ಆಸ್ಪತ್ರೆ, ಬ್ಯಾಂಕ್ವೆಟ್ ಹಾಲ್ಗಳ ಜೊತೆ ನಗದು ವ್ಯವಹಾರ ಮಾಡುವ ಮೊದಲು ಈ ನಿಯಮ ತಿಳಿಯಿರಿ
ತೆರಿಗೆ ವಂಚನೆಯನ್ನು ತಡೆಯಲು ಆದಾಯ ತೆರಿಗೆ ಇಲಾಖೆ ಆಸ್ಪತ್ರೆ, ಬ್ಯಾಂಕ್ವೆಟ್ ಹಾಲ್, ವ್ಯವಹಾರಗಳಲ್ಲಿ ನಗದು ವಹಿವಾಟಿನ ಮೇಲೆ ನಿಗಾ ಇಡಲು ನಿರ್ಧರಿಸಿದೆ. ಆದಾಯ ತೆರಿಗೆ ಇಲಾಖೆಯ ಪ್ರಕಾರ, ನಗದು ವ್ಯವಹಾರಗಳು ಕೆಲವೊಮ್ಮೆ ಕಾನೂನುಬದ್ಧವಾಗಿಲ್ಲ ಎಂದು ಹೇಳಿದ್ದು, ನಿಮ್ಮನ್ನು ತೊಂದರೆಗೆ ಸಿಲುಕಿಸಬಹುದು. ಸಾಲ ಅಥವಾ ಠೇವಣಿಗಾಗಿ 20,000 ರುಪಾಯಿಗಳಿಂತ ಅಥವಾ ಅದಕ್ಕಿಂತ ಹೆಚ್ಚಿನ ಹಣವನ್ನು ಸ್ವೀಕರಿಸುವುದನ್ನು ನಿಷೇಧಿಸಲಾಗಿದೆ ಮತ್ತು ಅಂತಹ ವಹಿವಾಟುಗಳನ್ನು ಬ್ಯಾಂಕಿಂಗ್ ವ್ಯವಸ್ಥೆಯ ಮೂಲಕ ಮಾಡಬೇಕು.
ಒಬ್ಬ ವ್ಯಕ್ತಿಯು ಇನ್ನೊಬ್ಬ ವ್ಯಕ್ತಿಯಿಂದ 2 ಲಕ್ಷ ರುಪಾಯಿ ಅಥವಾ ಅದಕ್ಕಿಂತ ಹೆಚ್ಚಿನ ಮೊತ್ತವನ್ನು ಒಟ್ಟಾರೆಯಾಗಿ ನಗದು ರೂಪದಲ್ಲಿ ಸ್ವೀಕರಿಸಲು ಸಹ ಅನುಮತಿ ನೀಡುವುದಿಲ್ಲ. ನೋಂದಾಯಿತ ಟ್ರಸ್ಟ್ ಅಥವಾ ರಾಜಕೀಯ ಪಕ್ಷಕ್ಕೆ ನಗದು ರೂಪದಲ್ಲಿ ನೀಡಿದ ದೇಣಿಗೆಗಳನ್ನು ಕಡಿತಗಳಾಗಿ ಅನುಮತಿಸಲಾಗುವುದಿಲ್ಲ ಎಂದು ಆದಾಯ ತೆರಿಗೆ ಇಲಾಖೆ ಹೇಳಿದೆ.
NPS ಪಿಂಚಣಿಯಲ್ಲಿ ಹೂಡಿಕೆ ಮಾಡಿದರೆ ಅಧಿಕ ಲಾಭ; ಈ ಯೋಜನೆಯ ಸೌಲಭ್ಯ ತಿಳಿಯಿರಿ
ಆಸ್ಪತ್ರೆಗಳು, ಬ್ಯಾಂಕ್ವೆಟ್ ಹಾಲ್ಗಳಲ್ಲಿ ಮಿತಿಗಿಂತ ಹೆಚ್ಚಿನ ಹಣವನ್ನು ಪಾವತಿಸುವುದು ನಿಮ್ಮನ್ನು ತೊಂದರೆಗೆ ಸಿಲುಕಿಸಬಹುದು ನಗದು ಬಳಸುವುದನ್ನು ತಪ್ಪಿಸಿ ಮತ್ತು ಬದಲಿಗೆ ಡಿಜಿಟಲ್ ಪಾವತಿ, ಚೆಕ್, ಡಿಡಿ ಸೇರಿದಂತೆ ಇತರೆ ಬ್ಯಾಂಕಿಂಗ್ ಚಾನೆಲ್ಗಳ ಮೂಲಕ ಪಾವತಿಸಬಹುದಾಗಿದೆ.
ಆಸ್ಪತ್ರೆ ಹಣಕಾಸು ವ್ಯವಹಾರಗಳ ಮೇಲೆ ನಿಗಾ
ಈ ನಿಯಮಗಳನ್ನು ಜಾರಿಗೊಳಿಸಲು, ಐಟಿ ಇಲಾಖೆಯು ಆಸ್ಪತ್ರೆಗಳು ಸೇರಿದಂತೆ ಕೆಲವು ವ್ಯವಹಾರಗಳು ಮತ್ತು ವೃತ್ತಿಗಳಲ್ಲಿ ನಗದು ವಹಿವಾಟುಗಳನ್ನು ಮೇಲ್ವಿಚಾರಣೆ ಮಾಡುತ್ತದೆ. ಕೆಲವು ವೃತ್ತಿಪರರು ಸಹ ಇಲಾಖೆಯ ರಾಡಾರ್ ಅಡಿಯಲ್ಲಿದ್ದಾರೆ ಎಂದು ಹೇಳಲಾಗಿದೆ.
ರೋಗಿಯನ್ನು ದಾಖಲಿಸಿಕೊಂಡ ನಂತರ ಆರೋಗ್ಯ ಸಂಸ್ಥೆಗಳು ರೋಗಿಗಳ ಪ್ಯಾನ್ ಕಾರ್ಡ್ಗಳನ್ನು ಸಂಗ್ರಹಿಸಬೇಕು ಎಂದು ಕಾನೂನು ಕಡ್ಡಾಯಗೊಳಿಸುತ್ತದೆ. ಆದಾಯ ತೆರಿಗೆ ಇಲಾಖೆಯ ಅಧಿಕಾರಿಗಳ ಪ್ರಕಾರ, ಆರೋಗ್ಯ ಸೌಲಭ್ಯಗಳು, ಹಲವಾರು ನಿದರ್ಶನಗಳಲ್ಲಿ, ತೆರಿಗೆ ನಿಯಮವನ್ನು ಕಡೆಗಣಿಸಲಾಗಿದೆ ಎಂದು ಹೇಳಲಾಗಿದೆ.
ತೆರಿಗೆ ಉಳಿತಾಯ; ಎಚ್ಆರ್ಎ, ಆರೋಗ್ಯ ವಿಮೆ ಮೂಲಕ ಲಕ್ಷ ರೂ. ಉಳಿಸಿ; ಹೇಗೆ ತಿಳಿಯಿರಿ
ನಿಯಮ ಮೀರಿದರೆ ಇಲಾಖೆಯಿಂದ ಶಿಸ್ತುಕ್ರಮ
ಆದಾಯ ತೆರಿಗೆ ಇಲಾಖೆ ನಿಯಮಗಳನ್ನು ಮೀರುವ ಆಸ್ಪತ್ರೆಗಳ ವಿರುದ್ಧ ಆದಾಯ ತೆರಿಗೆ ಇಲಾಖೆ ಕ್ರಮ ಕೈಗೊಳ್ಳಲು ಮುಂದಾಗಿದೆ. ಇದು ಆಸ್ಪತ್ರೆಗಳ ವಹಿವಾಟನ್ನು ಪರಿಶೀಲನೆ ಮಾಡುತ್ತದೆ. ಖಾಸಗಿ ವೈದ್ಯಕೀಯ ಸೌಲಭ್ಯಗಳಿಗೆ ದೊಡ್ಡ ಮೊತ್ತವನ್ನು ಪಾವತಿಸಿದ ರೋಗಿಗಳನ್ನು ಪತ್ತೆಹಚ್ಚುತ್ತದೆ ಎಂದು ಎಂದು ಹೇಳಿದೆ.
ಆದಾಯ ರಿಟರ್ನ್ಸ್ನಲ್ಲಿ ಯಾವುದೇ ವ್ಯತ್ಯಾಸವನ್ನು ಪತ್ತೆಹಚ್ಚಲು ವಾರ್ಷಿಕ ಮಾಹಿತಿ ಹೇಳಿಕೆಯಂತಹ ವಿವರವಾದ ಡೇಟಾವನ್ನು ತೆರಿಗೆ ಇಲಾಖೆ ಬಳಸಿಕೊಳ್ಳುತ್ತಿದೆ ಎಂದು ವರದಿ ಹೇಳಿದೆ.
ತೆರಿಗೆದಾರರು ಅಗತ್ಯ ದಾಖಲೆಗಳನ್ನು ಲಗತ್ತಿಸುವುದರ ಜೊತೆಗೆ, ವಾರ್ಷಿಕ ಮಾಹಿತಿ ಹೇಳಿಕೆ (AIS) ಮತ್ತು ತೆರಿಗೆದಾರರ ಮಾಹಿತಿ ಸಾರಾಂಶದಲ್ಲಿ (TIS) ತಮ್ಮ ವಿವರಗಳ ಪ್ರಕಾರ ಸರಿಯಾದ ಮಾಹಿತಿಯನ್ನು ನೀಡಬೇಕಾಗುತ್ತದೆ.
ಆದಾಯದ ವಿವರಗಳ ಪರಿಶೀಲನೆ ಹೇಗೆ?
ತೆರಿಗೆ ರಿಟರ್ನ್ನಲ್ಲಿ ಸಲ್ಲಿಸಿದ ಮಾಹಿತಿಯಲ್ಲಿನ ಯಾವುದೇ ವ್ಯತ್ಯಾಸ ಮತ್ತು ವಾರ್ಷಿಕ ಮಾಹಿತಿ ಹೇಳಿಕೆ (AIS) ಮತ್ತು ತೆರಿಗೆದಾರರ ಮಾಹಿತಿ ಸಾರಾಂಶದಲ್ಲಿ (TIS) ನ ವಿವರಗಳಿದ್ದರೆ ಆದಾಯ ತೆರಿಗೆ ಇಲಾಖೆ ಅಂತಹ ತೆರಿಗೆದಾರರಿಗೆ ನೊಟೀಸ್ ನೀಡುತ್ತದೆ.
2021 ರಲ್ಲಿ ಪ್ರಾರಂಭಿಸಲಾದ ವಾರ್ಷಿಕ ಮಾಹಿತಿ ಹೇಳಿಕೆ (AIS) ಕಳೆದ ವರ್ಷದಲ್ಲಿ ವೈಯಕ್ತಿಕ ಹಣಕಾಸು ವಹಿವಾಟಿನ ಎಲ್ಲಾ ವಿವರಗಳನ್ನು ಒಳಗೊಂಡಿರುವ ಸಮಗ್ರ ಹೇಳಿಕೆಯಾಗಿದೆ.
ಉಳಿತಾಯ ಖಾತೆ/ ನಿಶ್ಚಿತ ಠೇವಣಿಗಳ ಮೇಲೆ ಗಳಿಸಿದ ಬಡ್ಡಿ, ಟಿಡಿಎಸ್, ಲಾಭಾಂಶ, ಮ್ಯೂಚುವಲ್ ಫಂಡ್ಗಳು ಅಥವಾ ಅಂತಹ ಇತರ ಹೂಡಿಕೆಗಳು ಸೇರಿದಂತೆ ಆದಾಯ ತೆರಿಗೆ ಕಾಯಿದೆಯಲ್ಲಿ ಕಡ್ಡಾಯವಾಗಿರುವ ಮಾಹಿತಿಯನ್ನು ಇದು ಒಳಗೊಂಡಿದೆ.
ಎಐಎಸ್ ಡೌನ್ಲೋಡ್ ಮಾಡುವುದು ಹೇಗೆ?
ಆದಾಯ ತೆರಿಗೆ ಇಲಾಖೆಯ ಪೋರ್ಟಲ್ನಲ್ಲಿ ತಮ್ಮ ಖಾತೆಗಳಿಗೆ ಲಾಗ್ ಇನ್ ಮಾಡುವ ಮೂಲಕ ತೆರಿಗೆದಾರರು ವರ್ಷಕ್ಕೆ ತಮ್ಮ ವಾರ್ಷಿಕ ಮಾಹಿತಿ ಹೇಳಿಕೆಯನ್ನು ಡೌನ್ಲೋಡ್ ಮಾಡಬಹುದು.
ಇ-ಫೈಲಿಂಗ್ ಪೋರ್ಟಲ್ನಲ್ಲಿ "ಸೇವೆಗಳು" ಟ್ಯಾಬ್ ಅಡಿಯಲ್ಲಿ ಡೌನ್ಲೋಡ್ ಮಾಡಲು ಎಐಎಸ್ ಲಭ್ಯವಿದೆ. ಮತ್ತೊಂದೆಡೆ, ಟಿಐಎಸ್ ಎಐಎಸ್ನ ಭಾಗವಾಗಿದೆ ಮತ್ತು ವರ್ಗದ ಮೂಲಕ ಒಟ್ಟುಗೂಡಿಸಲಾದ ತೆರಿಗೆದಾರರಿಗೆ ಮಾಹಿತಿ ಸಾರಾಂಶವನ್ನು ಒಳಗೊಂಡಿದೆ.
ಟಿಐಎಸ್ನಲ್ಲಿ ಸಂಸ್ಕರಿಸಿದ ಮೌಲ್ಯ ಮತ್ತು ಪಡೆದ ಮೌಲ್ಯ ಸೇರಿದಂತೆ ಇತರೆ ವಿವರಗಳನ್ನು ತೋರಿಸುತ್ತದೆ. ಅಗತ್ಯವಿರುವಲ್ಲೆಲ್ಲಾ ರಿಟರ್ನ್ಗಳನ್ನು ಪೂರ್ವಭರ್ತಿ ಮಾಡಲು ಮಾಹಿತಿಯನ್ನು ಬಳಸಲಾಗುತ್ತದೆ.
ಎಐಎಸ್ನಂತಹ ತೆರಿಗೆದಾರರ ಮಾಹಿತಿ ಸಾರಾಂಶವನ್ನು ಆದಾಯ ತೆರಿಗೆ ಇಲಾಖೆಯ ಇ-ಫೈಲಿಂಗ್ ಪೋರ್ಟಲ್ನಿಂದ ಡೌನ್ಲೋಡ್ ಮಾಡಬಹುದು. ನಿಮ್ಮ ಟಿಐಎಸ್ ಅನ್ನು ಪ್ರವೇಶಿಸಲು, ಐಟಿ ಪೋರ್ಟಲ್ನ ಸೇವೆಗಳ ಟ್ಯಾಬ್ನ ಅಡಿಯಲ್ಲಿಎಐಎಸ್ ಅನ್ನು ಕ್ಲಿಕ್ ಮಾಡಿ.
ಪಾಸ್ವರ್ಡ್-ರಕ್ಷಿತ ಪಿಡಿಎಫ್ನಲ್ಲಿ ಅದನ್ನು ಡೌನ್ಲೋಡ್ ಮಾಡಲು ಮುಂದಿನ ಪುಟದಲ್ಲಿ "ತೆರಿಗೆದಾರರ ಮಾಹಿತಿ ಹೇಳಿಕೆ" ಕ್ಲಿಕ್ ಮಾಡಿ. ಟಿಐಎಸ್ ಅನ್ನು ಪ್ರವೇಶಿಸಲು, ವೈಯಕ್ತಿಕ ತೆರಿಗೆದಾರರ ಸಂದರ್ಭದಲ್ಲಿ ಹುಟ್ಟಿದ ದಿನಾಂಕದ ಜೊತೆಗೆ ಸಣ್ಣ ಅಕ್ಷರಗಳಲ್ಲಿ ಪಾನ್ ವಿವರಗಳನ್ನು ನಮೂದಿಸಿ.