ಕೊರೊನಾ ಎರಡನೇ ಅಲೆ: ರಾಜಧಾನಿ ಬೆಂಗಳೂರಿನಿಂದ ಶುಭಸುದ್ದಿ

Updated: Monday, May 10, 2021, 20:59 [IST]

ಬೆಂಗಳೂರು, ಮೇ 10: ಕೊರೊನಾ ವೈರಸ್‌ನಿಂದ ಅಲ್ಲಿ ಇಷ್ಟು ಜನ ಸತ್ತರು, ಸ್ಮಶಾನ ಹೌಸ್ ಫುಲ್ ಆಗಿ ಅಂಬುಲೆನ್ಸ್‌ಗಳ ಕ್ಯೂ, ರೋಗಿಗಳ ಪರದಾಟ.. ಹೀಗೆ ಪ್ರತಿದಿನ ನೆಗೆಟಿವ್ ಸುದ್ದಿ ಓದುತ್ತಿರುವವರಿಗೆ ಹೀಗೊಂದು ಗುಡ್ ನ್ಯೂಸ್.

ಹೌದು, ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಹೊಸ ಸೋಂಕಿತರ ಸಂಖ್ಯೆ ಕಳೆದ ಒಂದು ವಾರದಿಂದ ಇಂದಿನವರೆಗೆ ಗಣನೀಯ ಪ್ರಮಾಣದಲ್ಲಿ ಇಳಿಕೆಯಾಗುತ್ತಿರುವುದು ನೆಮ್ಮದಿಯ ವಿಚಾರ. ಬೆಂಗಳೂರಿನ ಹೊಸ ಸೋಂಕಿತರ ಸಂಖ್ಯೆಯನ್ನು ನೋಡಿ ಕೇಂದ್ರ ಸರಕಾರವೂ ದಿಗಿಲುಗೊಂಡಿತ್ತು.

ಇದು ಜನತಾ ಕರ್ಫ್ಯೂ ಫಲವೋ ಅಥವಾ ಜನರಿಗೇ ನಮ್ಮನ್ನು ನಾವೇ ಕಾಪಾಡಿಕೊಳ್ಳಬೇಕು, ಸರಕಾರವನ್ನು ನಂಬಿದರೆ ಆಗುವುದಿಲ್ಲ ಎನ್ನುವ ಜ್ಞಾನೋದಯವಾಗಿದೆಯೋ ಗೊತ್ತಿಲ್ಲ. ಆದರೆ, ರಾಜ್ಯ ಆರೋಗ್ಯ ಇಲಾಖೆಯ ಅಂಕಿಅಂಶದ ಪ್ರಕಾರ ಹೊಸ ಸೋಂಕಿತರ ಸಂಖ್ಯೆ ಕಮ್ಮಿಯಾಗುತ್ತಿದೆ.

ಇನ್ನು, ಬಿಡುಗಡೆಯಾಗುತ್ತಿರುವವರ ಸಂಖ್ಯೆಯೂ ಹೆಚ್ಚಾಗುತ್ತಿದೆ, ಆದರೆ, ಮೃತ ಪಡುತ್ತಿರುವವರ ಸಂಖ್ಯೆಯಲ್ಲಿ ಇಳಿತ ಕಂಡು ಬರದೇ ಇರುವುದು ನೋವಿನ ವಿಚಾರ. ಕಳೆದ ಒಂದು ವಾರದ ಅಂಕಿ ಅಂಶವನ್ನು ಸ್ಲೈಡಿನಲ್ಲಿ ಮುಂದುವರಿಸಲಾಗಿದೆ:

ಮೃತ ಪಡುತ್ತಿರುವವರ ಸಂಖ್ಯೆಯಲ್ಲಿ ಇಳಿತ ಕಂಡು ಬರುತ್ತಿಲ್ಲ

ದಿನಾಂಕ: ಮೇ 4
ಇಂದು ಡಿಸ್ಚಾರ್ಜ್ ಆದವರ ಸಂಖ್ಯೆ: 13,946
ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ: 5,31,716
ಇಂದಿನ ಹೊಸ ಕೇಸ್: 20,870
ಒಟ್ಟು ಸಕ್ರಿಯ ಪ್ರಕರಣ: 3,01,712

ದಿನಾಂಕ: ಮೇ 5
ಇಂದು ಡಿಸ್ಚಾರ್ಜ್ ಆದವರ ಸಂಖ್ಯೆ: 11,343
ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ: 5,43,059
ಇಂದಿನ ಹೊಸ ಕೇಸ್: 23,106
ಒಟ್ಟು ಸಕ್ರಿಯ ಪ್ರಕರಣ: 3,13,314

ರಾಜ್ಯ ಆರೋಗ್ಯ ಇಲಾಖೆಯ ಅಂಕಿಅಂಶದ ಪ್ರಕಾರ ಹೊಸ ಸೋಂಕಿತರ ಸಂಖ್ಯೆ ಕಮ್ಮಿ

ದಿನಾಂಕ: ಮೇ 6
ಇಂದು ಡಿಸ್ಚಾರ್ಜ್ ಆದವರ ಸಂಖ್ಯೆ: 4,149
ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ: 5,47,208
ಇಂದಿನ ಹೊಸ ಕೇಸ್: 23,706
ಒಟ್ಟು ಸಕ್ರಿಯ ಪ್ರಕರಣ: 3,32,732

ದಿನಾಂಕ: ಮೇ 7
ಇಂದು ಡಿಸ್ಚಾರ್ಜ್ ಆದವರ ಸಂಖ್ಯೆ: 11,784
ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ: 5,58,992
ಇಂದಿನ ಹೊಸ ಕೇಸ್: 21,376
ಒಟ್ಟು ಸಕ್ರಿಯ ಪ್ರಕರಣ: 3,41,978

ಕೊರೊನಾ ರುದ್ರ ತಾಂಡವ: ರಾಜಧಾನಿ ಬೆಂಗಳೂರಿನಿಂದ ಒಂದು ಶುಭಸುದ್ದಿ

ದಿನಾಂಕ: ಮೇ 8
ಇಂದು ಡಿಸ್ಚಾರ್ಜ್ ಆದವರ ಸಂಖ್ಯೆ: 18,473
ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ: 5,77,465
ಇಂದಿನ ಹೊಸ ಕೇಸ್: 21,534
ಒಟ್ಟು ಸಕ್ರಿಯ ಪ್ರಕರಣ: 3,44,754

ದಿನಾಂಕ: ಮೇ 9
ಇಂದು ಡಿಸ್ಚಾರ್ಜ್ ಆದವರ ಸಂಖ್ಯೆ: 15,000
ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ: 5,92,465
ಇಂದಿನ ಹೊಸ ಕೇಸ್: 20,897
ಒಟ್ಟು ಸಕ್ರಿಯ ಪ್ರಕರಣ: 3,50,370

ಲಾಕ್ ಡೌನ್ ಮುಗಿಯುವ ವೇಳೆಗೆ, ಕೊರೊನಾ ಚೈನ್ ಬ್ರೇಕ್ ಆಗುವ ಸಾಧ್ಯತೆ

ದಿನಾಂಕ: ಮೇ 10
ಇಂದು ಡಿಸ್ಚಾರ್ಜ್ ಆದವರ ಸಂಖ್ಯೆ: 14,289
ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ: 6,06,754
ಇಂದಿನ ಹೊಸ ಕೇಸ್: 16,747
ಒಟ್ಟು ಸಕ್ರಿಯ ಪ್ರಕರಣ: 3,52,454

ಕಳೆದ ಸುಮಾರು ಹತ್ತು ದಿನಗಳಿಂದ ಜಾರಿಯಲ್ಲಿರುವ ಜನತಾ ಕರ್ಪ್ಯೂವಿನ ಡೇಟಾಗಳು ಈಗ ಬರಲಾರಂಭಿಸಿದೆಯೋ ಎನ್ನುವುದರ ಬಗ್ಗೆ ಖಚಿತ ಮಾಹಿತಿಯಿಲ್ಲ. ಮೇ ಹತ್ತರಿಂದ ಲಾಕ್ ಡೌನ್ ಕೂಡಾ ಜಾರಿಯಲ್ಲಿದೆ. ಒಂದು ವೇಳೆ, ಇದು ಹೌದಾದಲ್ಲಿ, ಎರಡು ವಾರದ ಲಾಕ್ ಡೌನ್ ಮುಗಿಯುವ ವೇಳೆಗೆ, ಕೊರೊನಾ ಚೈನ್ ಬ್ರೇಕ್ ಆಗುವ ಸಾಧ್ಯತೆಯಿದೆ.