ಶಿಕಾರಿಪುರದಲ್ಲಿ ನರಹಂತಕ ಹುಲಿಗೆ ಒಬ್ಬ ಬಲಿ

ಶಿವಮೊಗ್ಗ, ಮೇ.1: ಇಷ್ಟು ದಿನ ಗ್ರಾಮಗಳಲ್ಲಿ ಚಿರತೆ, ಕರಡಿ, ತೋಳ ಹಾಗೂ ನರಿಗಳ ದಾಳಿಯನ್ನು ಕಂಡಿದ್ದಜನ ಇದೇ ಮೊದಲ ಬಾರಿಗೆ ಹುಲಿ ದಾಳಿಯನ್ನು ಕಂಡು ದಂಗುಬಡಿದವರಂತಾಗಿದ್ದಾರೆ. ಶಿವಮೊಗ್ಗ ಜಿಲ್ಲೆ ಶಿಕಾರಿಪುರ ತಾಲೂಕಿನ ಈಸೂರು ಹಾಗೂ ಗಾಮಾ ಗ್ರಾಮಗಳಲ್ಲಿ ಹುಲಿ ದಾಳಿ ಮಾಡಿ ಒಬ್ಬರನ್ನು ಬಲಿತೆಗೆದುಕೊಂಡಿದೆ. ಇನ್ನಿಬ್ಬರನ್ನು ತೀವ್ರವಾಗಿ ಗಾಯಗೊಳಿಸಿದೆ.

ಈಸೂರಿನ ಮುನೀರ್ ಸಾಬ್(35) ಎಂಬುವವರೇ ಹುಲಿ ದಾಳಿಗೆ ಬಲಿಯಾದ ನತದೃಷ್ಟ.ಬಾಲಕರಾದ ರಘು ಹಾಗೂ ನಾಗರಾಜ್ ಎಂಬಿಬ್ಬರು ಹುಲಿ ದಾಳಿಗೆ ತೀವ್ರವಾಗಿ ಗಾಯಗೊಂಡಿದ್ದಾರೆ. ಈಸೂರು ಹಾಗೂ ಗಾಮಾ ಹಳ್ಳಿಗಳಿಗೆ ಅರಣ್ಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಹುಲಿಯನ್ನು ಹಿಡಿಯಲು ಹರಸಾಹಸ ಪಡುತ್ತಿದ್ದಾರೆ.

ಹುಲಿಯನ್ನು ಬಲೆಗೆ ಕೆಡವಲು ಅರಣ್ಯ ಇಲಾಖೆ ಸಿಬ್ಬಂದಿಯೊಂದಿಗೆ ಗ್ರಾಮಸ್ಥರು ಕೈಜೋಡಿಸಿದ್ದಾರೆ. ಆದರೆ ಹುಲಿರಾಯ ಮಾತ್ರ ಬಲಗೆ ಬೀಳದೆ ಅರಣ್ಯ ಇಲಾಖೆ ಸಿಬ್ಬಂದಿ ಹಾಗೂ ಗ್ರಾಮಸ್ಥರಿಗೆ ಚಳ್ಳೆಹಣ್ಣು ತಿನ್ನಿಸುತ್ತಿದೆ. ಇದೇ ಮೊದಲ ಬಾರಿಗೆ ಹುಲಿ ಗ್ರಾಮಸ್ಥರಿಗೆ ಮುಖಾಮುಖಿಯಾಗುವ ಮೂಲಕ ಈಸೂರು ಗ್ರಾಮಸ್ಥರನ್ನು ಭಯಬೀತಗೊಳಿಸಿದೆ.

ಹುಲಿ ದಾಳಿಯಿಂದ ಗಾಯಗೊಂಡವರನ್ನು ಶಿವಮೊಗ್ಗದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈಸೂರಿನ ಬಾಳೆತೋಟದವೊಂದರಲ್ಲಿ ಹುಲಿರಾಯ ಸೇರಿಕೊಂಡಿದ್ದು, ಸುತ್ತಮುತ್ತಲಿನ ಗ್ರಾಮಸ್ಥರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಶಿಕಾರಿಪುರದಲ್ಲಿ ಹುಲಿ ಭೇಟೆ ಸತತವಾಗಿ ನಡೆಯುತ್ತಿದೆ. ಆದರೆ ಹುಲಿ ಮಾತ್ರ ಬಲೆಗೆ ಬೀಳುತ್ತಿಲ್ಲ. ಕಾರ್ಯಚಾರಣೆ ಮುಂದುವರಿದಿದೆ.

English summary

A tiger strayed into a paddy field near Eesuru and Gama village in Shikaripura Taluk. A 35 year old Munir Saab was killed and two persons were injured in Eesuru village on Sunday. The man’s killing in Eesuru has brought back fears of the tiger turning man-eaters. The seriously injured persons were shifted to Shimoga hospital for treatment.