ಅಮೆಜಾನ್.ಕಾಂ ಜಂಗ್ಲಿಯಾಗಿ ಭಾರತಕ್ಕೆ ಪ್ರವೇಶ
17 ವರ್ಷದ ಆನ್ ಲೈನ್ ಶಾಪಿಂಗ್ ಮಾರುಕಟ್ಟೆ ಅನುಭವದ ನಂತರ ಭಾರತಕ್ಕೆ ಕಾಲಿರಿಸಿರುವ ಅಮೆಜಾನ್.ಕಾಂಗೆ ಏಷ್ಯಾದಲ್ಲಿ ಅತ್ಯಂತ ಬಳಕೆಯಲ್ಲಿರುವ Flipkart ಹಾಗೂ MakeMyTrip Ltd ವೆಬ್ ತಾಣಗಳು ಸ್ಪರ್ಧೆ ನೀಡುವ ಸಾಧ್ಯತೆಯಿದೆ.
14,000 ಕ್ಕೂ ಅಧಿಕ ಭಾರತೀಯ ಹಾಗೂ ಜಾಗತಿಕ ಬ್ರ್ಯಾಂಡ್ ಗಳ 12 ದಶಲಕ್ಷ ಉತ್ಪನ್ನಗಳು ಜಂಗ್ಲಿ.ಕಾಂನಲ್ಲಿ ಗ್ರಾಹಕರಿಗೆ ಲಭ್ಯವಿರುತ್ತದೆ. ಅಮೆಜಾನ್ ನ ಹೆಚ್ಚು ಮಾರಾಟವಾಗುವ ಉತ್ಪನ್ನವಾದ Kindle ಇ ಬುಕ್ ರೀಡರ್ ಮಾರಾಟದ ಮೇಲೆ ಹೆಚ್ಚಿನ ವಿಶ್ವಾಸವನ್ನು ಸಂಸ್ಥೆ ಹೊಂದಿದೆ.
ಪುಸ್ತಕ ಮಾರಾಟಕ್ಕೆ ಮಾತ್ರ ಮೀಸಲಾಗಿದ್ದ ಅಮೆಜಾನ್.ಕಾಂ, ಈಗ ಭಾರತದ ಫ್ಯಾಷನ್ ಮಾರುಕಟ್ಟೆಗೆ ಅಧಿಕೃತವಾಗಿ ಎಂಟ್ರಿ ಕೊಟ್ಟಿತ್ತು. ಈಗ ಗ್ರಾಹಕರು ಅಮೆಜಾನ್ ಒಡೆತನದ ಮೈಹಾಬಿಟ್.ಕಾಂ ಹಾಗೂ ಎಂಡ್ ಲೆಸ್ .ಕಾಂ ತಾಣಗಳ ಮೂಲಕ ತಮಗೆ ಇಷ್ಟವಾದ ಅಂತಾರಾಷ್ಟೀಯ ಗುಣಮಟ್ಟದ ಬ್ರ್ಯಾಂಡ್ ವಸ್ತುಗಳನ್ನು ಖರೀದಿಸುತ್ತಿದ್ದಾರೆ ಎಂದುಮೆಜಾನ್ ಸಂಸ್ಥೆ ಅಮಿತ್ ಅಗರ್ ವಾಲ್ ಹೇಳಿದ್ದಾರೆ.
ಭಾರತದಲ್ಲಿ ಆನ್ ಲೈನ್ ಪುಸ್ತಕ ಖರೀದಿ ಶೇ.15 ರ ಗತಿಯಲ್ಲಿ ಪ್ರಗತಿ ಕಾಣುತ್ತಿದೆ. ಸುಮಾರು 9.34 ಬಿಲಿಯನ್($1 = 49.27 Indian rupees) ವಹಿವಾಟು ನಡೆಯುವ ನಿರೀಕ್ಷೆಯಿದೆ ಎಂದು Internet and Mobile Association of India ಹೇಳಿದೆ.