ಟೆಕ್ಕಿ ಮೇಲೆ ಅಣ್ಣನ ಸ್ನೇಹಿತನಿಂದಲೇ ನಿರಂತರ ಅತ್ಯಾಚಾರ, ದೂರು
ಬೆಂಗಳೂರು, ಫೆಬ್ರವರಿ 23: ಮಹಿಳಾ ಟೆಕ್ಕಿಯ ಮೇಲೆ ಅತ್ಯಾಚಾರವೆಸಗಿ, ವಿಡಿಯೋ ಮಾಡಿ ಬ್ಲಾಕ್ಮೇಲ್ ಮಾಡುತ್ತಿದ್ದ ಸಹೋದರನ ಸ್ನೇಹಿತನ ವಿರುದ್ಧ ದೂರು ದಾಖಲಿಸಲಾಗಿದೆ.
29 ವರ್ಷದ ಟೆಕ್ಕಿ ತನ್ನ ಅಣ್ಣನ ಸ್ನೇಹಿತನ ಬಗ್ಗೆ ಗಂಭೀರ ಆರೋಪವೊಂದನ್ನು ಮಾಡಿದ್ದಾರೆ. ತೇಜಸ್ವಿನಿ ನಗರದ ನಿವಾಸಿ ಬಾಲಾಜಿ ಅವರ ವಿರುದ್ಧ ದೂರು ದಾಖಲಿಸಿದ್ದಾಳೆ.
ಬಾಲಾಜಿ ಸ್ಟಾಕ್ ಅಂಡ್ ಶೇರ್ಸ್ ಡೀಲಿಂಗ್ ಮಾಡುತ್ತಿದ್ದ, 2016ರಲ್ಲಿ ಟೆಕ್ಕಿಯ ಸಹೋದರ ಹಾಗೂ ಬಾಲಾಜಿ ಮಧ್ಯೆ ವೈಮನಸ್ಸು ಉಂಟಾಗಿತ್ತು. ಹಾಗಾಗಿ ಟೆಕ್ಕಿ ಸಹೋದರನಿಗೆ ಬುದ್ಧಿಕಲಿಸಲು ಸಂಚು ರೂಪಿಸಿದ್ದ.
ಕೆಲಸದ ಮೇಲೆ ಊರಿಗೆ ಹೋಗಿದ್ದಾಗ ಬಾಲಾಜಿ ಟೆಕ್ಕಿಯ ಮನೆಗೆ ತೆರಳಿ ಆಕೆಯ ಮೇಲೆ ಅತ್ಯಾಚಾರ ವೆಸಗಿ ಅದರ ವಿಡಿಯೋವನ್ನು ಮಾಡಿದ್ದ. ಟೆಕ್ಕಿಗೆ ಈ ವಿಡಿಯೋವನ್ನಿಟ್ಟುಕೊಂಡು ಬ್ಲಾಕ್ಮೇಲ್ ಮಾಡುತ್ತಿದ್ದ. ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋವನ್ನು ಅಪ್ಲೋಡ್ ಮಾಡುವುದಾಗಿ ಬೆದರಿಕೆ ಒಡ್ಡಿದ್ದ.
ಆ ವಿಡಿಯೋವನ್ನು ಡಿಲೀಟ್ ಮಾಡುವಂತೆ ಮನವಿ ಮಾಡಿ ಆತನಿಗೆ ಹಣ, ಒಡವೆಗಳನ್ನು ನೀಡಿದ್ದಳು. ಆದರೂ ಆತನ ಕಿರುಕುಳ ವಿಪರೀತವಾದ ಕಾರಣ ದೂರು ದಾಖಲಿಸಿದ್ದಾಳೆ.
Click it and Unblock the Notifications
Sign in with Google