Rent in Bengaluru: ಬೆಂಗಳೂರಿನ ಪಿಜಿ, ಹಾಸ್ಟೆಲ್ಗಳ ಬಾಡಿಗೆಯಲ್ಲಿ ಹೆಚ್ಚಳ- ಕಾರಣ, ಅಂಕಿಅಂಶ, ವಿವರ ತಿಳಿಯಿರಿ
ಬೆಂಗಳೂರು, ಆಗಸ್ಟ್ 02: ಬೆಂಗಳೂರಿನಲ್ಲಿರುವ ಪಿಜಿ ಹಾಗೂ ಹಾಸ್ಟೆಲ್ಗಳ ಬಾಡಿಗೆಯಲ್ಲಿ ಏರಿಕೆ ಕಂಡಬಂದಿದೆ. ಚಾಲ್ತಿಯಲ್ಲಿರುವ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ನಿಯಮಗಳ ಅಡಿಯಲ್ಲಿ ಪೇಯಿಂಗ್ ಗೆಸ್ಟ್ ಹಾಗೂ ಹಾಸ್ಟೆಲ್ಗಳನ್ನು ವಸತಿ ನೆಲೆಗಳಲ್ಲವೆಂದು ಕೇಂದ್ರ ಸರ್ಕಾರ ಅಭಿಪ್ರಾಯಪಟ್ಟಿದೆ.
ಇದರಿಂದ ಬೆಂಗಳೂರಿನಂತಹ ನಗರದಲ್ಲಿ ಪಿಜಿ ಹಾಗೂ ಕೋ-ಲಿವಿಂಗ್ ( ಹಾಸ್ಟೆಲ್ ) ಸೌಕರ್ಯಗಳನ್ನು ಆಯ್ಕೆ ಮಾಡುವವರಿಗೆ ಹೊರೆಯಾಗುವುದು ಖಚಿತವಾಗಿದೆ. ಬಹುತೇಕ ಕಂಪನಿಗಳು ವರ್ಕ್ ಫ್ರಂ ಹೋಮ್ (ಡಬ್ಲ್ಯುಎಫ್ಹೆಚ್) ಅನ್ನು ರದ್ದುಗೊಳಿಸಿವೆ. ಈ ಹಿನ್ನೆಲೆಯಲ್ಲಿ ಪಿಜಿ ಹಾಗೂ ಹಾಸ್ಟೆಲ್ ಬಾಡಿಗೆಗೆ ಹೆಚ್ಚು ಬೇಡಿಕೆ ಇದೆ. ಇದೇ ಸಂದರ್ಭದಲ್ಲಿ ಇವುಗಳ ಮೇಲೆ ಜಿಎಸ್ಟಿ ಹಾಕಿರುವುದು ವಿದ್ಯಾರ್ಥಿಗಳು ಹಾಗೂ ಬ್ಯಾಚುಲರ್ಗಳಿಗೆ ಹೊರೆಯಾಗಿದೆ.
ಒಬ್ಬಂಟಿ ಹೆಂಗಸರು, ಪದವಿಗಳು ಮತ್ತು ವಿದ್ಯಾರ್ಥಿ ಸಮುದಾಯ ಅತಿಥಿ ವಸತಿಗಳ ( ಪಿಜಿ ) ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಹೆಚ್ಚಿನ ಸಂದರ್ಭಗಳಲ್ಲಿ, ಅತಿಥಿ/ಸಹ-ವಾಸಿಸುವ ವಸತಿಗಳ ಓನರ್ಗಳು ಕಡಿಮೆ ಬಜೆಡ್ಗೆ ಪಿಜಿಗಳು ನೀಡುತ್ತಾರೆ. ಇಂತಹ ಪಿಜಿಗಳನ್ನು ಹುಡುಕುವುದು ಸರ್ವೇಸಾಮಾನ್ಯವಾಗಿದೆ.
ದೈನಂದಿನ ಬಾಡಿಗೆ 1,000 ರೂ.ಗಿಂತ ಕಡಿಮೆಯಿದ್ದರೆ ಅಂತಹ ವಸತಿಗಳ ಮೇಲೆ ಶೇ 12 ಜಿಎಸ್ಟಿ ವಿಧಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಬಾಡಿಗೆ ಈ ಮೊತ್ತಕ್ಕಿಂತ ಹೆಚ್ಚಿದ್ದರೆ ಅದಕ್ಕೆ ಶೇ 18 ರಷ್ಟು ಜಿಎಸ್ಟಿ ವಿಧಿಸಲಾಗುತ್ತದೆ.
ಕೆಲವು ಸಮಯದ ಹಿಂದೆ ನೋಯ್ಡಾದಲ್ಲಿ (ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿದೆ) ಅತಿಥಿ ವಸತಿಗಳನ್ನು ಜಿಎಸ್ಟಿ ಹೇರಲಾಗಿದೆ. ಅಸ್ತಿತ್ವದಲ್ಲಿರುವ ಜಿಎಸ್ಟಿ ನಿಯಮಗಳ ಅಡಿಯಲ್ಲಿ ಶೇ 12 ರಷ್ಟು ತೆರಿಗೆಗೆ ಒಳಪಡುತ್ತದೆ ಎಂದು ವರದಿಯಾಗಿದೆ.
ಜಿಎಸ್ಟಿ ಕಾನೂನು ವಸತಿ ಪ್ರದೇಶಗಳಿಗೆ ಅನ್ವಯಿಸುವುದಿಲ್ಲ. ಹೀಗಾಗಿ ಬಾಡಿಗೆ ಮನೆಗಳಿಗೆ ವಿನಾಯಿತಿ ಇದೆ. ಪಿಜಿಗಳು ಮತ್ತು ಹಾಸ್ಟೆಲ್ಗಳನ್ನು ವಸತಿ ಘಟಕಗಳನ್ನಾಗಿ ಪರಿಗಣಿಸಲಾಗುವುದಿಲ್ಲ. ಆದ್ದರಿಂದ ಈ ಆಸ್ತಿಗಳ ಮೇಲೆ ಜಿಎಸ್ಟಿ ವಿನಾಯಿತಿ ನೀಡಲಾಗುವುದಿಲ್ಲ. ಪಿಜಿಗಳು ಮತ್ತು ಹಾಸ್ಟೆಲ್ಗಳ ವಸತಿಗಳು ಸೇವಾ ತೆರಿಗೆಯಲ್ಲಿ ಬರುತ್ತವೆ. ಟಿವಿ, ರೆಫ್ರಿಜರೇಟರ್ಗಳು ಮತ್ತು ವಾಷಿಂಗ್ ಮೆಷಿನ್ಗಳಂತಹ ಹೆಚ್ಚುವರಿ ವಸ್ತುಗಳು ತೆರಿಗೆಗೆ ಒಳಪಡುತ್ತವೆ.
ಈ ಆದೇಶವು ವಿದ್ಯಾರ್ಥಿಗಳು ಮತ್ತು ಪಿಜಿ ಹಾಸ್ಟೆಲ್ಗಳಲ್ಲಿ ಉಳಿದುಕೊಳ್ಳುವ ಉದ್ಯೋಗಿಗಳಿಗೆ ಹೊರೆಯಾಗಬಹುದು ಎಂದು ಆರ್ಥಿಕ ತಜ್ಞರು ಹೇಳಿದ್ದಾರೆ. ಬೆಂಗಳೂರಿನಲ್ಲಿ ರೂಮ್ಗಳ ಬಾಡಿಗೆ ಈಗಾಗಲೇ ಹೆಚ್ಚುತ್ತಿದ್ದು, ಜಿಎಸ್ಟಿ ಹೊರೆ ವಿದ್ಯಾರ್ಥಿಗಳನ್ನು ಚಿಂತೆಗೀಡು ಮಾಡಲಿದೆ.
ಈಗಾಗಲೇ ಬಾಡಿಗೆ ಹೆಚ್ಚಿದ್ದು, ಬಾಡಿಗೆಗೆ ಸೆಸ್ ಕಟ್ಟಲು ಸಾಧ್ಯವಿಲ್ಲ ಎಂದು ಕೋರಮಂಗಲದ ಪಿಜಿಯಲ್ಲಿ ವಾಸಿಸುತ್ತಿರುವ ವಿದ್ಯಾರ್ಥಿಯೊಬ್ಬರು ತಿಳಿಸಿದ್ದಾರೆ. ಸರ್ಕಾರವು ಅಬಕಾರಿ ಸುಂಕ, ಹಾಲಿನ ಬೆಲೆ ಮತ್ತು ಹೋಟೆಲ್ನಲ್ಲಿನ ಆಹಾರ ಪದಾರ್ಥಗಳನ್ನು ಸಹ ಹೆಚ್ಚಿಸಿದ್ದರಿಂದ ಬೆಂಗಳೂರಿನಲ್ಲಿ ಆಗಸ್ಟ್ 1 ರಿಂದ ದೈನಂದಿನ ವೆಚ್ಚಗಳು ಹೆಚ್ಚಿವೆ. ಕುಟುಂಬದಿಂದ ಪಾಕೆಟ್ ಮನಿ ಪಡೆಯುವುದರಿಂದ ನಮ್ಮ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ ಎಂದು ವಿದ್ಯಾರ್ಥಿ ಹೇಳಿದ್ದಾರೆ.
Click it and Unblock the Notifications
Sign in with Google