ಬಂತು..ಬಂತು..ಬೆಂಗಳೂರಿಗೆ ವಿಜ್ಞಾನ ಎಕ್ಸ್ ಪ್ರೆಸ್ ರೈಲು!

ಬೆಂಗಳೂರು, ಜೂನ್ 07 : ದೆಹಲಿಯಲ್ಲಿ ಉದ್ಘಾಟನೆಗೊಂಡ ವಿಜ್ಞಾನ ಎಕ್ಸ್ ಪ್ರೆಸ್ ರೈಲು ಜೂನ್ 6ರಂದು ಬೆಂಗಳೂರಿನ ವೈಟ್ ಫೀಲ್ಡ್ ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿದ್ದು, ವಿವಿಧ ಶಾಲಾ ವಿದ್ಯಾರ್ಥಿಗಳು, ಶಿಕ್ಷಕರು, ಸಾರ್ವಜನಿಕರು ಈ ವಿಜ್ಞಾನ ಎಕ್ಸ್ ಪ್ರೆಸ್ ರೈಲನ್ನು ನೋಡಿ ಕಣ್ತುಂಬಿಕೊಂಡರು.

ವಿಜ್ಞಾನ ಹಾಗೂ ತಂತ್ರಜ್ಞಾನ ಇಲಾಖೆಯಿಂದ ರಚಿಸಲ್ಪಟ್ಟಿದ್ದು, ಇದೊಂದು ಸಂಚಾರಿ ವಿಜ್ಞಾನ ಅನ್ವೇಷಣಾ ರೈಲಾಗಿದೆ. ವೈಟ್ ಫೀಲ್ಡ್ ನಲ್ಲಿ ಜೂನ್ 6 ರಿಂದ ಜೂನ್ 8ರವರೆಗೆ, ನಂತರ ಕೆಂಗೇರಿಯಲ್ಲಿ ಜೂನ್ 9 ರಿಂದ ಜೂನ್ 11ರವರೆಗೆ ತಂಗಲಿದ್ದು, ಬೆಳಗ್ಗೆ 10 ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ವೀಕ್ಷಿಸಬಹುದು.

ತನ್ನ 16 ಎಸಿ ಬೋಗಿಗಳಲ್ಲಿ ಹವಾಮಾನ ಬದಲಾವಣೆ, ವಿಜ್ಞಾನ ಮತ್ತು ತಂತ್ರಜ್ಞಾನದ ಬಗ್ಗೆ ಪ್ರದರ್ಶನ ಇರುವುದು. ದೇಶಾದ್ಯಂತ 68 ನಿಲ್ದಾಣದಲ್ಲಿ ಫೆಬ್ರವರಿಯಿಂದ ಸೆಪ್ಟೆಂಬರ್ ವರೆಗೆ ಸುಮಾರು 19,000 ಕಿಲೋ ಮೀಟರ್ ಪ್ರಯಾಣ ಮಾಡುವುದು, ಇದೀಗ 480 ಪ್ರದರ್ಶನ ಕಂಡಿದ್ದು 1.62 ಕೋಟಿ ಮಂದಿ ಭೇಟಿ ನೀಡಿದ್ದಾರೆ,

ಇದು ಭಾರತದ ಅತಿ ದೊಡ್ಡ ಸಂಚಾರಿ ವಿಜ್ಞಾನದ ಪ್ರದರ್ಶನವಾಗಿದೆ, ಇದಕ್ಕೆ ಯಾವುದೆ ಶುಲ್ಕವಿರುವುದಿಲ್ಲ. ಮೊಬೈಲ್, ಕ್ಯಾಮರಾ, ಬ್ಯಾಗ್, ತಂಬಾಕು, ನೀರಿನ ಬಾಟಲ್, ಬೆಂಕಿಪಟ್ಟಣ ಮತ್ತು ಹರಿತ ವಸ್ತುಗಳನ್ನು ಸಂಪೂರ್ಣ ನಿಷೇಧಿಸಲಾಗಿದೆ.

English summary

The ninth edition of Science Express arrived in Bengaluru on Tuesday with the Whitefield railway station playing host to the train that has travelled across the country to spread awareness on the environment. The train will be stationed at Whitefield till Thursday before moving to the Kengeri station on Friday where the exhibition will continue till Sunday.