ಏರ್ ಟೆಲ್ ಬ್ರ್ಯಾಡ್ ಬ್ಯಾಂಡ್ 2 ಎಂಬಿಪಿಎಸ್ ಗೆ ಅಪ್ಡೇಟ್ ಮಾಡ್ಕೊಳ್ಳಿ

ಬೆಂಗಳೂರು ಜೂ 20: ಇಂಟರ್ ನೆಟ್ ಸೇವೆ ಒದಗಿಸುವುದು ಸುಲಭದ ಕೆಲಸವಲ್ಲ. ಬ್ರ್ಯಾಡ್ ಬ್ಯಾಂಡ್ ಸೇವೆ ಒದಗಿಸುವುದಕ್ಕಿಂತ ಹೆಚ್ಚಿನ ಸಮಯ ಸಾರ್ವಜನಿಕರ ದೂರು ಆಲಿಸುವುದರಲ್ಲೇ ಕಳೆದ ಏರ್ ಟೆಲ್ ಈಗ ಮಾರುಕಟ್ಟೆಯಲ್ಲಿ ಕಷ್ಟದ ದಿನಗಳನ್ನು ನೋಡುತ್ತಿದೆ. ಆದರೆ, ತನ್ನ ಇಡೀ ವ್ಯವಸ್ಥೆ ಬದಲಾಯಿಸಿ ಗ್ರಾಹಕರನ್ನು ಹಿಡಿದಿಟ್ಟುಕೊಳ್ಳುವ ಯೋಜನೆ ಹಾಕಿಕೊಂಡಿದೆ. ಭಾರ್ತಿ ಏರ್ ಟೆಲ್ ನ ಗ್ರಾಹಕರು ಈಗಿರುವ ಆಮೆಗತಿಯ ಇಂಟರ್ ನೆಟ್ ಸಂಪರ್ಕಕ್ಕೆ ಬದಲಾಗಿ 2 ಎಂಬಿಪಿಸ್ ವೇಗದ ಬ್ರಾಡ್ ಬ್ಯಾಂಡ್ ಸಂಪರ್ಕ ಹೊಂದಬಹುದಾಗಿದೆ. ಅದೂ ಉಚಿತವಾಗಿ ಸೇವೆ ಸಿಗುತ್ತಿದೆ.

256 ಕೆಬಿಪಿಎಸ್ ಸಂಪರ್ಕ ಹೊಂದಿದ್ದವರು ಯಾವುದೇ ಖರ್ಚಿಲ್ಲದೆ ಇಂಟರ್ ನೆಟ್ ವೇಗವನ್ನು ಹೆಚ್ಚಿಸಿಕೊಳ್ಳಬಹುದಾಗಿದೆ. ಅದೇ 512 ಕೆಬಿಪಿಎಸ್ ಉಳ್ಳ ಗ್ರಾಹಕರಿಗೆ ವಿನಾಯತಿ ನೀಡುವ ಬಗ್ಗೆ ಸಂಸ್ಥೆ ಸ್ಪಷ್ಟವಾಗಿ ಹೇಳಿಲ್ಲ.

ಸದ್ಯದ ದರಪಟ್ಟಿಯಂತೆ ಏರ್ ಟೆಲ್ ಗ್ರಾಹಕರು 3 ಜಿಬಿ ಡಾಟಾಗೆ ರು 650 ನೀಡುತ್ತಿದ್ದಾರೆ. ಎಂಟಿಎನ್ ಎಲ್ ಗ್ರಾಹಕರು ಅದೇ ದುಡ್ಡಿಗೆ 5 ಜಿಬಿ ಪಡೆಯುತ್ತಿದ್ದಾರೆ. ಎಂಟಿಎನ್ ಎಲ್ ಮುಂಬೈನಲ್ಲಿ 2.5 ಜಿಬಿಗೆ 600 ರು ಪ್ರತಿ ತಿಂಗಳಿಗೆ ತಗುಲುತ್ತಿದೆ.ಬಿಎಸ್ ಎನ್ ಎಲ್ ಬೆಂಗಳೂರು ಕೇವಲ 300 ರು.ಗೆ 2 ಜಿಬಿ ವರೆಗೂ ಡಾಟಾ ಬಳಸುವ ಅವಕಾಶ ನೀಡುತ್ತದೆ. 4 ಜಿಬಿಗೆ 599 ರು ಆಗುತ್ತದೆ. ದರ ಪಟ್ಟಿ ವೆಚ್ಚಕ್ಕೆ ಶೇ 12 ರಷ್ಟು ತೆರಿಗೆ ಹಣ ಸೇರಿಸಿ ಎಲ್ಲಾ ಸೇವಾದಾರರು ಗ್ರಾಹಕರಿಗೆ ಬ್ರಾಡ್ ಬ್ಯಾಂಡ್ ಸಂಪರ್ಕ ಒದಗಿಸುತ್ತಿದ್ದಾರೆ.

ಎಲ್ಲೆಲ್ಲಿ ಲಭ್ಯ: 2 ಎಂಬಿಪಿಎಸ್ ಸಂಪರ್ಕಗಳು ದೆಹಲಿ, ನೋಯ್ಡಾ, ಬೆಂಗಳೂರು, ಗುರ್ ಗಾಂವ್, ಫರಿದಾಬಾದ್, ಘಾಜಿಯಾಬಾದ್, ಚೆನ್ನೈ, ಹೈದರಾಬಾದ್, ಮುಂಬೈ ಹಾಗೂ ಪುಣೆಯಲ್ಲಿ ಲಭ್ಯವಿದೆ. ಉಳಿದ ನಗರಗಳಲ್ಲಿ 1 ಎಂಬಿಪಿಸ್ ಸಂಪರ್ಕ ಪಡೆದುಕೊಳ್ಳಬಹುದಾಗಿದೆ. ಹೆಚ್ಚಿನ ವೇಗ ಬೇಕಾದರೆ ಬಿಲ್ ದರದಲ್ಲಿ 100 ರು ಹೆಚ್ಚಾಗುತ್ತದೆ. 1 ಎಂಬಿಪಿಎಸ್ ಪಡೆಯುವ ನಗರಗಳಲ್ಲಿ 3 ಜಿಬಿಗೆ 549 ರು ಹಾಗೂ 6 ಜಿಬಿಗೆ 699 ರು ವೆಚ್ಚ ಆಗುತ್ತದೆ ಎಂದು ಏರ್ ಟೆಲ್ ಸಂಸ್ಥೆ ಪ್ರಕಟಿಸಿದೆ.

English summary

Bharti Airtel, one of the biggest Internet Service Provider has announced to upgrade broadband connectivity to 2 Mbps for free. This will be functional in metros like Bangalore, Chennai, Hyderabad, Mumbai etc. In other cities the up-gradation will be up to 1 Mbps.