'ಎಕ್ಸಟರ್ನಲ್ ಅಫೇರ್ಸ್ ರಾಣಿ' ಹೀನಾ ಆತ್ಮಹತ್ಯೆಗೆ ಯತ್ನ

ಇಸ್ಲಾಮಾಬಾದ್, ಅ.1: ಲವ್ ಅಫೇರ್ ಸುದ್ದಿಗಳಿಂದ ಬೇಸತ್ತು ಪಾಕ್ ವಿದೇಶಾಂಗ ಸಚಿವೆ ಹೀನಾ ರಬ್ಬಾನಿ ಖಾರ್ ಅವರು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ ಎಂದು ಪತ್ರಿಕೆಯೊಂದು ವರದಿಮಾಡಿದೆ.

ಪಾಕ್ ಅಧ್ಯಕ್ಷ ಜರ್ದಾರಿಯ ಪುತ್ರ ಬಿಲಾವಲ್ ಭುಟ್ಟೋ ಜತೆಗಿನ external affairs ಜಗಜ್ಜಾಹೀರಾಗಿ, ಅದರ ವಿರುದ್ಧ ಫತ್ವಾ ಹೊರಡಿಸಲು ಕರ್ಮಠ ಮನಸ್ಸಿನ ಇಸ್ಲಾಮಿಕ್ ಸಂಘಟನೆಗಳು ಆಲೋಚಿಸುತ್ತಿವೆ ಎಂಬ ವರದಿಗಳ ಸಮ್ಮುಖದಲ್ಲಿ ಪ್ರಕರಣದ ಕಥಾನಾಯಕಿ, ಪಾಕ್ ಸಚಿವೆ ಹೀನಾ ರಬ್ಬಾನಿ ಅವರು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ ಎಂದು ಬಾಂಗ್ಲಾ ವಾರಪತ್ರಿಕೆ Blitz ವರದಿ ಉಲ್ಲೇಖಿಸಿ, ಪಾಕ್ ದೈನಿಕವೊಂದು (The Daily Ittefaq) ವರದಿ ಮಾಡಿದೆ.

ನಿದ್ರೆ ಮಾತ್ರೆ ಸೇವಿಸಿ ಸಚಿವೆ ಹೀನಾ ರಬ್ಬಾನಿ ಆತ್ಮಹತ್ಯೆಗೆ ಯತ್ನಿಸಿದರು ಎಂದು Blitz ವರದಿ ಮಾಡಿದೆ. ಅದಕ್ಕೂ ಮುನ್ನ, ಈ ಪತ್ರಿಕೆಯೇ ಹೀನಾ ರಬ್ಬಾನಿ- ಬಿಲಾವಲ್ ಭುಟ್ಟೋ ನಡುವಣ ಪ್ರೇಮವನ್ನು ಜಗತ್ತಿಗೆ ಪರಿಚಯಿಸಿದ್ದು.

ಗಮನಾರ್ಹವೆಂದರೆ ಹೀನಾ ರಬ್ಬಾನಿ ಈ ಹಿಂದೆಯೂ ಆತ್ಮಹತ್ಯೆಗೆ ಯತ್ನಿಸಿದ್ದರು. ಆದರೆ ಅದಕ್ಕೆ ಕಾರಣವೇ ಬೇರೆಯಾಗಿತ್ತು. ಮೊದಲು, ತಮ್ಮ ಕೋಟ್ಯಧಿಪತಿ ಗಂಡ ಫೆರೋಜ್ ಗುಲ್ಜಾರ್ ಪ್ರೇಮ ಪ್ರಕರಣದಲ್ಲಿ ಸಿಲುಕಿದ್ದರು. ತಮ್ಮ ಉದ್ಯಮಿ ಮಿತ್ರಳ ಜತೆ ಗಂಡ ಫೆರೋಜ್ ಗುಲ್ಜಾರ್ ಲವ್ವಿ-ಡವ್ವಿ ಇಟ್ಕೊಂಡಿದ್ದರು. ಇದರಿಂದ ತೀವ್ರವಾಗಿ ಖಿನ್ನತೆಗೊಳಗಾದ ಹೀನಾ ರಬ್ಬಾನಿ ಆಗಲೇ ಆತ್ಮಹತ್ಯೆಗೆ ಯತ್ನಿಸಿದರು ಎಂದು ಪತ್ರಿಕೆ ವರದಿ ಮಾಡಿದೆ.

ಕುತೂಹಲದ ವಿಷಯವೆಂದರೆ. ಇದೆಲ್ಲ ಪಾಕಿಸ್ತಾನದ ಐಎಸ್ಐ ಚಿತಾವಣೆಯ ಮೇರೆಗೆ ನಡೆದಿದೆ. ಪಾಕಿಸ್ತಾನದಲ್ಲಿ ಭದ್ರತಾ ಪಡೆಗಳು ಬಂಧಿಸಿದ್ದ ಸಾವಿರಾರು ಮಂದಿ ಕಾಣೆಯಾದ ಬಗ್ಗೆ ವಿಶ್ವಸಂಸ್ಥೆ ತನಿಖೆ ಕೈಗೊಳ್ಳುವುದಕ್ಕೆ ಸಚಿವೆ ಹೀನಾ ರಬ್ಬಾನಿ ನೆರವಾಗಿದ್ದರು. ಹೀನಾ ಅಪಾಯದ ಗೆರೆ ದಾಟಿದ್ದರಿಂದ ಕ್ಷುದ್ದಗೊಂಡ ಪಾಕ್ ಐಎಸ್ಐ ಸಚಿವೆ ಹೀನಾ ರಬ್ಬಾನಿಯ ಚಾರಿತ್ರ್ಯವಧೆಗೆ ಇಳಿಯಿತು ಎಂಬ ಮಾತುಗಳು ಈಗ ಕೇಳುಬರುತ್ತಿವೆ.

English summary

Pakistan foreign minister Hina Rabbani Khar love affair with Bilawal Bhutto, son of Pakistan President Asif Ali Zardari and late Benazir Bhutto, has taken a new twist. Bangladeshi tabloid The Weekly Blitz reported that Hina Rabbani had tried to commit suicide when got to know about her millionaire husband Feroz Gulzar's extra-marital affair with his business colleague.