ನಿತ್ಯಾನಂದ ವಿಡಿಯೋ: ನಟಿ ರಂಜಿತಾ ಕ್ಷಮಾಪಣೆಗೆ ಆದೇಶ

ನವದೆಹಲಿ,ಸೆ.4: ನಟಿ ರಂಜಿತಾ ಅವರು ಸ್ವಾಮಿ ನಿತ್ಯಾನಂದ ಜತೆ ಅಶ್ಲೀಲ ಭಂಗಿಯಲ್ಲಿ ಕಾಣಿಸಿಕೊಂಡಿದ್ದಾರೆನ್ನಲಾದ ನಕಲಿ ದೃಶ್ಯಗಳನ್ನು ಪ್ರಸಾರ ಮಾಡಿದ್ದ ಖಾಸಗಿ ಚಾನೆಲ್, ಆಕೆಯ ಕ್ಷಮಾಪಣೆ ಕೋರಬೇಕೆಂದು ಚಾನೆಲ್ಲಿಗೆ ಆದೇಶಿಸಲಾಗಿದೆ.

ಈ ಸಂಬಂಧ, Broadcast Content Complaints Council (BCCC) ಅಧ್ಯಕ್ಷ ನಿವೃತ್ತ ನ್ಯಾಯಮೂರ್ತಿ ಎಪಿ ಷಾ ಅವರು Star Vijay ಚಾನೆಲ್ ವಿರುದ್ಧ ಸೋಮವಾರ ಈ ಮಹತ್ವದ ಆದೇಶ ನೀಡಿದ್ದು, ನಟಿ ರಂಜಿತಾ ಅವರಲ್ಲಿ ಕ್ಷಮೆ ಯಾಚಿಸುವಂತೆ ಸೂಚಿಸಿದ್ದಾರೆ. ಅಂದಹಾಗೆ BCCC ಸಮಿತಿಯು ಟಿವಿ ಚಾನೆಲ್ಲುಗಳ ನಿಯಂತ್ರಣ ಸಂಸ್ಥೆಯಾಗಿದೆ.

ಸೆಪ್ಟೆಂಬರ್ 9ರಿಂದ ಪ್ರಾರಂಭ ಮಾಡಿ 7 ದಿನಗಳ ಪ್ರತಿ 2 ಗಂಟೆಗೊಮ್ಮೆ scrollನಲ್ಲಿ ಪ್ರಸಾರ ಮಾಡಬೇಕು ಎಂದು BCCC ಅಧ್ಯಕ್ಷ ಎಪಿ ಷಾ ಅವರು ಆದೇಶಿಸಿದ್ದಾರೆ. 2012ರ ಮಾರ್ಚ್ 21ರಂದು 'ಸ್ಟಾರ್ ವಿಜಯ್' ಚಾನೆಲ್ Nadanthadhu Enna Kutramum Pinnaniyum ಎಂಬ ಕಾರ್ಯಕ್ರಮ ಪ್ರಸಾರವಾಗಿತ್ತು. ಅದರಲ್ಲಿ ಈ ಆಕ್ಷೇಪಾರ್ಹ ವಿಡಿಯೋ ಪ್ರಸಾರವಾಗಿತ್ತು.

ಅರ್ಜಿದಾರರಾದ ರಂಜಿತಾ ಅವರ ಖಾಸಗಿ ತನಕ್ಕೆ ಧಕ್ಕೆ ತಂದಿದೆ. ಆಕೆಯ ಗೌರವಕ್ಕೆ ಚ್ಯುತಿಬರುವಂತೆ ಈ ವಿಡಿಯೋ ಪ್ರಸಾರ ಮಾಡಲಾಗಿದೆ. ಆದ್ದರಿಂದ ರಂಜಿತಾ ಮೆನನ್ ಗೆ ಚಾನೆಲ್ ಕ್ಷಮಾಪಣೆ ಕೋರಬೇಕು ಎಂದು ತೀರ್ಪಿನಲ್ಲಿ ಹೇಳಲಾಗಿದೆ.

ಪ್ರಕರಣದ ಸಂಬಂಧ ನಟಿ ರಂಜಿತಾ ಅವರು ಕರ್ನಾಟಕ ಹೈಕೋರ್ಟಿನಲ್ಲಿ ರಿಟ್ ಅರ್ಜಿ ಸಲ್ಲಿಸಿದ್ದರು. ಆದರೆ ಹೈಕೋರ್ಟ್ ಸಿ.ಡಿ. ಸಮೇತ ಅರ್ಜಿಯನ್ನು BCCCಗೆ ವರ್ಗಾಯಿಸಿತ್ತು.

English summary

Nithyananda morphed video: Star Vijay Channel told to apologise to actress Ranjitha - BCCC. The self-regulatory body of television channels BCCC has asked a channel to apologise to actress Ranjitha Menon for showing "morphed" video clips which showed her in bad light with self-styled Godman Swami Nithyananda.