ಗೂಂಡಾ ಕಾಯ್ದೆ ಅಡಿ ರೌಡಿ ಶೀಟರ್ ರಾಜಾದೊರೈ ಸೆರೆ
ಬೆಂಗಳೂರು, ಮಾರ್ಚ್ 12: ಬೈಯ್ಯಪ್ಪನಹಳ್ಳಿ ರೌಡಿ ಶೀಟರ್ ರಾಜುದೊರೈ ನನ್ನು ಗೂಂಡಾ ಕಾಯ್ದೆ ಅಡಿ ಬಂಧಿಸಲಾಗಿದೆ. ಸಾರ್ವಜನಿಕರ ನೆಮ್ಮದಿ ಹಾಳು ಮಾಡುತ್ತಿದ್ದ ರಾಜುದೊರೈ ವಿರುದ್ಧ ಕೊಲೆಯತ್ನ ಸೇರಿದಂತೆ ಹಲವು ಅಪರಾಧಗಳು ದಾಖಲಾಗಿದ್ದವು. ಮಾತ್ರವಲ್ಲ ಇವನು ಸಾರ್ವಜನಿಕರ ನೆಮ್ಮದಿ ಹಾಳು ಮಾಡುತ್ತಿದ್ದ.
ಬೈಯಪ್ಪನಹಳ್ಳಿಯ ಬೈರಪ್ಪ ಗಾರ್ಡನ್ ನಿವಾಸಿ ರಾಜಾದೊರೆಗೆ ಇನ್ನೂ 25 ವರ್ಷ. ಆಗಲೇ ಹದಿನೇಳು ಕ್ರಿಮಿನಲ್ ಕೃತ್ಯಗಳನ್ನು ಎಸಗಿದ್ದಾನೆ. ಆರು ಕೊಲೆಯತ್ನ ಪ್ರಕರಣ, ಡಕಾಯಿತು, ದೊಂಬಿ, ಸಾರ್ವಜನಿಕ ಸೇವೆಗೆ ಅಡ್ಡಿ ಪಡಿಸುವುದು, ಎಸ್ ಸಿ ಎಸ್ ಟಿ ಸಮುದಾಯದ ಜನಾಂಗಕ್ಕೆ ನಿಂದನೆ ಮಾಡುವ ಹಲವಾರು ಅಪರಾಧ ಕೃತ್ಯ ಎಸಗುತ್ತಿದ್ದ. ಈತನ ವಿರುದ್ಧ ರೌಡಿ ಖಾತೆ ತೆರೆದು ಬೈಯಪ್ಪನಹಳ್ಳೀ ಪೊಲೀಸರು ಬಂಧಿಸದ್ದರು.
Recommended Video
ನ್ಯಾಯಾಲಯದಿಂದ ಜಾಮೀನು ಪಡೆದು ಹೊರಗೆ ಬಂದಿದ್ದ ಆರೋಪಿ ಮತ್ತೆ ಅದೇ ಕೃತ್ಯಗಳನ್ನು ಮುಂದುವರೆಸಿ ಸಮಾಜದ ಶಾಂತಿಗೆ ಧಕ್ಕೆ ತರುತ್ತಿದ್ದ. ಇದೀಗ ಈತನ ವಿರುದ್ಧ ಗೂಂಡಾ ಕಾಯ್ದೆ ಅಡಿ ಕೇಸು ದಾಖಲಿಸಲಾಗಿದೆ. ಇಷ್ಟಾಗಿಯೂ ಈತ ಸಾರ್ವಜನಿಕರಿಗೆ ತೊಂದರೆ ನೀಡುತ್ತಿದ್ದ. ಈತನ ಕೃತ್ಯಗಳನ್ನು ಸಾಮಾನ್ಯ ಕಾನೂನಿನಲ್ಲಿ ಹತ್ತಿಕ್ಕಲು ಆಗದ ಕಾರಣ ಗೂಂಡಾ ಕಾಯ್ದೆ ಅಡಿ ಕೇಸು ದಾಖಲಿಸಿ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.