ಬೆಂಗಳೂರಿಗರೇ ಹುಷಾರ್!: ವಂಚಕರ ಬಳಿ ಇರುತ್ತೆ ನಿಮ್ಮ ಡಿಟೇಲ್ಸ್‌, ನಂಬಿ ಹಣ ಕಳೆದುಕೊಳ್ಳದಿರಿ

ಬೆಂಗಳೂರು ಏಪ್ರಿಲ್ 4: ಬೆಂಗಳೂರಿನಲ್ಲಿ ಮಹಿಳೆಯೊಬ್ಬಳು ನಕಲಿ ಪೊಲೀಸರಿಂದ ಮೋಸ ಹೋಗಿದ್ದಾಳೆ. 31 ವರ್ಷದ ಬೆಂಗಳೂರಿನ ಮಹಿಳೆಯೊಬ್ಬರು ಮುಂಬೈ ಅಪರಾಧ ವಿಭಾಗದವರೆಂದು ಹೇಳಿಕೊಂಡ ನಕಲಿ ಪೊಲೀಸರಿಗೆ 98,000 ರೂಪಾಯಿ ನೀಡಿ ಹಣ ಕಳೆದುಕೊಂಡಿದ್ದಾರೆ. ನೀವು ಮಾದಕವಸ್ತುಗಳ ಸರಕುಗಳನ್ನು ಕೊರಿಯರ್ ಮಾಡಿದ್ದೀರಿ ಎಂದು ಹೇಳಿ ಮಹಿಳೆಗೆ ಪಂಗನಾಮ ಹಾಕಿದ್ದಾರೆ.

ಈ ಬಗ್ಗೆ ಪೂರ್ವ ಸಿಇಎನ್ ಅಪರಾಧ ಠಾಣೆಯಲ್ಲಿ ಎಫ್‌ಐಆರ್ ದಾಖಲಿಸಲಾಗಿದ್ದು, ಅಪರಾಧಿಗಳನ್ನು ಪತ್ತೆ ಹಚ್ಚಲು ಪೊಲೀಸರು ಮುಂದಾಗಿದ್ದಾರೆ.

ಮಾರ್ಚ್ 1 ರಂದು ಬೆಳಿಗ್ಗೆ 9 ಗಂಟೆಯ ಸುಮಾರಿಗೆ, ಬೆಂಗಳೂರಿನ ಹೋಟೆಲ್ ಉದ್ಯಮದಲ್ಲಿ ಕೆಲಸ ಮಾಡುತ್ತಿರುವ ರಮಣಿ ಅವರು ಯುಎಸ್ ಮೂಲದ ಬಹುರಾಷ್ಟ್ರೀಯ ಸಾರಿಗೆ ಮತ್ತು ಇ-ಕಾಮರ್ಸ್ ಕಂಪನಿಯಾದ ಫೆಡ್ಎಕ್ಸ್‌ನ ಕಸ್ಟಮರ್ ಕೇರ್‌ನಿಂದ ಕರೆ ಸ್ವೀಕರಿಸಿದ್ದಾರೆ.

ಫೋನ್ ಕರೆಯಲ್ಲೇ 98,000 ರೂಪಾಯಿ ಪಂಗನಾಮ

ಫೆಡೆಕ್ಸ್ ಕೇರ್‌ನಿಂದ ಮಾತನಾಡುತ್ತಿರುವುದಾಗಿ ಹೇಳಿಕೊಂಡ ಮಹಿಳೆಯೊಬ್ಬರು ನೀವು ಮುಂಬೈನಿಂದ ತೈವಾನ್‌ಗೆ ಕಳುಹಿಸಿದ್ದ ಪ್ಯಾಕೇಜ್ ಅನ್ನು ಪೊಲಿಸರು ವಶಕ್ಕೆ ಪಡೆದಿದ್ದಾರೆ ಎಂದು ಹೇಳಿದರು. ಪ್ಯಾಕೇಜ್ ಸಾಗಿಸುತ್ತಿದ್ದ ರಾಮ ಅನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಹೇಳಿದರು. ತಕ್ಷಣ ರಮಣಿ ಆಘಾತದಿಂದ ಪ್ರತಿಕ್ರಿಯಿಸಿ, 'ನಾನು ಮುಂಬೈನಿಂದ ತೈವಾನ್‌ಗೆ ಯಾವುದೇ ಪಾರ್ಸೆಲ್ ಕಳುಹಿಸಿಲ್ಲ' ಎಂದರು. ನಕಲಿ ಗ್ರಾಹಕ ಸೇವಾ ಪ್ರತಿನಿಧಿ ಅವರಿಗೆ ರಮಣಿ ಆಧಾರ್ ಕಾರ್ಡ್ ವಿವರಗಳನ್ನು ಕೇಳಿದರು. ಆದರೆ ಅವರು ಅದನ್ನು ಹಂಚಿಕೊಳ್ಳಲು ನಿರಾಕರಿಸಿದರು.

ಹೀಗಾಗಿ ಇದೊಂದು ವಂಚನೆಯ ಕರೆ ಎಂದು ರಮಣಿಗೆ ಅನುಮಾನ ಬಂದಿದೆ. ಅವರ ಹೇಳಿದ ಸತ್ಯಾಸತ್ಯತೆಯನ್ನು ಪರಿಶೀಲಿಸಲು, ರಮಣಿ ನನ್ನ ಆಧಾರ್ ಕಾರ್ಡ್‌ನ ವಿವರಗಳನ್ನು ನೀಡುವಂತೆ ಕೇಳಿದ್ದಾರೆ. ಆದರೆ ಅವರು ನಿರಾಕರಿಸಿ ಬಳಿಕ ಅವರು ನಿಖರವಾಗಿ ರಮಣಿಯವರ ಗುರುತಿನ ಸಂಖ್ಯೆಯನ್ನು ಹೇಳಿದ್ದಾರೆ. ಇದರಿಂದ ರಮಣಿ ಅವರಿಗೆ ಗೊಂದಲವಾಗಿದೆ. ಬಳಿಕ ಕರೆ ಮಾಡಿದ ವಂಚಕರು ನೀವು ಕಳುಹಿಸಿದ ಬ್ಯಾಗ್‌ನಲ್ಲಿ 8 ಗ್ರಾಂ ಎಂಡಿಎಂಎ ಇರುವಿಕೆ ಪತ್ತೆಯಾಗಿದೆ ಎಂದು ರಮಣಿಗೆ ಕರೆ ಮಾಡಿದ್ದಾರೆ.

ವಂಚಕರ ಬಳಿ ಇರುತ್ತೆ ನಿಮ್ಮ ಡಿಟೇಲ್ಸ್‌

ರಮಣಿ ಅವರು ನಿಧಾನವಾಗಿ ಕರೆ ಮಾಡಿದವರನ್ನು ನಂಬಲು ಪ್ರಾರಂಭಿಸಿದರು. ಮತ್ತೊಂದೆಡೆ ಕರೆ ಮಾಡಿದ ವಂಚಕಿ ರಮಣಿಗೆ ತನ್ನ ಗುರುತನ್ನು ಡ್ರಗ್ಸ್ ಕಳ್ಳಸಾಗಣೆ ಮಾಡಲು ಬಳಸುತ್ತಿದ್ದಾರೆ. ತಾವು ತಮ್ಮ ಕಾನೂನು ತಂಡಕ್ಕೆ ಕರೆಯನ್ನು ವರ್ಗಾಯಿಸುವುದಾಗಿ ಹೇಳಿದರು. ಈ ವೇಳೆ ಕಾನೂನು ಸಂಸ್ಥೆಯವರು ಎಂದು ಹೇಳಿಕೊಳ್ಳುವ ವ್ಯಕ್ತಿಗೆ ಕರೆಯನ್ನು ವರ್ಗಾಯಿಸಲಾಗಿದೆ. ಆ ವ್ಯಕ್ತಿ ರಮಣಿಗೆ ಮುಂಬೈ ಪೊಲೀಸರಿಗೆ ದೂರು ನೀಡಬೇಕು. ನೀವು ತಕ್ಷಣ ಬೆಂಗಳೂರಿನಿಂದ ಹೊರಡಿ ಎಂದು ಹೇಳಿದರು.

ಆದರೆ ಕೆಲಸದಲ್ಲಿದ್ದ ರಮಣಿ ಮುಂಬೈಗೆ ಹೊರಡುವ ಸ್ಥಿತಿಯಲ್ಲಿ ಇರಲಿಲ್ಲ. ಅದನ್ನು ಅವರು ವಂಚಕರ ಕಾನೂನು ತಂಡಕ್ಕೆ ತಿಳಿಸಿದ್ದಾರೆ.

ನಂತರ ವಂಚಕ ಕಾನೂನು ತಂಡ ಮುಂಬೈ ಅಪರಾಧ ವಿಭಾಗಕ್ಕೆ ಕರೆಯನ್ನು ವರ್ಗಾಯಿಸಿದೆ. ಮುಂಬೈ ಕ್ರೈಂ ಬ್ರಾಂಚ್‌ನವರು ಎಂದು ಹೇಳಿಕೊಳ್ಳುವ ವ್ಯಕ್ತಿಯೊಬ್ಬರು ಕರೆಯನ್ನು ಸ್ವೀಕರಿಸಿ ರಮಣಿಯೊಂದಿಗೆ ಮಾತನಾಡಿದ್ದಾರೆ. ರಮಣಿ ಅವರ ಪರವಾಗಿ ದೂರು ಸಲ್ಲಿಸುವುದಾಗಿ ಮತ್ತು ಈ ವಿಷಯವನ್ನು ತನಿಖೆ ಮಾಡಲು ಪ್ರಾರಂಭಿಸುವುದಾಗಿ ರಮಣಿಗೆ ಹೇಳಿದ್ದಾರೆ.

ನಕಲಿ ಪೊಲೀಸರನ್ನು ನಂಬಿ ಹಣ ಕಳೆದುಕೊಂಡ ಮಹಿಳೆ

ಬಳಿಕ ತಾನು ಪೊಲೀಸ್ ಎಂದು ಹೇಳಿಕೊಂಡು ಮತ್ತೊಬ್ಬ ರಮಣಿಗೆ ಕರೆ ಮಾಡಿದ್ದಾನೆ. ಈ ನಡುವೆ ರಮಣಿ ಅವರಿಗೆ ಮೇಲ್ ಬಂದಿದ್ದು, ಆಕೆಯಿಂದ ದೂರು ದಾಖಲಾಗಿದೆ ಎಂದು ನಕಲಿ ಪೊಲೀಸ್ ತಿಳಿಸಿದ್ದಾರೆ. ಮಾತ್ರವಲ್ಲದೆ ನಕಲಿ ಪೊಲೀಸ್ ರಮಣಿ ಅವರ ಆಧಾರ್ ಸಂಖ್ಯೆ ಮತ್ತು ಮೂರು ತಿಂಗಳ ಬ್ಯಾಂಕ್ ಸ್ಟೇಟ್‌ಮೆಂಟ್ ಹೇಳಿದ್ದಾರೆ. ಇದು ರಮಣಿ ಅವರ ನಂಬಿಕೆಯನ್ನು ಇನ್ನಷ್ಟು ಬಲ ಪಡಿಸಿದೆ.

ಈ ವೇಳೆ ರಮಣಿಗೆ ವಿಡಿಯೋ ಕರೆ ಕೂಡ ಮಾಡಲಾಗಿದೆ. ಈ ಸಮಯದಲ್ಲಿ ರಮಣಿ ಫೋನ್ ರಿಂಗಿಂಗ್ ಮತ್ತು ಜನರು ಮಾತನಾಡುವುದನ್ನು ಕೇಳುತ್ತಿದ್ದಳು ಮತ್ತು ತಾನು ಮುಂಬೈ ಪೊಲೀಸ್ ನಿಯಂತ್ರಣ ಕೊಠಡಿಯ ಸಿಬ್ಬಂದಿಯೊಂದಿಗೆ ಮಾತನಾಡುತ್ತಿದ್ದೇನೆ ಎಂದು ಭಾವಿಸಿದ್ದರು. ಒಂದು ಹಂತದಲ್ಲಿ, ಒಬ್ಬ ವ್ಯಕ್ತಿ ತನ್ನ ಪ್ರಕರಣದ ಬಗ್ಗೆ ವೈರ್‌ಲೆಸ್ ಸೆಟ್‌ನಲ್ಲಿ ಮಾತನಾಡುವುದನ್ನೂ ಅವರು ಕೇಳಿದ್ದಾರೆ. ವಿಡಿಯೊ ಕರೆಯಲ್ಲಿರುವ ವ್ಯಕ್ತಿಯು ಶಂಕಿತನ ಖಾತೆಯನ್ನು ಟ್ರ್ಯಾಕ್ ಮಾಡುತ್ತಿದ್ದೇವೆ ಮತ್ತು ಹೆಚ್ಚಿನ ಟ್ರ್ಯಾಕಿಂಗ್‌ಗಾಗಿ ರಮಣಿಗೆ ಹಣವನ್ನು ವರ್ಗಾಯಿಸಬೇಕಾಗಿದೆ ಎಂದು ಹೇಳಿದ್ದಾನೆ.

ಮೋಸ ಮಾಡಲು ಗ್ಯಾಂಗ್ ಬಿಗ್ ಪ್ಲ್ಯಾನ್

"ನಾನು ಹಣವನ್ನು ವರ್ಗಾಯಿಸಲು ಹೆದರುತ್ತಿದ್ದೆ ಆದರೆ ಅದು ಕಾರ್ಯವಿಧಾನವಾಗಿದೆ'' ಎಂದು ಅವರು ಹೇಳಿದರು. ನಾನು ಹಂತ ಹಂತವಾಗಿ 98,000 ರೂ. ಹಣವನ್ನು ಕೊನೆಗೊಳಿಸಿದೆ. ಅವರು ಹೆಚ್ಚಿನ ಹಣವನ್ನು ಕೇಳುತ್ತಲೇ ಇದ್ದುದರಿಂದ ಕರೆ ಇನ್ನೂ ಅರ್ಧ ಘಂಟೆಯವರೆಗೆ ಮುಂದುವರೆದಿದೆ. ನಾನು ಪಾವತಿಸಲು ಮುಂದಾದಾಗ ನನ್ನ ಬಾಸ್ ಇದು ನಕಲಿ ಕರೆ ಎಂದು ಹಣ ವರ್ಗಾವಣೆ ಮಾಡಬೇಡಿ ಎಂದು ಹೇಳಿದರು. ನಕಲಿ ಪೋಲೀಸ್ ತಕ್ಷಣವೇ ಕರೆಯನ್ನು ಕಡಿತಗೊಳಿಸಿದರು ಎಂದು ರಮಣಿ ಅವರು ಹೇಳಿದರು. ಮರುದಿನ ರಮಣಿ ದೂರು ದಾಖಲಿಸಿದ್ದಾರೆ.

ಹೀಗೆ ವಂಚಕರ ತಂಡ ವ್ಯವಸ್ಥಿತ ಯೋಜನೆಯೊಂದಿಗೆ ರಮಣಿ ಅವರಿಗೆ ಮೋಸ ಮಾಡಿದೆ. ಆದರೆ ಮಹಿಳೆಯನ್ನು ನಂಬಿಸಲು ವಂಚಕರ ತಂಡ ನೀಡಿದ ಮಾಹಿತಿ ಹೇಗೆ ಪಡೆಯಲಾಗಿದೆ ಎನ್ನುವುದು ತನೀಖೆಯಿಂದ ಬಯಲಾಗಬೇಕಿದೆ. ಪೊಲೀಸರು ಸದ್ಯ ವಂಚಕರ ಗ್ಯಾಂಗ್ ಪತ್ತೆಗೆ ಕಾರ್ಯ ಪ್ರಾರಂಭಿಸಿದ್ದಾರೆ.

English summary

A 31-year-old Bengaluru woman lost Rs 98,000 to a fake policeman who claimed to be from the Mumbai crime branch.