ಯಡಿಯೂರಪ್ಪಗೆ ಇನ್ನು ಮುಂದೆ ಜೈಲೇ ಗತಿ !

ಬೆಂಗಳೂರು, ಅ. 15: ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ಜಾಮೀನು ಅರ್ಜಿ ಲೋಕಾಯುಕ್ತ ಕೋರ್ಟಿನಿಂದ ವಜಾಗೊಂಡಿದೆ. ಇದರಿಂದಾಗಿ ಭ್ರಷ್ಟಾಚಾರ ವಿರೋಧಿ ಕಾಯ್ದೆಯಡಿ ಹಾಕಲಾಗಿದ್ದ ಭೂ ಹಗರಣ ಕೇಸಿನಡಿ ಯಡಿಯೂರಪ್ಪನವರು ಜೈಲು ಸೇರುವುದು ಖಚಿತವಾಗಿದೆ.

ಲೋಕಾಯುಕ್ತ ವಿಶೇಷ ನ್ಯಾಯಾಲಯ ಶನಿವಾರ, ಅ. 15ರಂದು ಮಧ್ಯಾಹ್ನ ಈ ಮಹತ್ವದ ತೀರ್ಪನ್ನು ನೀಡಿದೆ. ಇದರ ಪ್ರಕಾರ, ಯಡಿಯೂರಪ್ಪ ಮತ್ತು ಅವರ ಜೊತೆ ಭೂ ಹಗರಣದಲ್ಲಿ ಭಾಗಿಯಾಗಿರುವ ಕೃಷ್ಣಯ್ಯ ಶೆಟ್ಟಿಗೆ ಜಾಮೀನು ನಿರಾಕರಿಸಲಾಗಿದೆ. ಉಳಿದ ಆರೋಪಿಗಳಿಗೆ ಷರತ್ತುಬದ್ಧ ಜಾಮೀನು ನೀಡಲಾಗಿದೆ.

ಯಡಿಯೂರಪ್ಪ ವಿರುದ್ಧ ಅರೆಸ್ಟ್ ವಾರಂಟ್ ಜಾರಿ ಮಾಡಲಾಗಿದ್ದು, ಸಂಜೆ 4 ಗಂಟೆಯೊಳಗೆ ಅವರಿರುವ ರೇಸ್ ಕೋರ್ಸ್ ನಿವಾಸದಿಂದ ಅವರನ್ನು ಬಂಧಿಸುವ ಸಾಧ್ಯತೆಯಿದೆ.

English summary

Yadiyurappa bail is rejected and there is possibility of arrest warrant.