ರೇಪಿಸ್ಟುಗಳ ರಾಜಧಾನಿ ಬೆಂಗಳೂರಿಗೆ ತೃತೀಯ ಸ್ಥಾನ

By Srinath

Updated: Wednesday, February 6, 2013, 12:20 [IST]

ಬೆಂಗಳೂರು, ಫೆ.6: ಮೊನ್ನೆ ರಾತ್ರಿ ತಾವರೆಕೆರೆಯ ಬಟಾಬಯಲಿನಲ್ಲಿ ನಡೆದಿರುವ ಗ್ಯಾಂಗ್ ರೇಪ್ ಅನ್ನು ಇನ್ನೂ ಲೆಕ್ಕಕ್ಕೆ ತೆಗೆದುಕೊಂಡಿಲ್ಲವಾದರೂ ಕರ್ನಾಟಕದ ರಾಜಧಾನಿ ಪೈಶಾಚಿಕ ರೇಪಿಸ್ಟುಗಳಿಗೆ ಪ್ರಶಸ್ತ ತಾಣ ಎಂಬುದು ದೃಢಪಟ್ಟಿದೆ. ಕೆಳಗಿನ ಚಿತ್ರವೇ ಎಲ್ಲವನ್ನೂ ಹೇಳುತ್ತಿದೆ.

ಕೇಂದ್ರ ಗೃಹ ಸಚಿವಾಲಯದ ತಾಜಾ ವರದಿಯ ಪ್ರಕಾರ ಭಾರತೀಯ ದಂಡ ಸಂಹಿತೆಯಡಿ ದಾಖಲಾದ ಪ್ರಕರಣಗಳನ್ನು ಗಣನೆಗೆ ತೆಗೆದುಕೊಂಡಾಗ ಬೆಂಗಳೂರು 3ನೆಯ ಸ್ಥಾನ ದಕ್ಕಿಸಿಕೊಂಡಿದೆ. ಒಟ್ಟು ಅತ್ಯಾಚಾರ ಪ್ರಕರಣಗಳಲ್ಲಿ ದೆಹಲಿ ಅಗ್ರ ಸ್ಥಾನ ಅಲಂಕರಿಸಿದೆ (ಇದರಲ್ಲಿ, ಇತ್ತೀಚೆಗೆ ಫಿಸಿಯೋಥೆರಪಿಸ್ಟ್ ವಿದ್ಯಾರ್ಥಿನಿಯ ಗ್ಯಾಂಗ್ ರೇಪ್- ಹತ್ಯೆ ಪ್ರಕರಣ ಸೇರಿಲ್ಲ).

2009ರಿಂದ 2011ರ ಅವಧಿಯಲ್ಲಿ ರಾಷ್ಟ್ರ ರಾಜಧಾನಿ ದೆಹಲಿ ಸೇರಿದಂತೆ 6 ಪ್ರಮುಖ ಪ್ರಮುಖ ನಗರಗಳಿಗೆ ಸಂಬಂಧಪಟ್ಟ ಮಾಹಿತಿಯನ್ನು ಗೃಹ ಸಚಿವಾಲಯ ಬಿಡುಗಡೆ ಮಾಡಿದೆ. ಅದರಲ್ಲಿ ವಾಣಿಜ್ಯ ರಾಜಧಾನಿ ಮುಂಬೈ 2ನೇ ಸ್ಥಾನ ಪಡೆದುಕೊಂಡಿದೆ. ಈ ಮೂಲಕ ರಾಜಧಾನಿ ನಗರಗಳು ಕೂಡಾ ಮಹಿಳೆಯರಿಗೆ ಸುರಕ್ಷಿತವಾಗಿ ಉಳಿದಿಲ್ಲ ಎಂಬುದು ಸಾಬೀತಾಗಿದೆ.