ಬೆಂಗಳೂರಲ್ಲಿ ಮಾಸ್ಕ್ ಧರಿಸುವ ನಿಯಮದಲ್ಲಿ ಬದಲಾವಣೆ
ಬೆಂಗಳೂರು, ಆಗಸ್ಟ್ 27: ಮಾಸ್ಕ್ ಧರಿಸುವ ವಿಚಾರದಲ್ಲಿ ಮಾಧ್ಯಮ, ಜನರು ಕೇಳುತ್ತಿರುವ ಪ್ರಶ್ನೆಗೆ ಸ್ಪಷ್ಟನೆ ನೀಡಲು ಬಿಬಿಎಂಪಿ ಮುಂದಾಗಿದೆ. ಬಿಬಿಎಂಪಿ ಆಯುಕ್ತ ಎನ್. ಮಂಜುನಾಥ ಪ್ರಸಾದ್ ಈ ಕುರಿತು ಆರೋಗ್ಯ ಇಲಾಖೆಗೆ ಪತ್ರ ಬರೆದಿದ್ದಾರೆ.
Recommended Video
ಒಬ್ಬರೇ ವಾಹನ ಚಾಲನೆ ಮಾಡುವಾಗ, ಒಬ್ಬರೇ ವಾಕಿಂಗ್/ಜಾಗಿಂಗ್ ಹೋಗುವಾಗ ಮಾಸ್ಕ್ ಧರಿಸಬೇಕೆ? ಎಂದು ಹಲವಾರು ಜನರು ಪ್ರಶ್ನೆ ಮಾಡುತ್ತಿದ್ದಾರೆ. ಮಾಸ್ಕ್ ಇಲ್ಲದಿದ್ದರೆ ಪ್ರಸ್ತುತ 200 ರೂ. ದಂಡ ಹಾಕಲಾಗುತ್ತಿದೆ.
ಕಾರು/ಬೈಕ್ ಒಬ್ಬರೇ ಚಾಲನೆ ಮಾಡುವಾಗ ಮಾಸ್ಕ್ ಧರಿಸಬೇಕೆ? ಎಂದು ಹಲವಾರು ಜನರು ಕೇಳುತ್ತಿದ್ದಾರೆ. ಮಾಧ್ಯಮಗಳು ಸಹ ಈ ಕುರಿತು ಪ್ರಶ್ನೆ ಮಾಡುತ್ತಿವೆ. ಆದ್ದರಿಂದ ಆರೋಗ್ಯ ಹೆಚ್ಚುವರಿ ಆಯುಕ್ತ ಜಾವೇದ್ ಅಖ್ತರ್ ಅವರಿಗೆ ಪತ್ರ ಬರೆದು ಸ್ಪಷ್ಟನೆ ಕೇಳಲಾಗಿದೆ.
"ಆರೋಗ್ಯ ಇಲಾಖೆ ಪತ್ರಕ್ಕೆ ಪತ್ರಿಕ್ರಿಯೆ ನೀಡುವ ತನಕ ಬೈಕ್/ಕಾರು ಒಬ್ಬರೇ ಓಡಿಸುವಾಗ, ಒಬ್ಬರೇ ವಾಕಿಂಗ್/ಜಾಗಿಂಗ್ ಮಾಡುವಾಗ ಕಡ್ಡಾಯವಾಗಿ ಮಾಸ್ಕ್ ಧರಿಸಬೇಕು" ಎಂದು ಎನ್. ಮಂಜುನಾಥ ಪ್ರಸಾದ್ ಹೇಳಿದ್ದಾರೆ.
ಕಾರು/ಬೈಕ್ನಲ್ಲಿ ಹೋಗಿ ವ್ಯಾಪಾರ, ಯಾರ ಜೊತೆಗಾದರೂ ಮಾತನಾಡಲು ನಿಲ್ಲಿಸಿದರೆ ಕಡ್ಡಾಯವಾಗಿ ಮಾಸ್ಕ್ ಧರಿಸಬೇಕು. ವಾಕಿಂಗ್/ಜಾಗಿಂಗ್ ಮಾಡುವವರಿಗೆ ಮಾಸ್ಕ್ನಿಂದ ವಿನಾಯಿತಿ ನೀಡಲಾಗುತ್ತದೆಯೇ? ಕಾದು ನೋಡಬೇಕು.
ಪ್ರಧಾನಿ ನರೇಂದ್ರ ಮೋದಿ ಅವರು ದೇಶವನ್ನು ಉದ್ದೇಶಿಸಿ ಮಾತನಾಡುವಾಗ ಹಲವಾರು ಬಾರಿ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಎಂದು ಕರೆ ನೀಡಿದ್ದಾರೆ.
Click it and Unblock the Notifications
Sign in with Google