

ಈ ಬಗ್ಗೆ ತಮ್ಮನ್ನು ಸಂಪರ್ಕಿಸಿದ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿರುವ ರಾಜೀವ್ ಚಂದ್ರಶೇಖರ್ ತಾವು ಟಿವಿ 9 ಕೊಳ್ಳುತ್ತಿಲ್ಲವೆಂದು ಸ್ಪಷ್ಟಪಡಿಸಿದ್ದಾರೆ. ಆದರೂ, ಮಾಧ್ಯಮ ಲೋಕದ ವ್ಯವಹಾರಗಳ ಕೆಲ ಉನ್ನತ ಮೂಲಗಳು ರಾಜೀವ್ ಅವರ ಕಡೆಗೇ ಕೈ ತೋರಿಸುತ್ತಿವೆ ಎಂದು ವರದಿಯಲ್ಲಿ ಹೇಳಲಾಗಿದೆ.

ಟಿವಿ 9ನಲ್ಲಿ ತಮ್ಮ ಷೇರುಗಳನ್ನು ಮಾರಾಟಕ್ಕಿಟ್ಟಿರುವ ಶ್ರೀನಿವಾಸ್ ರಾಜು ಎಂಬುವರು, ಎಕ್ಸ್ ಚೇಂಜ್ 4 ಮೀಡಿಯಾದೊಂದಿಗೆ ಮಾತನಾಡಿ, ತಮ್ಮ ಷೇರುಗಳನ್ನು ಮಾರಾಟ ಮಾಡಲು ತಾವು ಸಿದ್ಧರಿದ್ದು, ಸುಮಾರು 4 ಕಂಪನಿಗಳೊಂದಿಗೆ ಮಾತುಕತೆ ನಡೆಸಿರುವುದಾಗಿ ಹೇಳಿದ್ದಾರೆ.

ಪರಪ್ಪನ ಅಗ್ರಹಾರ ಜೈಲಲ್ಲ, ಬಾರ್: ಅಶೋಕ್

ಆದರೆ, ಈ ಬಗ್ಗೆ ಹೆಚ್ಚಿನ ವಿವರ ಹೇಳಲು ನಿರಾಕರಿಸಿದ ಅವರು ಗೌಪ್ಯತೆ ಕಾಪಾಡುವ ಒಪ್ಪಂದಕ್ಕೆ ತಾವು ಸಹಿ ಹಾಕಿರುವುದರಿಂದ ಈ ಬಗ್ಗೆ ಹೆಚ್ಚಿನದ್ದೇನೂ ಹೇಳಲು ಸಾಧ್ಯವಿಲ್ಲ ಎಂದಿದ್ದಾರೆ.

ಒಂದು ಮೂಲದ ಪ್ರಕಾರ, ಟಿವಿ 9 ಕನ್ನಡದಲ್ಲಿ ಶ್ರೀನಿವಾಸ್ ರಾಜು ಅವರ ಪಾಲು 500ರಿಂದ 600 ಕೋಟಿ ರು.ಗಳಿಷ್ಟಿರಬಹುದು ಎಂದು ಅಂದಾಜಿಸಲಾಗಿದೆ.

The Poem Of Life

ಅದೇನೇ ಇರಲಿ, ಟಿವಿ 9 ಕನ್ನಡ ಸಂಸ್ಥೆ ಮಾರಾಟಕ್ಕಿದೆ ಎಂಬ ಮಾತು ಬಹು ದಿನಗಳಿಂದಲೇ ಕೇಳಿಬರುತ್ತಿರುವುದಂತೂ ಸತ್ಯ. ಅದರ ಬೆನ್ನಲ್ಲೇ, ಹಲವಾರು ವದಂತಿಗಳೂ ಹೀಗೆ ಹರಿದಾಡುತ್ತಿರುವೂ ಅಷ್ಟೇ ಸತ್ಯ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Karnataka media rumor mill says BJP MP Rajeev Chandrasekhar is planning to purchase 60% of shares of No. 1 Kannada News Channel 'TV 9 Kannada'. However, Chandrashekhar has denied these rumors.
Please Wait while comments are loading...