• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಇಸ್ರೋ 100ನೇ ಬಾಹ್ಯಾಕಾಶ ಯೋಜನೆ ಯಶಸ್ವಿ

By Mahesh
|
ಶ್ರೀಹರಿಕೋಟಾ, ಸೆ. 9: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಸಾಧನೆಯ ಹಾದಿಯಲ್ಲಿ 100ನೇಮೈಲಿಗಲ್ಲು ದಾಟಿದೆ. ಇಸ್ರೋ ತನ್ನ ನೂರನೆ ಬಾಹ್ಯಾಕಾಶ ಯೋಜನೆಯನ್ನು ಯಶಸ್ವಿಗೊಳಿಸಿದೆ. ಪ್ರಧಾನಿ ಮನಮೋಹನ್ ಸಿಂಗ್ ಅವರು ಪಿಎಸ್ ಎಲ್ ವಿ -ಸಿ-21 ಉಡಾವಣೆಯನ್ನು ಪ್ರತ್ಯಕ್ಷವಾಗಿ ನೋಡಿ ಆನಂದದಿಂದ ವಿಜ್ಞಾನಿಗಳನ್ನು ಕೊಂಡಾಡಿದ್ದಾರೆ.

ಶ್ರೀಹರಿಕೋಟದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಬೆಳಗ್ಗೆ 9.51ಕ್ಕೆ Polar Satellite Launch Vehicle(ಪಿಎಸ್‌ಎಲ್‌ವಿ)-ಸಿ21 ರಾಕೆಟ್ ಮೇಲಕ್ಕೆ ಹಾರಿ ಇಸ್ರೋದ ಇತಿಹಾಸದಲ್ಲಿ ಒಂದು ಧನ್ಯತೆಯ ಕ್ಷಣ ಮೂಡಿಸಿತು.

ಪ್ರಧಾನಿ ಮನಮೋಹನ್ ಸಿಂಗ್ ರೊಂದಿಗೆ ಈ ಮಹತ್ವದ ಕ್ಷಣವನ್ನು ವೀಕ್ಷಿಸುವುದಕ್ಕೆ ಕೇಂದ್ರ ಸಚಿವ ವಿ.ನಾರಾಯಣ ಸ್ವಾಮಿ ಕೂಡ ಸಾಕ್ಷಿಯಾದರು. ಈ ಸಂದರ್ಭ ಇಸ್ರೋ ಮುಖ್ಯಸ್ಥ ಡಾ.ಕೆ.ರಾಧಾಕೃಷ್ಣನ್, ಇಸ್ರೋ ಮಿಶನ್ ನಿರ್ದೇಶಕ ಕುನ್ಹಿ ಕೃಷ್ಣನ್, ಇಸ್ರೋದ ಮಾಜಿ ಮುಖ್ಯಸ್ಥ ಕೆ. ಕಸ್ತೂರಿ ರಂಗನ್ ಮತ್ತಿತರ ಪ್ರಮುಖ ವಿಜ್ಞಾನಿಗಳು ಉಪಸ್ಥಿತರಿದ್ದರು.

1975ರಲ್ಲಿ ಭಾರತದ ಮೊಟ್ಟ ಮೊದಲ ಉಪಗ್ರಹ ಆರ್ಯಭಟವನ್ನು ಬಾಹ್ಯಾಕಾಶ ಯಾನದಲ್ಲಿ ನೂರನೇ ಮೈಲಿಗಲ್ಲು ದಾಟಿಸಿದ ಕೀರ್ತಿ ಪಿಎಸ್‌ಎಲ್‌ವಿ-ಸಿ21ಗೆ ಸಲ್ಲುತ್ತದೆ. ಆರ್ಯಭಟವನ್ನು ರಷ್ಯಾದ ರಾಕೆಟ್ ಮೂಲಕ ಬಾಹ್ಯಾಕಾಶಕ್ಕೆ ಹಾರಿಸಲಾಗಿತ್ತು. ಆರಂಭದಲ್ಲಿ ಇಸ್ರೋ ಸಿದ್ಧಪಡಿಸಿದ ಎಲ್ಲ ಉಪಗ್ರಹಗಳನ್ನು ವಿದೇಶಿ ರಾಕೆಟ್‌ಗಳ ನೆರವಿನೊಂದಿಗೆ ಉಡಾಯಿಸಲಾಗಿತ್ತು.

1980ರಲ್ಲಿ ಮೊದಲ ಸ್ವದೇಶಿ ರಾಕೆಟ್ ಎಸ್‌ಎಲ್‌ವಿ-3ಯನ್ನು ಯಶಸ್ವಿಯಾಗಿ ಹಾರಿಸಲಾಯಿತು. ಅಂದಿನಿಂದ ಇಂದಿನವರೆಗೆ 85 ಉಡಾವಣೆಗಳು ನಡೆದಿವೆ. ಅವುಗಳ ಪೈಕಿ ಹೆಚ್ಚಿನವು ಯಶಸ್ವಿಯಾಗಿವೆ.

ಒಂದು ಬಾಹ್ಯಾಕಾಶ ಯೋಜನೆ ಎಂದರೆ ಒಂದೋ ಉಪಗ್ರಹ ಅಥವಾ ಉಡಾವಣಾ ವಾಹಕ. ಭಾರತೀಯ ಉಪಗ್ರಹವನ್ನು ಭಾರತೀಯ ಉಡಾವಣಾ ವಾಹಕದಲ್ಲಿ ಉಡಾಯಿಸಿದರೆ ಅದನ್ನು ಎರಡು ಯೋಜನೆಗಳೆಂಬುದಾಗಿ ಪರಿಗಣಿಸಲಾಗುತ್ತದೆ.

ಪಿಎಸ್‌ಎಲ್‌ವಿ-ಸಿ21 ವಾಹಕ 712 ಕೆಜಿ ತೂಕದ ಫ್ರಾನ್ಸ್‌ನ ಭೂ ವೀಕ್ಷಣೆ ಉಪಗ್ರಹ 'ಸ್ಪಾಟ್ 6' ಅನ್ನು ಉಡಾಯಿಸಿದೆ. ಈ ಯೋಜನೆ ಯಶಸ್ವಿಯೊಂದಿಗೆ, ಅತ್ಯಂತ ಹೆಚ್ಚು ಭಾರದ ವಿದೇಶಿ ಉಪಗ್ರಹ ಬಾಹ್ಯಾಕಾಶಕ್ಕೆ ಕಳುಹಿಸಿದ ಸಾಧನೆಯನ್ನು ಇಸ್ರೋ ಮಾಡಿದೆ.

ಇದರ ಜೊತೆಗೆ ರಾಕೆಟ್ ಜಪಾನ್‌ನ 15 ಕೆಜಿ ತೂಕದ ಪುಟ್ಟ ಉಪಗ್ರಹ 'ಪ್ರಾಯ್ಟರಸ್'ಅನ್ನೂ ಬಾಹ್ಯಾಕಾಶಕ್ಕೆ ಕಳುಹಿಸಲಾಗಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ಇನ್ನಷ್ಟು ಇಸ್ರೋ ಸುದ್ದಿಗಳುView All

English summary
ISRO’s 100th space mission “is a milestone in our nation’s space capability”, Manmohan Singh said after the launch at the Satish Dhawan Space Centre, Sriharikota. Earlier, PM Manmohan Singh witnessed the launch of PSLV-C21 carrying two foreign satellites.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more