ಹಿಂಸಾಪೀಡಿತ ಯೆಮೆನ್ ಬಿಡಲು ಭಾರತೀಯರಿಗೆ ಸೂಚನೆ

ಹೊಸದಿಲ್ಲಿ, ಮೇ 29: ಯೆಮೆನ್‌ನಲ್ಲಿ ಹಿಂಸಾಚಾರ ಭುಗಿಲೆದ್ದಿರುವ ಹಿನ್ನೆಲೆಯಲ್ಲಿ ಅಲ್ಲಿರುವ ಭಾರತೀಯರು ಪರಿಸ್ಥಿತಿಯನ್ನು ನೋಡಿಕೊಂಡು ಸ್ವದೇಶಕ್ಕೆ ಮರಳುವುದು ಕ್ಷೇಮ ಎಂದು ಭಾರತ ಶುಕ್ರವಾರ ಹೇಳಿದೆ.

ಯೆಮೆನ್‌ನಲ್ಲಿ ಹಿಂಸಾಚಾರಕ್ಕೆ ಈಗಾಗಲೇ ಸುಮಾರು 150 ಮಂದಿ ಬಲಿಯಾಗಿರುವುದರಿಂದ ಯಾವುದೇ ಮಾರ್ಗದ ಮೂಲಕವಾದರೂ ಅಲ್ಲಿರುವ ಭಾರತೀಯರು ಸ್ವದೇಶಕ್ಕೆ ವಾಪಸಾಗುವುದು ಒಳ್ಳೆಯದೆಂದು ವಿದೇಶಾಂಗ ಖಾತೆ ಪ್ರಕಟನೆಯಲ್ಲಿ ತಿಳಿಸಿದೆ.

ಅಧಿಕೃತ ಅಂಕಿ ಅಂಶಗಳ ಪ್ರಕಾರ 11,000 ಮಂದಿ ಭಾರತೀಯರು ಯೆಮೆನ್‌ನಲ್ಲಿದ್ದಾರೆ. ಪರಿಸ್ಥಿತಿ ಕಷ್ಟಕರವಾದರೆ ತತ್‌ಕ್ಷಣ ಯೆಮೆನ್‌ನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಯನ್ನು ಸಂಪರ್ಕಿಸಲು ಕೋರಲಾಗಿದೆ.

English summary

India on Friday asked all its nationals living in Yemen to leave that country through whatever commercial means available in view of the increased violence in which at least 150 people have been killed so far. The ministry of external affairs issues an advisory in this regard.