ತಿರುಪತಿ ತಿಮ್ಮಪ್ಪನ ಮೇಲೆ ಉಗ್ರರ flash?

ತಿರುಪತಿ, ಜುಲೈ 22: ತಿರುಪತಿ ತಿಮ್ಮಪ್ಪನ ಸನ್ನಿಧಿಯಲ್ಲಿ ಆಶ್ಚರ್ಯಕರ, ಆಕಸ್ಮಿಕ, ಅಚಾತುರ್ಯ ಘಟನೆಯೊಂದು ಗುರುವಾರ ನಡೆದಿದೆ. ಏನಪಾ ಅಂದರೆ ವೆಂಕಟರಮಣಸ್ವಾಮಿ ವಿಗ್ರಹದ ಮೇಲೆ ಬಲಭಾಗದಲ್ಲಿ ಫಳ್ಳನೆ ಬೆಳಕು ಹಾದುಹೋಗಿದೆ. ಪಕ್ಕದ ಚಿತ್ರದಲ್ಲಿ ಇದನ್ನು ನೀವೂ ಗಮನಿಸಬಹುದು.

ಇದು ದೇವಸ್ಥಾನದ ರಕ್ಷಣೆಯಲ್ಲಿರುವ ಪೊಲೀಸರಿಗೆ ತಲೆಬಿಸಿ ತಂದಿದೆ. ತಿಮ್ಮಪ್ಪನ ಮೇಲೆ ಈ ಬೆಳಕು ಪ್ರಜ್ವಿಲಿಸಿರುವುದು ಸಿಸಿಟಿವಿಯಲ್ಲಿ ದಾಖಲಾಗಿದೆ. ಭಕ್ತರು ಕ್ಯಾಮರಾದಿಂದ ಫೋಟೋ ತೆಗೆದಾಗ ಈ ಬೆಳಕು ಮೂಡಿರಬಹುದೆಂದು ತರ್ಕಿಸಲಾಗಿದೆ. ಆದರೆ ಗರ್ಭಗುಡಿಯಲ್ಲಿ ತಿಮ್ಮಪ್ಪನ ಫೋಟೋ ತೆಗೆಯುವುದನ್ನು ನಿಷೇಧಿಸಲಾಗಿದೆ. ವಾಸ್ತವವಾಗಿ ಮೂಲ ವಿಗ್ರಹದ ಒಂದೇ ಒಂದು ಫೋಟೋವನ್ನು ಸುಮಾರು ವರ್ಷಗಳ ಹಿಂದೆ ಬ್ಲ್ಯಾಕ್ ಅಂಡ್ ವೈಟ್ ಜಮಾನಾದಲ್ಲಿ ತೆಗೆಯಲಾಗಿದೆ.

ಆದರೆ ಭದ್ರತಾಲೋಪವಾಗಿ ಉಗ್ರರ ಕರಿನೆರಳು ಇದಾಗಿರಬಹುದಾ ಎಂದೂ ಆಲೋಚಿಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಆಂಧ್ರದ ಡಿಜಿಪಿ ಶುಕ್ರವಾರ ದೇವಸ್ಥಾನಕ್ಕೆ ತೆರಳಿ ಪರಿಶೀಲನೆಯನ್ನು ನಡೆಸಿದ್ದಾರೆ. ಇಂತಹ ಅಹಿತಕರ ಘಟನೆ ನಡೆಯದಂತೆ ಎಚ್ಚರಿಕೆ ವಹಿಸುವುದಾಗಿ ಪೊಲೀಸರು ತಿರುಮಲ ತಿರುಪತಿ ದೇವಸ್ಥಾನ (ಟಿಟಿಡಿ) ಮಂಡಳಿಗೆ ಅಭಯ ನೀಡಿದ್ದಾರೆ.

English summary

Tirumala Tirupathi- On July 21 some anusual light has flashed on Lord Venkateshvara idol. This has raised some doubts on lapse in security at Tirumala. Andra DGP has visited the Shrine on July 22.