ಡ್ರಗ್ಸ್ ಪೆಡ್ಲರ್ ಬಂಧನ; 50 ಲಕ್ಷ ಮೌಲ್ಯದ ವಸ್ತು ವಶ
ಬೆಂಗಳೂರು, ಡಿಸೆಂಬರ್ 02 : ಸಿಸಿಬಿ ಪೊಲೀಸರು ಬೆಂಗಳೂರು ನಗರದಲ್ಲಿ ಡ್ರಗ್ಸ್ ಅಕ್ರಮಗಳ ನಿಯಂತ್ರಣಕ್ಕೆ ಪಣತೊಟ್ಟಿದ್ದಾರೆ. ಡಾರ್ಕ್ ನೆಟ್ ಮೂಲಕ ವಿದೇಶದಿಂದ ಡ್ರಗ್ಸ್ ಪಡೆದು ಮಾರಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ.
ಡಿಸೆಂಬರ್ 1ರಂದು ಡ್ರಗ್ಸ್ ಮಾರಾಟ ಮಾಡಲು ಪ್ರಯತ್ನ ನಡೆಸುತ್ತಿದ್ದ ಬನಶಂಕರಿಯ ನಿವಾಸಿಗಳಾದ ರಾಹುಲ್ (26), ದರ್ಶನ್ (22) ರನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಡ್ರಗ್ಸ್ ಪೆಡ್ಲರ್ ಜಾಲದ ಮೇಲೆ ಪೊಲೀಸರು ನಿಗಾ ಇಟ್ಟಿದ್ದಾರೆ.
ಬಂಧಿತ ಆರೋಪಿಗಳಿಂದ ಮಾಲನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಸಿಸಿಬಿ ಪೊಲೀಸರು ಹೇಳಿದ್ದಾರೆ. 50 ಲಕ್ಷ ಮೌಲ್ಯದ 1000 ಎಲ್ಎಸ್ಡಿ ಪೇಪರ್ ಸ್ಟ್ರೀಪ್ಸ್ಗಳು, 2 ಮೊಬೈಲ್ ಮತ್ತು 16 ಸಾವಿರ ಹಣವನ್ನು ವಶಕ್ಕೆ ಪಡೆಯಲಾಗಿದೆ.
ಆರೋಪಿಗಳು ಡಾರ್ಕ್ ನೆಟ್ ಬಳಸಿ ವಿದೇಶದಿಂದ ನಿಷೇಧಿತ ಡ್ರಗ್ಸ್ಗಳನ್ನು ಪಡೆದು ಮಾರಾಟ ಮಾಡುತ್ತಿದ್ದರು ಎಂಬುದು ತನಿಖೆಯಿಂದ ಬಹಿರಂಗವಾಗಿದೆ.
ರಾಹುಲ್ ಮತ್ತು ದರ್ಶನ್ ಬಂಧಿಸುವ ಕಾರ್ಯಾಚರಣೆಯಲ್ಲಿ ಸಿಸಿಬಿ ಅಧಿಕಾರಿಗಳಾದ ಪಿಐ ವಿರುಪಾಕ್ಷಸ್ವಾಮಿ ಮತ್ತು ತಂಡದವರು ಪಾಲ್ಗೊಂಡಿದ್ದರು.
Click it and Unblock the Notifications
Sign in with Google