ಬೆಂಗ್ಳೂರಿನ ಹೋಂಡಾ ಕಂಪನಿ ಈಗ ವಿಶ್ವದಲ್ಲೇ ನಂಬರ್ ಒನ್!

ಬೆಂಗಳೂರಿನಲ್ಲಿ ಹೊಸ ಘಟಕ ತೆರೆದ ಹೋಂಡಾ ದ್ವಿಚಕ್ರ ವಾಹನ ಸಂಸ್ಥೆ. ಈ ಸಂಸ್ಥೆಯಿಂದಾಗಿ, ವಿಶ್ವದಲ್ಲೇ ಅತ್ಯಧಿಕ ದ್ವಿಚಕ್ರ ವಾಹನ ತಯಾರಿಕಾ ನಗರವಾಗಿ ಹೊರಹೊಮ್ಮಿದ ಬೆಂಗಳೂರು.

ಬೆಂಗಳೂರು, ಆಗಸ್ಟ್ 2: ಪ್ರತಿಷ್ಠಿತ ದ್ವಿಚಕ್ರ ವಾಹನ ತಯಾರಿಕಾ ಸಂಸ್ಥೆಯಾದ ಹೋಂಡಾ ಮೋಟರ್ ಸೈಕಲ್ ಹಾಗೂ ಸ್ಕೂಟರ್ ಇಂಡಿಯಾ (ಎಚ್ಎಂಎಸ್ಐ), ನರಸಾಪುರದಲ್ಲಿ ಹೊಂದಿರುವ ತನ್ನ ದ್ವಿಚಕ್ರ ವಾಹನ ತಯಾರಿಕಾ ಕಾರ್ಖಾನೆಯ ನಾಲ್ಕನೇ ಘಟಕವನ್ನು ಮಂಗಳವಾರ ಉದ್ಘಾಟಿಸಿತು.

ಈ ಮೂಲಕ, ಜಗತ್ತಿನ ಅತಿ ದೊಡ್ಡ ದ್ವಿಚಕ್ರ ವಾಹನ ಉತ್ಪಾದನಾ ಘಟಕವಾಗಿ ಅದು ಹೊರಹೊಮ್ಮಿದ್ದು, ಬೆಂಗಳೂರಿಗೂ ಇದು ಮತ್ತೊಂದು ಹಿರಿಮೆಯನ್ನು ತಂದುಕೊಟ್ಟಿದೆ.

ಈ ಹೊಸ ಘಟಕದಲ್ಲಿಪ್ರತಿ ವರ್ಷ ಹೋಂಡಾದ 6 ಲಕ್ಷ ದ್ವಿಚಕ್ರ ವಾಹನಗಳು ಉತ್ಪಾದನೆಯಾಗಲಿವೆ ಎಂದು ಕಂಪನಿ ಹೇಳಿದೆ. ಅಲ್ಲದೆ, ಬೆಂಗಳೂರಿನಲ್ಲಿರುವ ಒಟ್ಟಾರೆ ಹೊಂಡಾದ 4 ನಾಲ್ಕು ಘಟಕಗಳಿಂದ 24 ಲಕ್ಷ ದ್ವಿಚಕ್ರ ವಾಹನಗಳನ್ನು ಉತ್ಪಾದಿಸುವುದಾಗಿ ಅದು ಹೇಳಿದೆ.

ವಿಶ್ವದ ನಾನಾ ದೇಶಗಳಲ್ಲಿ ದ್ವಿಚಕ್ರ ವಾಹನಗಳ ಬೇಡಿಕೆ ದಿನೇ ದಿನೇ ಹೆಚ್ಚುತ್ತಿದ್ದು, 2016-17ನೇ ಆರ್ಥಿಕ ವರ್ಷದಲ್ಲಿ ಜಗತ್ತಿನ ಒಟ್ಟು ದ್ವಿಚಕ್ರ ವಾಹನ ಬೇಡಿಕೆಯಲ್ಲಿ ಶೇ. 28ರಷ್ಟನ್ನು ಭಾರತವೇ ಪೂರೈಸಿದೆ. ಈ ಪೂರೈಕೆಯಲ್ಲಿ ಹೊಂಡಾ ಕಂಪನಿಯ ಪಾಲು ಅಧಿಕವಾಗಿದ್ದು ಆ ಮೂಲಕ ಜಗತ್ತಿನ ಅತಿ ಹೆಚ್ಚು ದ್ವಿಚಕ್ರ ವಾಹನ ಉತ್ಪಾದನಾ ಸಂಸ್ಥೆಯಾಗಿ ಹೊಂಡಾ ಬೆಳೆದು ನಿಂತಿದೆ ಎಂದು ಕಂಪನಿ ಹೇಳಿದೆ.

English summary

Honda Motorcycle and Scooter India (HMSI) has inaugurated the fourth assembly line at the company's Narsapura plant near Bengaluru, Karnataka, increasing annual production by 6 lakh units.