ಜಾಗತಿಕ ಟಾಪ್ 200ರೊಳಗೆ ನಮ್ಮ ಐಐಎಸ್ಸಿಗೆ ಸ್ಥಾನ!

ಬೆಂಗಳೂರು, ಸೆ.15: ಬೆಂಗಳೂರಿನ ಪ್ರತಿಷ್ಠಿತ ವಿದ್ಯಾಸಂಸ್ಥೆ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್ (ಐಐಎಸ್ಸಿ) ಹಾಗೂ ದೆಹಲಿಯ ಐಐಟಿ ಇದೇ ಮೊದಲ ಬಾರಿಗೆ ಜಾಗತಿಕ ಮಟ್ಟದ ಟಾಪ್ 200 ವಿದ್ಯಾಸಂಸ್ಥೆಗಳ ಪಟ್ಟಿಯಲ್ಲಿ ಕಾಣಿಸಿಕೊಂಡಿವೆ.

ಬೆಂಗಳೂರಿನ ಐಐಎಸ್ಸಿ 147ನೇ ಸ್ಥಾನದಲ್ಲಿದ್ದರೆ, ದೆಹಲಿಯ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ 179ನೇ ಸ್ಥಾನ ಪಡೆದುಕೊಂಡಿದೆ. 2015ನೇ ಸಾಲಿನ ಕ್ಯೂಎಸ್ ವಿಶ್ವ ವಿದ್ಯಾಸಂಸ್ಥೆಗಳ ಶ್ರೇಯಾಂಕ ಪಟ್ಟಿ ಪ್ರಕಟವಾಗಿದ್ದು, ಒಟ್ಟಾರೆ ಆಯ್ಕೆಯಾಗಿರುವ 14 ಭಾರತೀಯ ವಿದ್ಯಾಸಂಸ್ಥೆಗಳ ಪೈಕಿ ಅರ್ಧದಷ್ಟು ವಿದ್ಯಾಸಂಸ್ಥೆಗಳು ಟಾಪ್ 400ರೊಳಗೆ ಸ್ಥಾನ ಪಡೆದಿವೆ.

ಅಮೆರಿಕದ ಮೆಸ್ಸಾಚುಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ಅಗ್ರಸ್ಥಾನವನ್ನು ಕಾಯ್ದುಕೊಂಡಿದೆ. ಎರಡನೇ ಸ್ಥಾನದಲ್ಲಿ ಹಾರ್ವಡ್ ಯೂನಿವರ್ಸಿಟಿ, ಮೂರನೇ ಸ್ಥಾನದಲ್ಲಿ ಕೇಂಬ್ರಿಡ್ಜ್ ಯೂನಿವರ್ಸಿಟಿ ಹಾಗೂ ಸ್ಟಾನ್ ಫರ್ಡ್ ಯೂನಿವರ್ಸಿಟಿ ಇದೆ.

ಉಳಿದಂತೆ ಟಾಪ್ ಪಟ್ಟಿಯಲ್ಲಿ ಕ್ಯಾಲಿಫೋರ್ನಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (CALTECH), ಯೂನಿರ್ವರ್ಸಿಟಿ ಆಫ್ ಆಕ್ಸ್ ಫರ್ಡ್, ಯೂನಿವರ್ಸಿಟಿ ಕಾಲೇಜ್ ಲಂಡನ್, ಇಂಪೀರಿಯಲ್ ಕಾಲೇಜ್ ಲಂಡನ್, ಸ್ವಿಸ್ ಫೆಡರಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಯೂನಿವರ್ಸಿಟಿ ಆಫ್ ಶಿಕಾಗೋ ವಿದ್ಯಾಸಂಸ್ಥೆಗಳಿವೆ.

OUT NOW: QS World University Rankings 2015/16! Where does your #university rank? http://t.co/FwuiajunvP #QSWUR pic.twitter.com/SAmJ9UlifP

— QS (@QS_pressoffice) September 14, 2015

ಟಾಪ್ 50ರಲ್ಲಿ ಲಂಡನ್ನಿನ ನಾಲ್ಕು ವಿಶ್ವ ವಿದ್ಯಾಲಯಗಳು, ಬೋಸ್ಟನ್ ಹಾಗೂ ನ್ಯೂಯಾರ್ಕ್ ನ ತಲಾ 3, ಪ್ಯಾರೀಸ್, ಸಿಡ್ನಿ, ಹಾಂಗ್ ಕಾಂಗ್ ಹಾಗೂ ಬೀಜಿಂಗ್ ನ ತಲಾ 2 ವಿಶ್ವವಿದ್ಯಾಲಯಗಳಿವೆ.

English summary

In a first, two Indian Institutes have made it to the top 200 list of the world's best universities. According to the QS World University Rankings 2015, there are 14 Indian institutions in the world rankings and half of them are among the top 400.