ಹುಸಿಯಾಗದ ನಿರೀಕ್ಷೆ : ಕರ್ನಾಟಕಕ್ಕೆ ಹೊಸ ರೈಲು

By Prasad

Published: Friday, February 25, 2011, 19:36 [IST]

ನವದೆಹಲಿ, ಫೆ. 25 : 2011-12ನೇ ಸಾಲಿನ ರೈಲ್ವೆ ಮುಂಗಡ ಪತ್ರವನ್ನು ಮಂಡಿಸಿರುವ ದೀದಿ ಮಮತಾ ಬ್ಯಾನರ್ಜಿ ಅವರು ಕರ್ನಾಟಕದ ಜನತೆ ಇಟ್ಟುಕೊಂಡಿದ್ದ ಅನೇಕ ನಿರೀಕ್ಷೆಗಳನ್ನು ಹುಸಿಗೊಳಿಸಿಲ್ಲ. ರೈಲು ಖಾತೆಯ ಸಹಾಯಕ ಸಚಿವರು ಕೋಲಾರದ ಸಂಸದ ಕೆಎಚ್ ಮುನಿಯಪ್ಪನವರೂ ಆಗಿರುವುದರಿಂದ ಸಹಜವಾಗಿ ಕರ್ನಾಟಕಕ್ಕೆ ಅನೇಕ ಹೊಸ ರೈಲುಗಳು ನಿರೀಕ್ಷೆಯ ಮೂಟೆಯನ್ನು ಹೊತ್ತು ತಂದಿವೆ.

ಪ್ರಮುಖವಾಗಿ ಬಹುದಿನಗಳಿಂದ ಬೇಡಿಕೆಯಲ್ಲಿದ್ದ ಯಶವಂತಪುರ - ಮಂಗಳೂರು ರೈಲನ್ನು ಕಾರವಾರದವರೆಗೆ ವಿಸ್ತರಿಸಿರುವುದು ಕರಾವಳಿಯ ಜನತೆಗೆ ಸಂಸತವನ್ನು ತರಲಿದೆ. ಹಾಗೆಯೇ, ಬೆಂಗಳೂರು ಮತ್ತು ಕೋಲಾರದ ನಡುವೆ ಎಕ್ಸ್ ಪ್ರೆಸ್ ರೈಲನ್ನು ಮಂಜೂರು ಮಾಡಿಸಿಕೊಂಡಿರುವುದು ಮುನಿಯಪ್ಪನವರ ಜಾಣ್ಮೆಗೆ ಸಾಕ್ಷಿ. ದಾವಣಗೆರೆ-ಚಿತ್ರದುರ್ಗ-ತುಮಕೂರು ನಡುವೆ ನೇರ ಸಂಪರ್ಕ ಕಲ್ಪಿಸುವ ಹೊಸ ರೈಲು ಬರುವುದೆಂದು ನಿರೀಕ್ಷಿಸಲಾಗಿತ್ತು. ಆದರೆ, ಅದು ಹುಸಿಯಾಗಿದೆ.

ಕರ್ನಾಟಕಕ್ಕೆ ಬಂದಿರುವ ಹೊಸ ರೈಲುಗಳು

* ಬೆಂಗಳೂರು - ಹುಬ್ಬಳ್ಳಿ - ಬಿಜಾಪುರ
* ಮೈಸೂರು - ಬೆಂಗಳೂರು ಎಕ್ಸ್ ಪ್ರೆಸ್
* ಬೆಂಗಳೂರು - ಮೈಸೂರು - ಹಾಸನ
* ಬೆಂಗಳೂರು - ಎರ್ನಾಕುಲಂ ಎಕ್ಸ್ ಪ್ರೆಸ್
* ಬೆಂಗಳೂರು - ಪಾಲಕ್ಕಾಡ್ ಇಂಟರ್ ಸಿಟಿ
* ಬೆಂಗಳೂರು - ಮಾರಿಕುಪ್ಪಂ
* ಮೈಸೂರು - ಚೆನ್ನೈ ಎಕ್ಸ್ ಪ್ರೆಸ್
* ಬೆಂಗಳೂರು - ಬಂಗಾರಪೇಟೆ ಹೊಸ ರೈಲು
* ಯಶವಂತಪುರ - ಮೈಸೂರು
* ತುಮಕೂರು - ಚಾಮರಾಜನಗರ
* ಬೆಂಗಳೂರು - ಕೋಲಾರ ಎಕ್ಸ್ ಪ್ರೆಸ್
* ರಾಯಚೂರು - ಗಡವಾಲ್
* ಬೆಂಗಳೂರು - ಧರ್ಮಾವರಂ
* ಮಂಗಳೂರು - ಹೌರಾ
* ಬೆಂಗಳೂರು - ಬಿಜಾಪುರ ಸ್ಟುಡೆಂಟ್ ಎಕ್ಸ್ ಪ್ರೆಸ್
* ರಾಯಚೂರು - ಕಾಚಿಗುಡ ಎಕ್ಸ್ ಪ್ರೆಸ್

ಇತರ ಯೋಜನೆಗಳು

* ಯಶವಂತಪುರ - ಮಂಗಳೂರು ರೈಲು ಕಾರವಾರದವರೆಗೆ ವಿಸ್ತರಣೆ
* ಹೌರಾ - ಯಶವಂತಪುರ ರೈಲು ವಾರಕ್ಕೆ ಐದು ಬಾರಿ ಸಂಚರಿಸಲಿದೆ. ಇದು ವಾರಕ್ಕೆ ಎರಡು ಬಾರಿ ಮಾತ್ರ ಸಂಚರಿಸುತ್ತಿತ್ತು.
* ಹೈದರಾಬಾದ್ ವಾಡಿ ಗುಲಬರ್ಗಾವರೆಗೆ ವಿಸ್ತರಣೆ
* ಮೈಸೂರು - ಶಿವಮೊಗ್ಗ ರೈಲು ತಾಳಗುಪ್ಪದವರೆಗೆ ವಿಸ್ತರಣೆ
* ಸೊಲ್ಲಾಪುರ - ಗದಗ ಎಕ್ಸ್ ಪ್ರೆಸ್ ಹುಬ್ಬಳ್ಳಿವರೆಗೆ ವಿಸ್ತರಣೆ
* ಅಹ್ಮದಾಬಾದ್ - ಚೆನ್ನೈ ಎಕ್ಸ್ ಪ್ರೆಸ್ ಹುಬ್ಬಳ್ಳಿ ಮಾರ್ಗವಾಗಿ ಸಂಚಾರ
* ಧಾರವಾಡದಲ್ಲಿ ವಿವಿಧೋದ್ದೇಶ ರೈಲ್ವೆ ತರಬೇತಿ ಕೇಂದ್ರ
* ಉಪನಗರ ರೈಲು ಜಾಲದಲ್ಲಿ ಬೆಂಗಳೂರು ಸೇರ್ಪಡೆ
* ಚೆನ್ನೈ - ಶಿರಡಿ ರೈಲು ಬೆಂಗಳೂರು ಮಾರ್ಗವಾಗಿ ಸಂಚಾರ

Published On February 25, 2011