ನಮ್ಮ ಮೆಟ್ರೋದಲ್ಲಿ ದಾಖಲೆ ಪ್ರಮಾಣದಲ್ಲಿ ಪ್ರಯಾಣಿಕರ ಸಂಚಾರ!
ಬೆಂಗಳೂರು, ಆಗಸ್ಟ್ 12: ನಮ್ಮ ಮೆಟ್ರೋದಲ್ಲಿ ಒಂದೇ ದಿನದಲ್ಲಿ ಅತ್ಯಧಿಕ ಮಂದಿ ಪ್ರಯಾಣಿಸುವ ಮೂಲಕ ಹೊಸ ದಾಖಲೆಯನ್ನು ಬರೆಯಲಾಗಿದೆ. ಶುಕ್ರವಾರ(ಆಗಸ್ಟ್ 10)ದ ದಿನದಂದು ಸರಿ ಸುಮಾರು 4.23 ಲಕ್ಷ ಮಂದಿ ಪ್ರಯಾಣಿಸಿದ್ದಾರೆ ಎಂದು ಬಿಎಂಆರ್ ಸಿಎಲ್ ಪ್ರಕಟಿಸಿದೆ.
ನಮ್ಮ ಮೆಟ್ರೋದಲ್ಲಿ 6 ಬೋಗಿಗಳನ್ನು ಅಳವಡಿಸಲಾಗಿದ್ದು, ಮಳೆ ನಡುವೆ, ವೀಕೆಂಡ್ ಗೂ ಮುನ್ನವೇ ಪ್ರಯಾಣಿಕರು ಮೆಟ್ರೋಗಾಗಿ ಮುಗಿ ಬಿದ್ದಿದ್ದಾರೆ.
ಇದಕ್ಕೂ ಮುನ್ನ ಜುಲೈ 2 ರಂದು 3.95 ಲಕ್ಷ ಮಂದಿ ಪ್ರಯಾಣಿಸುವ ಮೂಲಕ ಅತ್ಯಧಿಕ ಪ್ರಯಾಣದ ದಾಖಲೆ ಬರೆಯಲಾಗಿತ್ತು. ಪ್ರತಿ ದಿನ ಸರಾಸರಿ 3.60 ಲಕ್ಷ ಜನರು ಮೆಟ್ರೊದಲ್ಲಿ ಪ್ರಯಾಣಿಸುತ್ತಿದ್ದಾರೆ.
ಆಗಸ್ಟ್ 10ರಂದು 4,23,098 ಮಂದಿ ಪ್ರಯಾಣಿಸಿದ್ದು, 1,03,68,148 ರು ಸಂಗ್ರಹವಾಗಿದೆ. ಬೈಯ್ಯಪ್ಪನಹಳ್ಳಿ-ಮೈಸೂರು ರಸ್ತೆ ನಡುವಿನ ನೇರಳೆ ಮಾರ್ಗದಲ್ಲಿ 2,30,993 ಮಂದಿ ಹಾಗೂ ನಾಗಸಂದ್ರ-ಯಲಚೇನಹಳ್ಳಿ ಹಸಿರು ಮಾರ್ಗದಲ್ಲಿ 1,92,105 ಮಂದಿ ಪ್ರಯಾಣ ಮಾಡಿದ್ದಾರೆ. ಟಿಕೆಟ್ ಶುಲ್ಕದಿಂದ ನೇರಳೆ ಮಾರ್ಗದಲ್ಲಿ 50,85,711 ರೂ. ಹಾಗೂ ಹಸಿರು ಮಾರ್ಗದಲ್ಲಿ 52,82,437 ರೂ. ಆದಾಯ ಸಂಗ್ರಹವಾಗಿದೆ ಎಂದು ನಮ್ಮ ಮೆಟ್ರೋದ ಪಿಆರ್ ಒ ಯುಎಸ್ ವಸಂತರಾವ್ ಟ್ವೀಟ್ ಮಾಡಿದ್ದಾರೆ.
Yesterday we have the highest ridership-the details:
— Namma Metro CPRO (@uavasanthrao) August 11, 2018
Purple Line 1: 2, 30, 993
Green Line 2: 1, 92, 105
________________
Total : 4, 23, 098
Revenue :
Line 1 : 50, 85, 711
Line 2 : 52, 82, 437
_________________
Total :1, 03, 68, 148
ಸ್ಮಾರ್ಟ್ ಕಾರ್ಡ್ ಖರೀದಿಗೆ ಒತ್ತು: ಬಿಎಂಆರ್ಸಿಎಲ್ ಸ್ಮಾರ್ಟ್ ಕಾರ್ಡ್ ಖರೀದಿಗೆ ಒತ್ತು ನೀಡಿರುವುದರಿಂದ ಜುಲೈನಲ್ಲಿ 94,734 ಸ್ಮಾರ್ಟ್ ಕಾರ್ಡ್ಗಳು ಮಾರಾಟವಾಗಿವೆ. ಜೂನ್ನಲ್ಲಿ 1.1 ಕೋಟಿ ಮಂದಿ ಮೆಟ್ರೊದಲ್ಲಿ ಪ್ರಯಾಣಿಸಿದ್ದರು. ಜುಲೈನಲ್ಲಿ 1.15 ಕೋಟಿ ಪ್ರಯಾಣಿಕರು ಮೆಟ್ರೊ ಬಳಸಿದ್ದು, 31.4 ಕೋಟಿ ರೂ. ಆದಾಯ ಸಂಗ್ರಹವಾಗಿದೆ.
Click it and Unblock the Notifications
Sign in with Google