ನಿದ್ರಾಭಂಗ: ಹೆತ್ತ ಕಂದನನ್ನೇ ಸಾಯಿಸಿದ ಪಾಪಿ ಅಪ್ಪ-ಅಮ್ಮ

By Srinath

Published: Tuesday, December 13, 2011, 17:15 [IST]

ಕಾರವಾರ, ಡಿ.13: ಅದು ಅಮಾಯಕ ಮಗು. ವಯೋಸಹಜವಾಗಿ ಒಂದಷ್ಟು ರಂಪ ಮಾಡಿ ನಿದ್ರೆ ಮಾಡದೆ ರಚ್ಚೆ ಹಿಡಿದಿದೆ. ಆ ಮಗುವಿನ ಅಪ್ಪ-ಅಮ್ಮಗೋ ಅಷ್ಟೇ ಸಾಕಾಗಿತ್ತು. ನಿದ್ರೆ ಮಾಡಲು ಮಗು ತೊಂದರೆ ಕೊಡುತ್ತಿದೆ ಎಂದು ಆಕ್ರೋಶಗೊಂಡ ಹೆತ್ತವರು ಮೂರು ವರ್ಷದ ಆ ಮಗುವನ್ನೇ ಬಡಿದು ಸಾಯಿಸಿದ್ದಾರೆ. ಈ ಘಟನೆ ಕಾರವಾರದ ಹರಿದೇವನಗರದಲ್ಲಿ ಸೋಮವಾರ ರಾತ್ರಿ ನಡೆದಿದೆ.

ಇಲ್ಲಿನ ಹರಿದೇವನಗರದ ಶುಶಾಂತ್ (3) ಮೃತ ಮಗು. ತಾಯಿ ಹೇಮಾ ಹಾಗೂ ತಂದೆ ಚಂದ್ರು ಇಬ್ಬರೂ ಸೇರಿಯೇ ಮಗುವನ್ನು ನೆಲಕ್ಕೆ ಬಡಿದು ಸಾಯಿಸಿದ್ದಾರೆ ಎನ್ನಲಾಗಿದೆ. ಮಗು ಒಂದೇ ಸಮನೆ ಅಳುತ್ತಾ ರಂಪ ಮಾಡುತ್ತಿದ್ದುದರಿಂದ ನಿದ್ರೆಗೆ ತೊಂದರೆಯಾಯಿತೆಂದು ತಂದೆ-ತಾಯಿ ಈ ಕೃತ್ಯವೆಸಗಿದ್ದಾರೆ. ಮಗುವನ್ನು ಕೊಲೆ ಮಾಡಿದ ಸುದ್ದಿ ತಿಳಿದ ಸ್ಥಳೀಯರು ಹೇಮಾ ಮತ್ತು ಚಂದ್ರುಗೆ ಹಿಗ್ಗಾಮುಗ್ಗಾ ಥಳಿಸಿದ್ದು, ಇಬ್ಬರನ್ನೂ ಪೊಲೀಸರಿಗೆ ಒಪ್ಪಿಸಿದ್ದಾರೆ.

Published On December 13, 2011