• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಯಡಿಯೂರಪ್ಪರಿಂದ ದೂರವಿರಿ: ಡಿವಿಎಸ್ ಗೆ 'ಅಡ್ಡವಾಣಿ' ಸಂದೇಶ

By Srinath
|
ಬೆಂಗಳೂರು, ಆಗಸ್ಟ್ 10: ಕರ್ನಾಟಕದಲ್ಲಿ 'ಭ್ರಷ್ಟ' ಯಡಿಯೂರಪ್ಪ ಅವರನ್ನು ಅಧಿಕಾರದಿಂದ ಇಳಿಸುವಲ್ಲಿ ಕೊನೆಗೂ ಯಶ ಕಂಡ ಆಡ್ವಾಣಿ ಅವರು ಇದೀಗ ಯಡ್ಡಿಯನ್ನು ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ಪರಿಗಣಿಸುವುದಿರಲಿ, ದೈನದಂದಿನ ಆಡಳಿತದಲ್ಲಿ ಹತ್ತಿರಕ್ಕೂ ಬಿಟ್ಟುಕೊಳ್ಳದಂತೆ ನೂತನ ಮುಖ್ಯಮಂತ್ರಿ ಡಿವಿ ಸದಾನಂದ ಗೌಡ ಅವರ ಮೇಲೆ ಒತ್ತಡ ಹೇರಿದ್ದಾರೆ.

ರಾಜ್ಯ ಬಿಜೆಪಿಯಲ್ಲಿ ಉದ್ಭವಿಸಿದ್ದ ಅಧಿಕಾರ ಹಂಚಿಕೆ ಬಿಕ್ಕಟ್ಟು ತಾತ್ಕಾಲಿಕವಾಗಿ ಶಮನಗೊಂಡಿದ್ದರೂ ಭವಿಷ್ಯದಲ್ಲಿ ಎದುರಾಗುವ ಗಂಡಾಂತರವನ್ನು ತಡೆಗಟ್ಟಲು ಅಧಿಕಾರ ಕೇಂದ್ರದಿಂದ ಬಿ.ಎಸ್. ಯಡಿಯೂರಪ್ಪರನ್ನು ದೂರ ಇಡುವಂತೆ ಬಿಜೆಪಿ ನಾಯಕ ಲಾಲ್‌ಕೃಷ್ಣ ಅಡ್ವಾಣಿ ಸೇರಿದಂತೆ ವರಿಷ್ಠರು, ಮುಖ್ಯಮಂತ್ರಿ ಡಿವಿಎಸ್ ಗೆ ಕಿವಿ ಮಾತು ಹೇಳಿದ್ದಾರೆ.

ಸಂಸತ್ ಭವನದಲ್ಲಿ ಬಿಜೆಪಿ ಹಿರಿಯ ಮುಖಂಡ ಎಲ್.ಕೆ. ಅಡ್ವಾಣಿ ಜತೆ ಮಂಗಳವಾರ ಸಂಜೆ ಸುಮಾರು ಅರ್ಧ ಗಂಟೆ ಮಾತುಕತೆ ನಡೆಸಿದರು. ಮೂರನೆಯವರ ಪ್ರವೇಶವಿಲ್ಲದೆ ನಡೆದ 'ನೇರ ಮುಖಾಮುಖಿ'ಯಲ್ಲಿ ಅಡ್ವಾಣಿ ರಾಜ್ಯದಲ್ಲಿ ಕುಂದಿರುವ ಬಿಜೆಪಿ ವರ್ಚಸ್ಸನ್ನು ಹೆಚ್ಚಿಸಲು ಸೂಚಿಸಿದರು. ಯಾರ ಒತ್ತಡಕ್ಕೂ ಮಣಿಯದೆ ಕೆಲಸ ಮಾಡುವಂತೆ ಹೇಳಿದರು ಎಂದು ಮೂಲಗಳು ವಿವರಿಸಿವೆ. ಅಡ್ವಾಣಿ ಭೇಟಿಯ ನಂತರ ಅಲ್ಲೇ ಸಂಸತ್‌ ಭವನದಲ್ಲೇ ಸುಷ್ಮಾ ಸ್ವರಾಜ್‌, ಅರುಣ್‌ ಜೇಟ್ಲಿ ಅವರನ್ನೂ ಡಿವಿಎಸ್ ಭೇಟಿಯಾದರು.

ರಾಜ್ಯ ಬಿಜೆಪಿ ಕಳೆದ ಮೂರು ವರ್ಷಗಳ ಅವಧಿಯಲ್ಲಿ ವ್ಯಕ್ತಿ ಕೇಂದ್ರಿತ ಪಕ್ಷವಾಗಿ ಬೆಳೆದಿದ್ದು, ಈ ಅಂಶವೇ ಪಕ್ಷದ ಪಾಲಿಗೆ ಮಾರಕವಾಗಿ ಪರಿಣಮಿಸಲಿದೆ. ಇದನ್ನು ನಿವಾರಿಸಿಕೊಳ್ಳುವುದೇ ನಿಮ್ಮ ಗುರಿ ಆಗಲಿ ಎಂದು ಲಾಲ್‌ಕೃಷ್ಣ ಅಡ್ವಾಣಿ ಅವರು ಗೌಡರಿಗೆ ಸಲಹೆ ನೀಡಿದ್ದಾರೆ.

ನೀವೀಗ ಬಿ.ಎಸ್. ಯಡಿಯೂರಪ್ಪನವರ ಕೈಗೊಂಬೆ ಎನ್ನುವ ಅಭಿಪ್ರಾಯ ಸಾರ್ವತ್ರಿಕವಾಗಿದ್ದು, ಇಂತಹ ಅಭಿಪ್ರಾಯಕ್ಕೆ ವ್ಯತಿರಿಕ್ತವಾಗಿ ನೀವು ಬೆಳೆಯಬೇಕು. ಯಡಿಯೂರಪ್ಪನವರ ಕೈಗೊಂಬೆ ಎಂಬ ಭಾವನೆಯನ್ನು ತೊಡೆದು ಹಾಕುವಂತೆ ಆಡಳಿತ ನಡೆಸಬೇಕು. ಇವತ್ತು ಮೊದಲ ಕಂತಿನ ಸಂಪುಟ ರಚನೆ ಕಾರ್ಯ ನಡೆದ ರೀತಿಯೂ ನೀವು ಯಡಿಯೂರಪ್ಪ ಅವರ ಕೈಗೊಂಬೆ ಎನ್ನುವ ಅನುಮಾನವನ್ನೇ ಹುಟ್ಟು ಹಾಕಿದೆ. ಈ ಅನುಮಾನವನ್ನು ತೊಡೆದು ಹಾಕುವಂತೆ ನೀವು ನಡೆದುಕೊಳ್ಳದಿದ್ದರೆ ರಾಜ್ಯದಲ್ಲಿ ಬಿಜೆಪಿಯು ಜನ ಸಮುದಾಯಗಳ ಪಕ್ಷವಾಗುವ ಬದಲು ಕೇವಲ ವ್ಯಕ್ತಿನಿಷ್ಠ ಪಕ್ಷವಾಗುತ್ತದೆ. ಯಾವ ಕಾರಣಕ್ಕೂ ಇದಕ್ಕೆ ಅವಕಾಶ ನೀಡಕೂಡದು ಎಂದು ಅವರು ಕಿವಿ ಮಾತು ಹೇಳಿದರು.

ಆದಷ್ಟು ಬೇಗ ನೀವು ಯಡಿಯೂರಪ್ಪ ಅವರ ಹಿಡಿತದಿಂದ ಹೊರಬನ್ನಿ. ರಾಜ್ಯದ ಎಲ್ಲ ಜಾತಿ, ವರ್ಗಗಳ ವಿಶ್ವಾಸಗಳಿಸುವ ರೀತಿಯಲ್ಲಿ ಕೆಲಸ ಮಾಡಿ, ಅಭಿವದ್ಧಿಯ ಮೂಲಕ ನಿಮ್ಮ ಶಕ್ತಿಯನ್ನು ತೋರಿಸಿ ಎಂದು ಅಡ್ವಾಣೆ ಸಲಹೆ ನೀಡಿದ್ದು, ಈ ಬೆಳವಣಿಗೆ ಬಿಜೆಪಿ ಪಾಳೆಯದಲ್ಲಿ ತೀವ್ರ ಕುತೂಹಲ ಕೆರಳಿಸಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Karnataka Chief Minister DV Sadananda Gowda who met BJP senior leader LK Advani on Tuesday evening (Aug 9) in New Delhi was told to keep B S Yeddyurappa away and strictly advised not to yeild to BSY.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more