Click it and Unblock the Notifications
Just In
-
-
-
Don't Miss
-
''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..! -
ದೇಹದಲ್ಲಿ ಈ ಬದಲಾವಣೆ ಆದರೆ ನಿಮ್ಮಲ್ಲಿ ವಿಟಮಿನ್ ಬಿ12 ಕೊರತೆಯಾಗಿದೆ ಎಂದರ್ಥ -
IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ -
Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು -
Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ -
ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೊರೊನಾ ಬಂದಿದ್ದೆ ಒಬ್ಬರಿಗೆ, ಚಿಕಿತ್ಸೆ ಮಾಡ್ತಿರೋದೆ ಮತ್ತೊಬ್ಬರಿಗೆ?
ಬೆಂಗಳೂರು, ಮೇ 6: ಬೆಂಗಳೂರಿನ ಬೇಗೂರು ಪೊಲೀಸ್ ಪೇದೆಯ ಕೊರೊನಾ ಕೇಸ್‌ಗೆ ಟ್ವಿಸ್ಟ್ ಸಿಕ್ಕಿದೆ. ಕೊರೊನಾ ಬಂದಿರುವ ವ್ಯಕ್ತಿಯನ್ನು ಬಿಟ್ಟು, ಅದೇ ಹೆಸರಿನ ಮತ್ತೊಬ್ಬರಿಗೆ ಆರೋಗ್ಯ ಇಲಾಖೆ ಚಿಕಿತ್ಸೆ ನೀಡುತ್ತಿದೆಯೇ ಎನ್ನುವ ಅನುಮಾನ ಮೂಡಿದೆ.
Recommended Video
ಬೆಂಗಳೂರಿನ ಬೇಗೂರು ಪೊಲೀಸ್ ಪೇದೆಗೆ ಕೊರೊನಾ ಪರೀಕ್ಷೆ ಮಾಡಲಾಗಿತ್ತು. ಅದೇ ಆಸ್ಪತ್ರೆಯಲ್ಲಿ ಅದೇ ಹೆಸರಿನ (ಪೇದೆಯ ಹೆಸರಿನ) ಮತ್ತೊಬ್ಬ ವ್ಯಕ್ತಿಗೆ ಒಂದೇ ದಿನ ಕೊವೀಡ್ 19 ಪರೀಕ್ಷೆ ಮಾಡಲಾಗಿತ್ತು. ಆ ನಂತರ ಪೊಲೀಸ್ ಪೇದೆಗೆ ಕೊರೊನಾ ಇದೆ ಎನ್ನುವ ಕಾರಣಕ್ಕೆ ಚಿಕಿತ್ಸೆ ನೀಡಲಾಗುತ್ತಿತ್ತು.
ಆದರೆ, ಈಗ ಈ ಪೇದೆಗೆ ಕೊರೊನಾ ಇಲ್ಲ ಎನ್ನುವುದು ತಿಳಿದು ಬಂದಿದೆ. ಒಂದೇ ಹೆಸರಿನ ಇಬ್ಬರ ಪರೀಕ್ಷೆ ಒಂದೇ ದಿನ, ಒಂದೇ ಆಸ್ಪತ್ರೆಯಲ್ಲಿ ನಡೆದಿದ್ದು, ಆರೋಗ್ಯ ಇಲಾಖೆ ಹೆಸರಿನಲ್ಲಿ ಎಡವಟ್ಟು ಮಾಡಿದೆಯೇ ಎನ್ನುವ ಪ್ರಶ್ನೆ ಮೂಡಿದೆ.
ಪೇದೆಯ ಕೊರೊನಾ ಪ್ರಕರಣಕ್ಕೆ ತಿರುವು
ಬೆಂಗಳೂರಿನ ಬೇಗೂರು ಪೊಲೀಸ್ ಪೇದೆಯ ಕೊರೊನಾ ಪ್ರಕರಣಕ್ಕೆ ತಿರುವು ಸಿಕ್ಕಿದೆ. ಈಗ ಆ ಪೊಲೀಸ್ ಪೇದೆಯ ಬದಲು ಅದೇ ಹೆಸರಿನ ಇನ್ನೊಬ್ಬರಿಗೆ ಕೊರೊನಾ ಬಂದಿದೆ ಎನ್ನುವ ಮಾಹಿತಿ ಇದೆ. ಪೊಲೀಸ್ ಠಾಣೆಗೆ ಕಳಿಸಿರುವ ಕೋವಿಡ್ 19 ರಿಸಲ್ಟ್ ಶೀಟ್ ನಲ್ಲಿ ಯಾರಿಗೂ ಪಾಸಿಟಿವ್ ಇಲ್ಲ ಎಂದು ತಿಳಿಸಲಾಗಿದೆ. ಆಗ ಪಾಸಿಟಿವ್ ಇದೆ ಎಂದು ಹೇಳಲಾಗಿರುವ ಪೇದೆಗೆ ಸೋಂಕಿಲ್ಲ ಎಂದು ಠಾಣೆಗೆ ಆರೋಗ್ಯ ಇಲಾಖೆ ವರದಿ ಕಳುಹಿಸಿದೆ.
ಅಸಲಿ ಸೋಂಕಿತ ಯಾರು..?
ಅಸ್ಪತ್ರೆಗೆ ಇರುವ ಮಾಹಿತಿ ಪ್ರಕಾರ ಪಾಸಿಟಿವ್ ಇರುವ ವ್ಯಕ್ತಿ ಫೋನ್ ನಂಬರ್‌ಗೆ ಸಂಪರ್ಕ ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಅಸಲಿ ಸೋಂಕಿತ ಯಾರು..? ಆತ ಈಗ ಎಲ್ಲಿದ್ದಾನೆ ಎನ್ನುವುದೇ ಆರೋಗ್ಯ ಇಲಾಖೆಗೆ ತಿಳಿದಿಲ್ಲ. ಹೀಗಾಗಿ ಯಾರ ಬದಲು ಯಾರನ್ನೊ ಕರೆದುಕೊಂಡು ಆರೋಗ್ಯ ಅಧಿಕಾರಿಗಳು ಬಂದಿದ್ದಾರೆ ಎನ್ನುವ ಅನುಮಾನ ಮೂಡಿದೆ. ಮತ್ತೊಂದು ಕಡೆ ಸೋಂಕಿತನ ಹುಡುಕಾಟ ನಡೆಸುತ್ತಿದ್ದಾರೆ.
ಪೇದೆಗೆ ಕೊರೊನಾ ಲಕ್ಷಣಗಳು ಕಂಡಿಲ್ಲ
ಮೊನ್ನೆ ಪಾಸಿಟಿವ್ ಇದೆ ಎಂದು ಆಸ್ಪತ್ರೆಗೆ ಅಡ್ಮಿಟ್ ಮಾಡಿದ್ದ ಪೇದೆಗೆ ಇದುವರೆಗೆ ಯಾವುದೇ ಕೊರೊನಾ ಲಕ್ಷಣಗಳು ಕಂಡಿಲ್ಲ. ನಿನ್ನೆ ರಾತ್ರಿ ಬಂದಿರುವ ಹೊಸ ವರದಿ ಪ್ರಕಾರ ಪೇದೆಗೆ ಸೋಂಕು ಇಲ್ಲ ಎನ್ನುವುದು ತಿಳಿದಿದೆ. ಪೊಲೀಸ್ ಠಾಣೆಗೆ ಕಳಿಸಿರುವ ಕೋವಿಡ್ 19 ರಿಸಲ್ಟ್ ಶೀಟ್ ನಲ್ಲಿ ಯಾರಿಗೂ ಪಾಸಿಟಿವ್ ಇಲ್ಲ ಎಂದು ತಿಳಿಸಲಾಗಿದೆ. ಅಲ್ಲದೆ ಪೇದೆಯ ಕುಟುಂಬದ ಹನ್ನೆರಡು ಜನರಿಗೂ ನೆಗೆಟಿವ್ ಬಂದಿದೆ.
ಪೊಲೀಸ್ ಇಲಾಖೆ ಮಾಹಿತಿ
ನಿನ್ನೆ ಒಟ್ಟು ಪೊಲೀಸ್ ಇಲಾಖೆಯ ಇಪ್ಪತ್ತೊಂದು ಜನರ ಸ್ವಾಬ್ ಸಂಗ್ರಹವನ್ನು ಆರೋಗ್ಯ ಇಲಾಖೆ ಮಾಡಿದೆ. ಬೇಗೂರು ಪೊಲೀಸ್ ಪೇದೆಯ ಕೇಸ್ ಗೊಂದಲಕ್ಕೆ ಕಾರಣವಾಗಿದೆ. ಇಂದು ಸಂಜೆ ಎಲ್ಲ ಪೊಲೀಸರ ಕೋವಿಡ್ 19 ಪರೀಕ್ಷಾ ವರದಿ ಬರಲಿದೆ. ಈ ಬಗ್ಗೆ ಪೊಲೀಸ್ ಉನ್ನತ ಮೂಲಗಳು ಮಾಹಿತಿ ನೀಡಿದೆ.
