ಸಿದ್ದರಾಮಯ್ಯ ಸರ್ಕಾರದಲ್ಲಿ ಸಚಿವರು ಪೋಲು ಮಾಡಿದ ಹಣವೆಷ್ಟು?

ಬೆಳಗಾವಿ, ಸೆಪ್ಟೆಂಬರ್. 11: ಸಿದ್ದರಾಮಯ್ಯ ಸರ್ಕಾರದಲ್ಲಿ ಸಚಿವರು 24 ಕೋಟಿ ಹಣ ಪೋಲು ಮಾಡಿದ್ದಾರೆ ಎಂದು ಬೆಳಗಾವಿಯಲ್ಲಿ ಆರ್.ಟಿ‌.ಐ ಕಾರ್ಯಕರ್ತ ಭೀಮಪ್ಪ ಗಡಾದ ಆರೋಪಿಸಿದ್ದಾರೆ.

ಸಿದ್ದರಾಮಯ್ಯ ಸರ್ಕಾರದ ಐದು ವರ್ಷದ ಅವಧಿಯಲ್ಲಿ ಸಚಿವರು ಪ್ರಯಾಣ ಭತ್ಯೆ ರೂಪದಲ್ಲಿ 24 ಕೋಟಿ 28 ಲಕ್ಷ 864 ರುಪಾಯಿ ಖರ್ಚು ಮಾಡಿದ್ದಾರೆ.

ಆರೋಗ್ಯ ಸಚಿವರಾಗಿದ್ದ ಯು.ಟಿ. ಖಾದರ್ 1 ಕೋಟಿ 56 ಲಕ್ಷ ಪಡೆದರೆ, ಅರಣ್ಯ ಇಲಾಖೆ ಸಚಿವರಾಗಿದ್ದ ರಮಾನಾಥ ರೈ 1 ಕೋಟಿ 52 ಲಕ್ಷ ಹಾಗೂ ಕಾನೂನು ಸಚಿವರಾಗಿದ್ದ ಟ.ಬಿ.ಜಯಚಂದ್ರ 99 ಕೋಟಿ 72 ಲಕ್ಷ ಹಣವನ್ನು ಪ್ರಯಾಣ ಭತ್ಯೆಗೆ ಪಡೆದುಕೊಂಡಿದ್ದಾರೆ.

ಈ ಮೂವರು ಅತಿ ಹೆಚ್ಚು ಪ್ರಯಾಣ ಭತ್ಯೆ ಪಡೆದುಕೊಂಡಿದ್ದಾರೆ ಎಂದು ದೂರಿರುವ ಅವರು, ಮಾರುಕಟ್ಟೆಯಲ್ಲಿ ಪ್ರತಿ ಕಿ.ಮೀ. 15 ರುಪಾಯಿ ಗೆ ಇನೋವಾ ಮಾದರಿಯ ಐಷಾರಾಮಿ ಕಾರುಗಳು ಕಡಿಮೆ ದರದಲ್ಲಿ ಬಾಡಿಗೆ ಸಿಗುತ್ತದೆ.

ಆದ್ರೆ ಸರ್ಕಾರಿ ವಾಹನ ಮತ್ತು ಸರ್ಕಾರದ ಇಬ್ಬರು ಚಾಲಕರು ಇದ್ದರೂ ನಮ್ಮ ಸಚಿವರು ಪ್ರತಿ ಕಿ.ಮೀ.ಗೆ 30 ರುಪಾಯಿ ಪ್ರಯಾಣ ಭತ್ಯೆಯನ್ನು ಪಡೆದುಕೊಂಡಿದ್ದಾರೆ. ಹೀಗೆ ಪ್ರಯಾಣ ಭತ್ಯೆ ಹೆಸರಿನಲ್ಲಿ ಸಾರ್ವಜನಿಕ ಹಣ ಪೋಲಾಗುತ್ತಿದೆ ಎಂದು ಭೀಮಪ್ಪ ಗಡಾದ್ ಆರೋಪಿಸಿದ್ದಾರೆ.

ವಿಧಾನಪರಿಷತ್ ಸದಸ್ಯರಿಗೆ ವೇತನ, ದೂರವಾಣಿ ಭತ್ಯೆ, ಕ್ಷೇತ್ರ ಭತ್ಯೆ, ಅಂಚೆ ಭತ್ಯೆ ಸೇರಿ 28.63 ಕೋಟಿ ರೂ, ವೈದ್ಯಕೀಯ ವೆಚ್ಚ 3.22 ಕೋಟಿ ರೂ ಸೇರಿ ಸುಮಾರು 33 ಕೋಟಿ ರೂ. ಪಾವತಿಸಲಾಗಿದೆ. ಈ ಎಲ್ಲ ಭತ್ಯೆ ಸೇರಿ 235 ಕೋಟಿ ರೂ. ಆಗಿದೆ ಎಂದು ಕಳೆದೆರೆಡು ತಿಂಗಳ ಹಿಂದೆ ಭೀಮಪ್ಪ ಗಡಾದ್ ಅವರು ಮಾಹಿತಿ ಹಕ್ಕಿನಡಿ ಪಡೆದ ದಾಖಲೆಯಲ್ಲಿ ತಿಳಿಸಲಾಗಿತ್ತು.

English summary

RTI activist Bhimappa Gadad said in Belgaum, Minister spent Rs.24 crore in the Siddaramaiah government. He complained minister spent Rs 24 crore 28 lakh 864 rupees on travel allowance.