ಚಿನ್ನದ ಬೆಲೆ ಸಡನ್ ಆಗಿ ಕೊಂಚ ಇಳಿಕೆ

ಬೆಂಗಳೂರು, ಮಾ.1: ಬೇಡಿಕೆಗೆ ತಕ್ಕಂತೆ ಕುಣಿಯುತ್ತಿರುವ ಹಳದಿ ಲೋಹ ಚಿನ್ನದ ಬೆಲೆ, ಗುರುವಾರ ಕೊಂಚ ಇಳಿಮುಖವಾಗಿದೆ. ಕಳೆದ ಆರು ತಿಂಗಳಲ್ಲೇ ಅತ್ಯಧಿಕ ರು.920 ರಷ್ಟು ಇಳಿಮುಖವಾಗಿದೆ.

ಕಳೆದ 19 ವಾರಗಳಲ್ಲಿನ ಅತ್ಯಧಿಕ ಮತ್ತು ದಿಢೀರ್ ಬೆಲೆ ಹೆಚ್ಚಳ ಕೊಂಡಿದ್ದ ಚಿನ್ನದ ಬೆಲೆ ಇಳಿಕೆಯಾಗಿದೆ. ದೇಶಿ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಪ್ರತಿ 10 ಗ್ರಾಂ.ಗೆ 29,080 ರುಪಾಯಿ ಇದ್ದದ್ದು ಗುರುವಾರ 28,900.00(24K ಬೆಂಗಳೂರಿನಲ್ಲಿ) 26,500.00(22K) ಇಳಿದಿದೆ.

ಆದರೆ, ಉಳಿದ ನಗರಗಳಲ್ಲಿ ಸ್ಪಾಟ್ ಚಿನ್ನದ ಬೆಲೆ ಇನ್ನಷ್ಟು ಕೆಳಗಿಳಿದು ಪ್ರತಿ 10 ಗ್ರಾಂ ಬೆಲೆ 27,630 ರು ಆಗಿದೆ. ಯುರೋಪ್ ಮಾರುಕಟ್ಟೆಯ ಆರ್ಥಿಕತೆ ಏರಿಳಿತ ಇದಕ್ಕೆ ಕಾರಣ ಎನ್ನಲಾಗಿದೆ.

Multi Commodity Exchange(MCX )ವರದಿಯಂತೆ 27,945 ರು ದಿಂದ 28,140 ರು ತನಕ ವಹಿವಾಟು ನಡೆದಿದೆ. ಬೆಳ್ಳಿ ಪ್ರತಿ ಕೆಜಿಗೆ 57,944 ದಿಂದ 58,226 ರು ತನಕ ಇದೆ.

ಮದುವೆ ಮುಂತಾದ ಶುಭ ಸಮಾರಂಭಗಳಿಗೆ ಚಿನ್ನ ಖರೀದಿಸುವವರಿಗೆ ಇದು ಶುಭ ಸೂಚಕವಾಗಿದೆ. ಆದರೆ, ಚಿನ್ನದ ಮೇಲೆ ಬಂಡವಾಳ ಹೂಡಲು ಮುಂದಾಗಿದ್ದವರಿಗೆ ಕೊಂಚ ಹಿನ್ನೆಡೆ ಉಂಟಾಗಿದೆ.

English summary

Spot gold declined on MCX and was seen trading at Rs 27,630 per 10 grams. However, gold futures recovered in today's trade after sliding in the previous session. Gold crashes to near 6-mth low; down by Rs 920 on global cues