ಬಜೆಟ್ ನಂತರ ಸಿಗರೇಟು ದರ ಏರಿಕೆ ಮಾಡಿದ ಐಟಿಸಿ

ನವದೆಹಲಿ, ಫೆಬ್ರವರಿ 20: ಕೇಂದ್ರ ಬಜೆಟ್ ನಂತರ ಇದೇ ಮೊದಲ ಬಾರಿಗೆ ಐಟಿಸಿ ತನ್ನ ಉತ್ಪನ್ನಗಳ ಬೆಲೆ ಏರಿಕೆ ಮಾಡಿದೆ. ಎನ್ ಸಿಸಿಡಿ ದರ ಏರಿಕೆ ಅನ್ವಯದಂತೆ ಶೇ 10 ರಿಂದ 20 ರಷ್ಟು ಸಿಗರೇಟು ದರ ಏರಿಕೆ ಮಾಡಲಾಗುವುದು ಎಂದು ಐಟಿಸಿ ಈ ಹಿಂದೆಯೇ ಪ್ರಕಟಿಸಿತ್ತು.

ಆದರೆ, ಎನ್ ಸಿಸಿಡಿ ದರ ಏರಿಕೆಯನ್ನು ತಂಬಾಕು ಉತ್ಪನ್ನ ಸಂಸ್ಥೆಗಳು ನೇರವಾಗಿ ಗ್ರಾಹಕರ ಮೇಲೆ ಹಾಕಬಹುದು ಅಥವಾ ಬೆಲೆ ಏರಿಕೆ ಮಾಡದೆ ಇರಬಹುದು.

ಯಾವುದರ ಬೆಲೆ ಎಷ್ಟಾಗಿದೆ?
* ಅಮೆರಿಕನ್ ಕ್ಲಬ್ ಕೂಲ್ ಫ್ರೆಶ್ ಟೆಸ್ಟ್: ಶೇ10, 200 ರಿಂದ 220 ರು(20 ಸಿಗರೇಟಿನ ಪ್ಯಾಕ್)
* ನೇವಿ ಕಟ್ ಫಿಲ್ಟರ್ : ಶೇ 16ರಷ್ಟು ಏರಿಕೆ, 10ಕ್ಕೆ 80 ರು.
* ಫ್ಲೇಕ್ ಫಿಲ್ಟರ್: ಶೇ 14ರಷ್ಟು ಏರಿಕೆ, 80 ರು.
* ಫ್ಲೇಕ್ ಸ್ಪೆಷಲ್ ಫಿಲ್ಟರ್, ಫ್ಲೇಕ್ ಬ್ಲೂ ಸ್ಪೆಷಲ್ ಫಿಲ್ಟರ್, ವೇವ್ ಕೂಲ್ ಮಿಂಟ್: ಶೇ 20ರಷ್ಟು ಏರಿಕೆ.

ಇದಲ್ಲದೆ, ಗೋಲ್ಡ್ ಫ್ಲೇಕ್ ಸೂಪರ್ ಸ್ಟಾರ್ ಹಾಗೂ ಡ್ಯೂಕ್ ಸ್ಪೆಷಲ್ ಫಿಲ್ಟರ್ ಬೆಲೆ ಕೂಡಾ ಏರಿಕೆಯಾಗಿದೆ. ಬೆಂಗಳೂರಿನಲ್ಲಿ ಕಿಂಗ್ 10ಕ್ಕೆ 170 ರುಪಾಯಿ, ಸ್ಮಾಲ್ 8 ರಿಂದ 10 ರು ಒಂದಕ್ಕೆ ಮಾರಾಟವಾಗುತ್ತಿದೆ.

ಕಳೆದ ವರ್ಷ ಬ್ರಿಸ್ಟೋಲ್, ಕಾಪ್ಸ್ಟನ್ ಹಾಗೂ ಫ್ಲೇಕ್ ಎಕ್ಸೆಲ್ ಬೆಲೆ ಶೇ 7 ರಿಂದ 14ರಷ್ಟು ಏರಿಕೆಯಾಗಿತ್ತು. 2016ರಲ್ಲಿ ಗೋಲ್ಡ್ ಫ್ಲೇಕ್ ಬೆಲೆ ಶೇ 13ರಷ್ಟು ಏರಿಕೆಯಾಗಿತ್ತು.

ಡಿಸೆಂಬರ್ 31, 2019 ರ ಅಂತ್ಯಕ್ಕೆ ಐಟಿಸಿ ಸಂಸ್ಥೆ ಆದಾಯದಲ್ಲಿ 6.31% ಏರಿಕೆ ಕಂಡು ಬಂದಿದ್ದು, 17, 928.69 ಕೋಟಿ ರು ನಷ್ಟಿತ್ತು. ಸಿಗರೇಟು ಮಾರಾಟದಿಂದ ಲಾಭದಲ್ಲಿ ಶೇ 7.59ರಷ್ಟು ಏರಿಕೆಯಾಗಿದೆ.

English summary

Following the hike in the National Calamity Contingency Duty (NCCD) announced in the Union Budget this year, market leader ITC increased cigarette prices by 10-20 per cent across some of its brands in all of its markets.