ಅಪಘಾತಕ್ಕೀಡಾದವರಿಂದ ಬೆಲೆಬಾಳುವ ವಸ್ತುಗಳು ಕಳುವು ಪ್ರಕರಣಗಳು ಹೆಚ್ಚಳ: ಪ್ರಕರಣ ದಾಖಲು
ಹಂಪ್ನಿಂದ ಬಿದ್ದು ಪ್ರಜ್ಞೆ ತಪ್ಪದ ಸವಾರನ ಸ್ಕೂಟರ್ ಜೊತೆಗೆ ಮತ್ತಿತರ ವಸ್ತುಗಳು ಕಳ್ಳತನವಾಗಿರುವುದು ವರದಿಯಾಗಿದೆ. ಸಂತ್ರಸ್ತ ಅರುಣ್ ಹೇಳಿದ್ದೇನು?
ಬೆಂಗಳೂರು ಮಾರ್ಚ್ 9: ಅಪಘಾತಕ್ಕೀಡಾದವರಿಂದ ಬೆಲೆಬಾಳುವ ವಸ್ತುಗಳು ಕದಿಯುವುದು ಮಾಮೂಲು. ಆದರೆ ಕಡಿದಾದ ರಸ್ತೆಯ ಹಂಪ್ ಮೇಲೆ ಹರಿದು ನೆಲಕ್ಕೆ ಬಿದ್ದ ಸ್ಕೂಟರ್ ಇತ್ತೀಚೆಗೆ ಕಲಾಸಿಪಾಳ್ಯದ ದ್ರೌಪದಮ್ಮ ದೇವಸ್ಥಾನದ ಬಳಿಯ ರಸ್ತೆಯಲ್ಲಿ ಕಳ್ಳತನವಾಗಿದೆ. ಸವಾರ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಮಲಗಿದ್ದಾಗ ಅಪಘಾತದ ಸ್ಥಳದಿಂದ ವಾಹನ ಕಳವು ಮಾಡಲಾಗಿದೆ. ಈ ಬಗ್ಗೆ ಸಂತ್ರಸ್ತ ಅರುಣ್ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಇಂತಹ ಪ್ರಕರಣಗಳು ಇದೇ ಮೊದಲಲ್ಲ. ಈ ಹಿಂದೆ ಕೂಡ ನಡೆದಿವೆ. ಹೀಗಾಗಿ ನಗರ ನಿವಾಸಿಗಳಲ್ಲಿ ಕಳವಳ ಸೃಷ್ಟಿಯಾಗಿದೆ.
ಕಲಾಸಿಪಾಳ್ಯದ ದ್ರೌಪದಮ್ಮ ದೇವಸ್ಥಾನದ ಬಳಿಯ ರಸ್ತೆಯಲ್ಲಿ ಕಳ್ಳತನಕ್ಕೂ ಮೊದಲು ರಾಜಾಜಿ ನಗರದಲ್ಲಿ ಬೈಕ್ ಸವಾರನೊಬ್ಬ ಗುಂಡಿಯಲ್ಲಿ ಬಿದ್ದಿದ್ದರಿಂದ ಚಿಕಿತ್ಸೆಗಾಗಿ ತೆರಳಿದ್ದ. ಈ ವೇಳೆ ಆತನ ಬಳಿ ಇದ್ದ ಹಣ ಕಳ್ಳತನವಾಗಿತ್ತು. ಈ ಹಿಂದೆ ಅಪಘಾತದಲ್ಲಿ ಗಾಯಗೊಂಡು ಸಾವು ಬದುಕಿನ ನಡುವೆ ಹೋರಾಟ ನಡೆಸಿದ್ದ ಮಹಿಳೆಯ ಕೊರಳಿನಲ್ಲಿದ್ದ ಚಿನ್ನದ ಸರವನ್ನು ಕಳವು ಮಾಡಿರುವ ಘಟನೆ ಚಿಕ್ಕಬಳ್ಳಾಪುರ ಬೈಪಾಸ್ ರಸ್ತೆಯ ಅಗಲಗುರ್ಕಿ ಬಳಿ ನಡೆದಿತ್ತು. ಸದ್ಯ ಬೆಂಗಳೂರಿನಲ್ಲೂ ಸಂಭವಿಸಿದೆ.
ಮಾರ್ಚ್ 3 ರಂದು ಕಲಾಸಿಪಾಳ್ಯ ಪೊಲೀಸರು ಸ್ಕೂಟರ್ ಕಳ್ಳತನಕ್ಕೆ ಸಂಬಂಧಿಸಿದಂತೆ ಸಂತ್ರಸ್ತ್ ಅರುಣ್ ಎಂಬಾತ ದೂರು ದಾಖಲಿಸಿದ್ದರು. ಸ್ಕೂಟರ್ ಚಾಲಕ ಅರುಣ್ ವಿ ಅವರ ಮೊಬೈಲ್ ಫೋನ್, ಬೆಳ್ಳಿ ಸರ ಮತ್ತು 5,500 ರೂಪಾಯಿ ನಗದು ಕಳೆದುಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ತರಕಾರಿ ಮಾರಾಟಗಾರನಾಗಿದ್ದ 25 ವರ್ಷದ ಅರುಣ್, ಲಾಲ್ಬಾಗ್ ಬಳಿಯ ಸಿದ್ದಾಪುರದಿಂದ ಕಲಾಸಿಪಾಳ್ಯಕ್ಕೆ ಆಹಾರ ಖರೀದಿಸಲು ತೆರಳುತ್ತಿದ್ದ. ಜನವರಿ 30 ರಂದು ಬೆಳಗಿನ ಜಾವ 1.30 ರ ಸುಮಾರಿಗೆ ಅವರ ನಿವಾಸದಲ್ಲಿ ಭಜನೆಗಳನ್ನು ಹಾಡಲು ಬಂದಿದ್ದಾನೆ. ಇತ್ತೀಚೆಗೆ ಅಗಲಿದ ಅವರ ಚಿಕ್ಕಪ್ಪನಿಗೆ ಗೌರವಾರ್ಥವಾಗಿ ಭಜನಾ ಕಾರ್ಯಕ್ರಮವನ್ನು ಯೋಜಿಸಲಾಗಿತ್ತು.
ದ್ರೌಪದಮ್ಮ ದೇವಸ್ಥಾನದ ಬಳಿ ಕಿರಿದಾದ ಪ್ರದೇಶದಲ್ಲಿ ಕತ್ತಲೆಯಾದ ಕಾರಣ ಅರುಣ್ ಹಂಪ್ಗೆ ಕಾಣದೆ ಡಿಕ್ಕಿ ಹೊಡೆದಿದ್ದಾನೆ. ಹಂಪನಿಂದಾಗಿ ತಾವೊಂದು ದಿಕ್ಕು ಸ್ಕೂಟರ್ ಒಂದು ದಿಕ್ಕಲ್ಲಿ ಬಿದ್ದಿದೆ. ಬಳಿಕ ಪ್ರಜ್ಞೆ ತಪ್ಪುವ ಮುನ್ನವೇ ಕೆಲ ಮೀಟರ್ ವರೆಗೆ ಸ್ಕೂಕಟ್ ಅನ್ನು ತಳ್ಳಿಕೊಂಡು ಹೋಗಿದ್ದಾರೆ. ಬಳಿಕ ಪ್ರಜ್ಞೆ ತಪ್ಪದ್ದಾರೆ. ತನ್ನ ಅಣ್ಣ ಸ್ಥಳಕ್ಕೆ ಭೇಟಿ ನೀಡುವವರೆಗೂ ಸುಮಾರು ಒಂದು ಗಂಟೆ ರಸ್ತೆಯಲ್ಲೇ ಮಲಗಿದ್ದಾಗಿ ಅರುಣ್ ಹೇಳಿದ್ದಾರೆ.
ಸ್ಕೂಟರ್ ಸವಾರ ಹೇಳಿದ್ದೇನು?
"ನಾನು ಮನೆಗೆ ಹಿಂತಿರುಗದ ಕಾರಣ ನನ್ನ ಸಹೋದರ ಹೊರಬರಲು ನಿರ್ಧರಿಸಿದನು. ಅವನು ಅದೇ ಮಾರ್ಗದಲ್ಲಿ ಹೋದಾಗ, ನಾನು ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದಿರುವುದನ್ನು ಅವನು ನೋಡಿದನು" ಎಂದು ಅರುಣ್ ಹೇಳಿದರು.
ಏನಾಯಿತು ಎಂದು ಅರ್ಥಮಾಡಿಕೊಳ್ಳಲು ಸಾಧ್ಯವಾಗದಿದ್ದರೂ ಸಹೋದರ ಅರುಣ್ ಮುಖಕ್ಕೆ ಸ್ವಲ್ಪ ನೀರು ಚಿಮುಕಿಸಿದ ನಂತರ ಅವನಿಗೆ ಪ್ರಜ್ಞೆ ಬಂದಿತು. "ನಾನು ಎಚ್ಚರಗೊಂಡು ನೋಡಿದಾಗ ನನ್ನ ಸ್ಕೂಟರ್ ನನ್ನ ಮೊಬೈಲ್ ಫೋನ್, ಬೆಳ್ಳಿ ಸರ ಮತ್ತು 5,500 ರೂ. ನಗದು ನಾಪತ್ತೆಯಾಗಿತ್ತು. ರಸ್ತೆಯಲ್ಲಿ ಹಾದುಹೋಗುವ ಕೆಲವರು ವಾಹನ ಮತ್ತು ಇತರ ಬೆಲೆಬಾಳುವ ವಸ್ತುಗಳನ್ನು ಕದ್ದಿರಬಹುದು" ಎಂದು ಅವರು ದೂರಿದ್ದಾರೆ.
ಅರುಣ್ ಅವರನ್ನುಅವರ ಮನೆಗೆ ಕರೆದೊಯ್ದು ನಂತರ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ಅವರು 10 ದಿನಗಳ ಕಾಲ ಇದ್ದರು. ಅಷ್ಟರಲ್ಲಿ ಆತನ ಸಹೋದರ ಅಪಘಾತವಾದ ಸ್ಥಳಕ್ಕೆ ಹೋಗಿ ಸ್ಕೂಟರ್ಗಾಗಿ ಹುಡುಕಾಟ ಆರಂಭಿಸಿದ. "ಅಪಘಾತದ ನಂತರ ನಾನು ಪ್ರಜ್ಞೆ ಕಳೆದುಕೊಳ್ಳುವ ಮೊದಲು ವಾಹನವನ್ನು ಎಲ್ಲೋ ನಿಲ್ಲಿಸಿರಬಹುದು ಎಂದು ನನ್ನ ಸಹೋದರ ಭಾವಿಸಿದ್ದಾನೆ'' ಎನ್ನುತ್ತಾರೆ ಅರುಣ್.
ಈ ಪ್ರದೇಶ ನಮಗೆ ಪರಿಚಿತವಾಗಿದೆ. ನಾವು ಎಲ್ಲರೊಂದಿಗೆ ವಿಚಾರಿಸಿದೆವು. ಆದರೆ ವಾಹನವನ್ನು ಯಾರು ತೆಗೆದುಕೊಂಡು ಹೋಗಿದ್ದಾರೆ ಎಂಬುದು ಯಾರಿಗೂ ತಿಳಿದಿರಲಿಲ್ಲ. ರಸ್ತೆ ಕಿರಿದಾಗಿರುವ ಕಾರಣ ಕಳ್ಳತನ ನಡೆದಿರುವುದು ಯಾರ ಗಮನಕ್ಕೂ ಬಂದಿರಲಿಲ್ಲ. ನನ್ನ ಆಸ್ಪತ್ರೆಗೆ 35,000 ರೂಪಾಯಿ ಖರ್ಚು ಮಾಡಬೇಕಾಗಿತ್ತು" ಎಂದು ಅರುಣ್ ಹೇಳಿದರು. ಒಂದು ತಿಂಗಳ ಹುಡುಕಾಟದ ನಂತರವೂ ವಾಹನವು ನಾಪತ್ತೆಯಾಗದಿರುವುದರಿಂದ ಪೊಲೀಸ್ ದೂರು ನೀಡಲು ನಿರ್ಧರಿಸಿದೆ ಎಂದಿದ್ದಾರೆ.
Click it and Unblock the Notifications
Sign in with Google