273 ಕೋಟಿ ವಿಮೆ ಹಗರಣ, ರಿಲಯನ್ಸ್ ಆರೋಪಿ

ಮುಂಬೈ, ಫೆ.6: ಸುಮಾರು 273 ಕೋಟಿ ರು.ಗಳ ವಿಮೆ ಹಗರಣಕ್ಕೆ ಸಂಬಂಧಿಸಿದಂತೆ ಮುಖೇಶ್ ಅಂಬಾನಿ ನೇತೃತ್ವದ ರಿಲಯನ್ಸ್ ಇಂಡಸ್ಟ್ರೀಸ್ ಲಿ ಮೇಲೆ ಸಿಬಿಐ ಪ್ರಕರಣ ದಾಖಲಿಸಿಕೊಂಡಿದೆ. ಸಿಬಿಐ ತಂಡ ದೋಷಾರೋಪಣ ಪಟ್ಟಿ ಸಲ್ಲಿಸಿರುವುದು ಮುಖೇಶ್ ಅಂಬಾನಿಗೆ ಭಾರಿ ಹಿನ್ನೆಡೆಯಾಗಲಿದೆ.

ಭ್ರಷ್ಟಾಚಾರ ನಿಯಂತ್ರಣ ಕಾಯ್ದೆ ಅಪರಾಧ ಸಂಚು ಮುಂತಾದ ಕಾನೂನಿನಡಿಯಲ್ಲಿ RIL ಮೇಲೆ ದೋಷಾರೋಪಣೆ ಹೊರೆಸಲಾಗಿದೆ. ನ್ಯಾಷನಲ್ ಇನ್ಸುರೆನ್ಸ್ ಕಂಪನಿ ಲಿ(NICL) ಹಗರಣಕ್ಕೆ ಸಂಬಂಧಿಸಿದಂತೆ ಮುಖೇಶ್ ಆರೋಪಿಯಾಗಿದ್ದಾರೆ.

NICL ಅಧಿಕಾರಿಗಳು ಹಾಗೂ ಖಾಸಗಿ ಟೆಲಿಕಾಂ ಸಂಸ್ಥೆ ಉದ್ಯೋಗಿಗಳ ಜೊತೆ 2002 ರಿಂದ 2004ರವರೆಗೂ ಸಂಪರ್ಕ ಏರ್ಪಟ್ಟಿದೆ.ಈ ಸಂದರ್ಭದಲ್ಲಿ ಭಾರಿ ಅವ್ಯವಹಾರ ನಡೆದಿದೆ ಎಂದು ಸಿವಿಸಿ ಅಧಿಕಾರಿಗಳು ಹೇಳಿದ್ದಾರೆ ಎಂದು ಖಾಸಗಿ ಮಾಧ್ಯಮಗಳು ವರದಿ ಮಾಡಿದೆ.

NICL ತನ್ನ ನಿಯಮಗಳನ್ನು ಉಲ್ಲಂಘಿಸಿ ರಿಲಯನ್ಸ್ ಜೊತೆ ಒಪ್ಪಂದ ಮಾಡಿಕೊಂಡಿರುವುದು ಪತ್ತೆಯಾಗಿದೆ ಎಂದು ಸಿಬಿಐ ಹೇಳಿಕೊಂಡಿದೆ.

English summary

It might prove as a major setback for Mukesh Ambani as the investigative agency, Central Bureau of Investigation (CBI) reportedly charge-sheeted Reliance Industries Limited (RIL) over an insurance scam worth of Rs 273 crore.