• search

ಪ್ಲಾಟ್ ಫಾರಂಗಿಂತ ಪ್ರಯಾಣ ದರವೇ ಚೀಪ್! ಟ್ರೈ ಮಾಡಿ

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Mysore-rail-station
    ಬೆಂಗಳೂರು, ಮಾ.16: ರೈಲ್ವೆ ಸಚಿವ ದಿನೇಶ್ ತ್ರಿವೇದಿ ಟಿಕೆಟ್ ದರ ಏರಿಸಿ, ಸ್ವತಃ ಟಿಕೆಟ್ ತೆಗೆದುಕೊಳ್ಳುವ ಮಾರ್ಗದಲ್ಲಿರುವಾಗ ಬೆಂಗಳೂರು ರೈಲ್ವೆ ಪ್ರಯಾಣಿಕರಿಗೆ ಇಲ್ಲೊಂದು ಸಂತಸದ ಸುದ್ದಿಯಿದೆ. ಏನಪಾ ಅಂದರೆ ಬೆಂಗಳೂರು ರೈಲ್ವೆ ನಿಲ್ದಾಣದಲ್ಲಿ ಪ್ಲಾಟ್ ಫಾರಂ ಟಿಕೆಟಿಗಿಂತ ಪ್ರಯಾಣ ದರವೇ ಚೀಪ್!

    ಇದು ಹೇಗೆ ವರ್ಕ್ ಔಟ್ ಆಗುತ್ತೆ ಗೊತ್ತಾ!?: ಬೆಂಗಳೂರು ಸಿಟಿ ರೈಲ್ವೆ ಸ್ಟೇಷನಿನಿಂದ ಯಶವಂತಪುರಕ್ಕೆ ಸಾಮಾನ್ಯ ದರ್ಜೆ ರೈಲ್ವೆ ಪ್ರಯಾಣ ದರ ಕೇವಲ 2 ರುಪಾಯಿ. ಇದಿಷ್ಟೇ ಸಾಕು. ದುಬಾರಿ ಪ್ಲಾಟ್ ಫಾರಂ ಟಿಕೆಟ್ ಹಣ ಉಳಿಸಲು. ಏಕೆಂದರೆ ಮೊನ್ನೆ ಬಜೆಟ್ ನಲ್ಲಿ ಪ್ಲಾಟ್ ಫಾರಂ ಟಿಕೆಟ್ ದರವನ್ನು 5 ರುಪಾಯಿಗೆ ಏರಿಸಿದ್ದಾರೆ. ಸೋ, ಬೆಂಗಳೂರು ಸಿಟಿ ರೈಲ್ವೆ ಸ್ಟೇಷನಿನಲ್ಲಿ ನೀವು ದುಬಾರಿ ಪ್ಲಾಟ್ ಫಾರಂ ಟಿಕೆಟ್ ತೆಗೆದುಕೊಳ್ಳುವ ಅಗತ್ಯವೇ ಇಲ್ಲ.

    ಸ್ಟೇಷನಿನೊಳಕ್ಕೆ ಹೋಗುತ್ತಿದ್ದಂತೆ 5 ರೂಪಾಯಿ ಕೊಟ್ಟು ಪ್ಲಾಟ್ ಫಾರಂ ಟಿಕೆಟ್ ತೆಗೆದುಕೊಳ್ಳುವ ಬದಲು 2 ರುಪಾಯಿ ಕೊಟ್ಟು ಯಶವಂತಪುರಕ್ಕೆ ಟಿಕೆಟ್ ತೆಗೆದುಕೊಂಡರೆ ಸಾಕು. ಅಲ್ಲಿಗೆ 2 ರು. ಉಳಿಸಬಹುದು. ಹೇಗಿದೆ ಐಡಿಯಾ !? ಇದು ಮೈಸೂರು, ಬೆಳಗಾಂ ಮತ್ತಿತರ ರೈಲ್ವೆ ನಿಲ್ದಾಣಗಳಲ್ಲೂ ಇಂತಹ ಭಾಗ್ಯವಿದೆಯಾ? ತಿಳಿದುಕೊಳ್ಳಿ.

    ಇಲ್ಲಿ ಇನ್ನೂ ಒಂದು ವಿಷ್ಯಾ ಇದೆ. ಏನಪಾ ಅಂದರೆ 5 ರೂಪಾಯಿ ಕೊಟ್ಟು ತೆಗೆದುಕೊಳ್ಳುವ ಪ್ಲಾಟ್ ಫಾರಂ ಟಿಕೆಟ್ ಕಾಲಾವಧಿ ಕೇವಲ 2 ಗಂಟೆಗೆ ಸೀಮಿತ. ಅದೇ 2 ರುಪಾಯಿ ಕೊಟ್ಟು ಯಶವಂತಪುರಕ್ಕೆ ಟಿಕೆಟ್ ತೆಗೆದುಕೊಂಡರೆ 24 ಗಂಟೆ ಅವಧಿಗೂ ಅದೇ ಪ್ಲಾಟ್ ಫಾರಂ ಟಿಕೆಟ್ ಆಗಿ ಚಾಲ್ತಿಯಲ್ಲಿರುತ್ತದೆ.

    ಪ್ರೇಮಿಗಳಿಗೆ ಹಾಸಿಗೆ ಹಾಸಿಕೊಟ್ಟಂತೆ ಸರ್ವಜ್ಞ: ಇನ್ನೊಂದು ಲೆಕ್ಕಾಚಾರ ಹೀಗಿದೆ. ಬೆಂಗಳೂರು ರೈಲ್ವೆ ನಿಲ್ದಾಣದಲ್ಲಿ ಪ್ರತಿ ದಿನ 9,000 ಪ್ಲಾಟ್ ಫಾರಂ ಟಿಕೆಟುಗಳು ಮಾರಾಟವಾಗುತ್ತವೆ. ಅಷ್ಟಕ್ಕೂ ಪ್ಲಾಟ್ ಫಾರಂ ಟಿಕೆಟ್ ದರ ಹೆಚ್ಚಿಸುವುದಕ್ಕೆ ಮುಖ್ಯ ಕಾರಣವೇನಪ್ಪಾ ಅಂದ್ರೆ ಪೋಲಿಗಳು, ಪುಂಡಪೋಕರಿಗಳಿಗೆ ಇದು ನೆಚ್ಚಿನ ಆಶ್ರಯ ತಾಣ. ಅದಕ್ಕೆ ಕಡಿವಾಣ ಹಾಕುವ ಸಲುವಾಗಿಯೇ ಪ್ಲಾಟ್ ಫಾರಂ ಟಿಕೆಟಿಗೆ ಕಾಲಾವಧಿ ನಿಗದಿಪಡಿಸಿ, ದರ ಫಿಕ್ಸ್ ಮಾಡಿರುತ್ತಾರೆ.

    ಈಗ ಏನಾಗಿದೆಯಪಾ ಅಂದ್ರೆ ನಿದ್ದೆ ಮಾಡೋರಿಗೆ ಹಾಸಿಗೆ ಹಾಸುಕೊಟ್ಟಂತಾಗಿದೆ. ಪ್ಲಾಟ್ ಫಾರಂ ಅನ್ನೇ ಮನೆಯಾಗಿಸಿಕೊಳ್ಳುವ ರೆಗ್ಯುಲರ್ ಗಳು ದುಬಾರಿ ಪ್ಲಾಟ್ ಫಾರಂ ಟಿಕೆಟ್ ಮರ್ಮ ತಿಳಿದುಕೊಂಡು ಅಗ್ಗದ ಪ್ರಯಾಣ ಟಿಕೆಟ್ ಅನ್ನೇ ಖರೀದಿಸುತ್ತಿದ್ದಾರೆ. ಪ್ರೀತಿ ಪ್ರೇಮದ ಪಡ್ಡೆಗಳಿಗಂತೂ ಇದು ಹೇಳಿ ಮಾಡಿಸಿದಂತಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    A general passenger ticket from Bangalore city railway station to Yeshwanthpur station costs Rs 2 and is valid for 24 hours but a platform ticket costs Rs 5 and is valid only for two hours. Make hay while the sun shines!

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more