ರೋಡ್ ಕಿಂಗ್ ಖೇಣಿಯಿಂದ ಹೊಸ ಪಕ್ಷ

By Mahesh

Published: Thursday, October 13, 2011, 11:20 [IST]

ಬೆಂಗಳೂರು, ಅ.13: ಮಾಜಿ ಪ್ರಧಾನಿ ದೇವೇಗೌಡರ ವಿರುದ್ಧ ಕಾನೂನು ಹೋರಾಟಗಳನ್ನು ನಡೆಸುತ್ತಿರುವ ನೈಸ್ ಕಂಪನಿಯ ಅಶೋಕ್ ಖೇಣಿ ಈಗ ಸಕ್ರಿಯ ರಾಜಕೀಯ ಪ್ರವೇಶಿಸುವ ಮೂಲಕ ದೇವೇಗೌಡರಿಗೆ ಸೆಡ್ಡುಹೊಡೆಯಲಿದ್ದಾರೆ.

ಬಿಎಂಐಸಿ ನೈಸ್ ಕಾರಿಡಾರ್ ಯೋಜನೆಯ ಹೊಣೆ ಹೊತ್ತಿರುವ ಖೇಣಿ ತಮಗೆ ರಾಜಕೀಯ ಪ್ರವೇಶಿಸಲು ಯಾವುದೇ ಅಡ್ಡಿಯಿಲ್ಲ, ಶೀಘ್ರದಲ್ಲೇ ಹೊಸ ಪಕ್ಷವೊಂದನ್ನು ಘೋಷಿಸುವುದಾಗಿ ಹೇಳಿದ್ದಾರೆ.

ಬಹುಶಃ ಇನ್ನೊಂದು ವಾರದಲ್ಲಿ ಈ ನಿರ್ಧಾರ ಹೊರಬೀಳಬಹುದು. ಕರ್ನಾಟಕ ಮಕ್ಕಳ ಪಕ್ಷ ಎಂಬ ಹೆಸರಿನ ಖೇಣಿಯವರ ಹೊಸ ಪಕ್ಷವನ್ನು ಖೇಣಿ ಅಭಿಮಾನಿ ಸಂಘದ ಪದಾಧಿಕಾರಿಯೊಬ್ಬರು ಸ್ಥಾಪಿಸುತ್ತಿರುವುದಾಗಿ ಖೇಣಿ ಹೇಳಿದ್ದಾರೆ.

"ಈಗ ನಡೆಯುತ್ತಿರುವ ಅರಾಜಕತೆಯನ್ನು ನನ್ನಿಂದ ನೋಡಲಾಗುತ್ತಿಲ್ಲ. ಹಾಗಾಗಿ ವಾತಾವರಣವನ್ನು ಉತ್ತಮ ರೀತಿಯಲ್ಲಿ ಬದಲಾಯಿಸಲು ಈ ನಿರ್ಧಾರಕ್ಕೆ ಬಂದಿದ್ದೇನೆ. ಸೂಕ್ತ ಸಮಯದಲ್ಲಿ ನನ್ನ ನಿರ್ಣಯ ತಿಳಿಸುತ್ತೇನೆ" ಎಂದು ಖೇಣಿ ಹೇಳಿದ್ದಾರೆ.

Published On October 13, 2011