ಮೂನ್‌ಲೈಟಿಂಗ್ ಮಾಡುವ ಸಿಬ್ಬಂದಿಗೆ ಎಚ್ಚರಿಕೆ ಕೊಟ್ಟ ಐಬಿಎಂ

ಬೆಂಗಳೂರು, ಅಕ್ಟೋಬರ್‌ 27: ಜಾಗತಿಕ ತಂತ್ರಜ್ಞಾನದ ಪ್ರಮುಖ ಸಂಸ್ಥೆ ಐಬಿಎಂ ತನ್ನ ಭಾರತೀಯ ಉದ್ಯೋಗಿಗಳಿಗೆ ಮೂನ್‌ಲೈಟಿಂಗ್ ವಿರುದ್ಧ ಎಚ್ಚರಿಕೆ ನೀಡಿದೆ. ಮೂನ್‌ಲೈಟಿಂಗ್‌ ಅಭ್ಯಾಸವು ಕಂಪೆನಿಯ ಹಿತಾಸಕ್ತಿಗೆ ವಿರುದ್ಧವಾಗಿದೆ. ಏಕೆಂದರೆ ಇದು ನಿರ್ಣಾಯಕ ಕ್ಲೈಂಟ್ ಡೇಟಾ ಮತ್ತು ವಾಣಿಜ್ಯ ಸ್ವತ್ತುಗಳನ್ನು ಅಪಾಯ ತಂದೊಡ್ಡುತ್ತದೆ ಎಂದು ಹೇಳಿದೆ.

ಕಚೇರಿ ವೇಳೆ ಹೊರತುಪಡಿಸಿರುವ ಸಮಯವು ಅವರ ಸ್ವಂತದ್ದಾಗಿದ್ದರೂ ಕಂಪೆನಿ ಹಿತಾಸಕ್ತಿಗೆ ವಿರುದ್ಧವಾದ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದನ್ನು ತಪ್ಪಿಸುವ ಅವಶ್ಯಕತೆಯಿದೆ ಎಂದು ಐಬಿಎಂ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಸಂದೀಪ್ ಪಟೇಲ್ ತನ್ನ ಉದ್ಯೋಗಿಗಳಿಗೆ ಕಳುಹಿಸಲಾದ ಆಂತರಿಕ ಮೇಲ್‌ನಲ್ಲಿ ತಿಳಿಸಿದ್ದಾರೆ. ನೀವು ನೇರವಾಗಿ ಅಥವಾ ಪರೋಕ್ಷವಾಗಿ ಬೇರೆಡೆ ಕೆಲಸದ ವಿಚಾರವನ್ನು ಮುಂದಿಟ್ಟರೆ ಕಂಪೆನಿಯ ಹಿತಾಸಕ್ತಿಗೆ ಗಂಭೀರ ಹಾನಿ ಮತ್ತು ನಂಬಿಕೆಯ ಉಲ್ಲಂಘನೆ ಎಂದು ಪರಿಗಣಿಸಲಾಗುತ್ತದೆ ಎಂದು ಅದು ಹೇಳಿದೆ.

ಭಾರತದಲ್ಲಿ ಟೆಕ್ ಸಿಬ್ಬಂದಿ ತಮ್ಮ ನಿಯಮಿತ ಉದ್ಯೋಗಗಳಿಗಿಂತ ಹೆಚ್ಚುವರಿಯಾಗಿ ಅನ್ಯ ಉದ್ಯೋಗಗಳನ್ನು ತೆಗೆದುಕೊಳ್ಳುವ ಅಭ್ಯಾಸದ ಬಗ್ಗೆ ಬಿಸಿ ಚರ್ಚೆಯ ಮಧ್ಯೆ ಐಬಿಎಂನಿಂದ ಸ್ಪಷ್ಟೀಕರಣವು ಬಂದಿದೆ. ಇದು ಉದ್ಯಮವನ್ನು ವಿಭಜಿಸುತ್ತದೆ. ಅನೇಕ ಸಂಸ್ಥೆಗಳು ಈ ಪ್ರವೃತ್ತಿಯನ್ನು ಟೀಕಿಸಿವೆ. ಇತರರು ಅದನ್ನು ಒಪ್ಪಿಕೊಂಡಂತೆ ತೋರುತ್ತಿದೆ.

ಕಂಪನಿಯ ವ್ಯವಹಾರವು ಮೂರನೇ ವ್ಯಕ್ತಿಗಳಿಂದ ತನ್ನ ಕಸ್ಟಮರ್‌ ಆಸ್ತಿಗಳ ಅನಧಿಕೃತ ಪ್ರವೇಶವನ್ನು ಮಿತಿಗೊಳಿಸಲು ಐಬಿಎಂ ಸಾಕಷ್ಟು ಕಾರ್ಯವಿಧಾನಗಳನ್ನು ಹೊಂದಿದೆ ಎಂಬ ನಂಬಿಕೆಯನ್ನು ಆಧರಿಸಿದೆ ಎಂದು ಅದು ಹೇಳಿದೆ. ಐಬಿಎಂ ಭಾರತದಲ್ಲಿ 1,40,000 ಉದ್ಯೋಗಿಗಳನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಇದು ಜಾಗತಿಕವಾಗಿ ತನ್ನ ಅತಿದೊಡ್ಡ ಉದ್ಯೋಗಿ ನೆಲೆಗಳಲ್ಲಿ ಒಂದಾಗಿದೆ. 2020 ರ ಡಿಸೆಂಬರ್‌ಗೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ ಇದರ ಭಾರತದ ವ್ಯವಹಾರವು 25,300 ಕೋಟಿ ರೂಪಾಯಿಗಿಂತ ಹೆಚ್ಚಿನ ಆದಾಯವನ್ನು ಗಳಿಸಿದೆ.

ಟೆಕಿಗಳು ಐಬಿಎಂನಿಂದ ಉದ್ಯೋಗ ಪಡೆದಾಗ ಅವರು ಕಂಪನಿಗಾಗಿ ಮಾತ್ರ ಕೆಲಸ ಮಾಡುತ್ತಾರೆ ಎಂದು ಭರವಸೆ ನೀಡುವ ಒಪ್ಪಂದಕ್ಕೆ ಸಹಿ ಹಾಕುತ್ತಾರೆ. ಆದ್ದರಿಂದ, ಜನರು ತಮ್ಮ ಉಳಿದ ಸಮಯದಲ್ಲಿ ಏನು ಮಾಡಬಹುದು ಎಂಬುದರ ಹೊರತಾಗಿಯೂ ಅದನ್ನು (ಮೂನ್‌ಲೈಟಿಂಗ್) ಮಾಡುವುದು ನೈತಿಕವಲ್ಲ. ಅದು ನನ್ನ ನಿಲುವು ಎಂದು ಕಳೆದ ತಿಂಗಳು ಮುಂಬೈನಲ್ಲಿ ನಡೆದ ಐಬಿಎಂ ಥಿಂಕ್ ಸಮ್ಮೇಳನದಲ್ಲಿ ಪಟೇಲ್ ಹೇಳಿದ್ದರು.

ವಿಪ್ರೋ ಇತ್ತೀಚೆಗೆ ಮೂನ್‌ಲೈಟಿಂಗ್‌ನಲ್ಲಿ ತೊಡಗಿದ್ದಕ್ಕಾಗಿ 300 ಟೆಕ್ಕಿಗಳನ್ನು ವಜಾಗೊಳಿಸಿದೆ. ಅದರ ಕಾರ್ಯನಿರ್ವಾಹಕ ಅಧ್ಯಕ್ಷ ರಿಶಾದ್ ಪ್ರೇಮ್‌ಜಿ ಉದ್ಯೋಗಿಗಳ ಈ ಅಭ್ಯಾಸವನ್ನು ವಂಚನೆ ಎಂದು ಕರೆದಿದ್ದಾರೆ. ಮತ್ತೊಂದೆಡೆ, ಇನ್ಫೋಸಿಸ್ ತನ್ನ ಉದ್ಯೋಗಿಗಳಿಗೆ ಪೂರ್ವಾನುಮತಿಯೊಂದಿಗೆ ಸಂಸ್ಥೆಯ ವ್ಯವಹಾರದೊಂದಿಗೆ ನೇರ ಸ್ಪರ್ಧೆಯಲ್ಲಿಲ್ಲದ ಅನ್ಯ ಕೆಲಸಗಳನ್ನು ತೆಗೆದುಕೊಳ್ಳಲು ಅವಕಾಶ ಮಾಡಿಕೊಟ್ಟಿದೆ.

English summary

Global technology major IBM has warned its Indian employees against moonlighting.