ಉಗ್ರರನ್ನು ಸಾಕುತ್ತಿರುವ NGOಗಳು : ಗುಪ್ತಚರ ಇಲಾಖೆ

ನವದೆಹಲಿ, ಸೆ.28: ಸುಮಾರು 100ಕ್ಕೂ ಅಧಿಕ ಸರ್ಕಾರೇತರ ಸಂಸ್ಥೆ(NGO)ಗಳು ಉಗ್ರರಿಗೆ ಆರ್ಥಿಕ ಸಹಾಯ ನೀಡುತ್ತಾ ಪೋಷಿಸುತ್ತಿದೆ ಎಂಬ ಆತಂಕಕಾರಿ ವಿಷಯವನ್ನು ಕೇಂದ್ರ ಗುಪ್ತಚರ ಇಲಾಖೆ ಬಹಿರಂಗಪಡಿಸಿದೆ.

ಅನಧಿಕೃತ ಎನ್ ಜಿಒಗಳ ಕುರಿತು ವರದಿ ತಯಾರಿಸಿದ್ದ ಟೈಮ್ಸ್ ನೌ ಸುದ್ದಿ ವಾಹಿನಿ ಈ ವಿಷಯದ ಮೇಲೆ ಬೆಳಕು ಚೆಲ್ಲಿದೆ. ಲಖ್ನೋ ಮೂಲದ Alfirdaus Islamic Educational Society ಎಂಬ ಸರ್ಕಾರೇತರ ಸಂಸ್ಥೆಗೆ ಉಗ್ರರ ನಿಕಟ ಸಂಪರ್ಕ ಇದೆ ಎನ್ನಲಾಗಿದೆ.

ಅನೇಕ ಎನ್ ಜಿಒಗಳು ಕೆಲವು ಕಾಲಮಿತಿಯ ನಂತರ ಮುಚ್ಚಲ್ಪಡುತ್ತವೆ. ಹೀಗಾಗಿ ಅಧಿಕೃತ ಲೈಸನ್ಸ್ ಹೊಂದಿದ್ದರು ಈ ರೀತಿ ಸಂಸ್ಥೆಗಳನ್ನು ಟ್ರ್ಯಾಕ್ ಮಾಡಲು ಕಷ್ಟವಾಗಿದೆ.

ಈ ರೀತಿ ದೇಶದೆಲ್ಲೆಡೆ 100ಕ್ಕೂ ಅಧಿಕ ಎನ್ ಜಿಒ ಗಳು ಉಗ್ರರ ಸಂಪರ್ಕದಲ್ಲಿರುವುದು ಕಂಡು ಬಂದಿದೆ ಎಂದು ಗೃಹ ಸಚಿವಾಲಯ ಸ್ಪಷ್ಟಪಡಿಸಿದೆ.

English summary

Over 100 NGOs are under the intelligence radar after it was found that the NGOs were not only violating rules but also funding terrorists.