ಮಂಗಳೂರು: ನೈಟಿಯಲ್ಲೇ ಶಿಕ್ಷಕಿ ಲಕ್ಷ್ಮಿಪರಾರಿ

By Mahesh

Updated: Monday, January 5, 2015, 17:59 [IST]

ಮಂಗಳೂರು, ಫೆ.22: ಸ್ಥಳೀಯ ಶಾಲೆಯೊಂದರಲ್ಲಿ ಶಿಕ್ಷಕಿಯಾಗಿರುವ ಧನಲಕ್ಷ್ಮಿ ರಾತ್ರಿ ವೇಳೆ ಬಹಿರ್ದೆಶೆಗೆ ಎಂದು ಹೋದವಳು ಇನ್ನೂ ಹಿಂತಿರುಗಿಲ್ಲ. ಎರಡು ದಿನ ಬಿಟ್ಟ ಮೇಲೆ ಆಕೆ ಪ್ರೀತಿಸುತ್ತಿದ್ದ ಕ್ರೈಸ್ತ ಧರ್ಮೀಯ ಯುವಕ ಕೂಡಾ ಗಾಯಬ್. ಸದ್ಯಕ್ಕೆ ಆಕೆ ಮನೆಯವರ ಶಂಕೆಯಂತೆ ಪ್ರೇಮಿಗಳ ಹುಡುಕಾಟದಲ್ಲಿ ಕಂಕನಾಡಿ ಪೊಲೀಸರು ತೊಡಗಿದ್ದಾರೆ.

ಮಂಗಳೂರಿನ ಹೊರವಲಯದ ನೀರ್‌ಮಾರ್ಗ-ಬೊಂಡಂತಿಲ ಗ್ರಾಮದ ಪಡುಮೂಡಾಯಿಬೆಟ್ಟು ಎಂಬಲ್ಲಿ ಯುವತಿ ನಡುರಾತ್ರಿಯ ವೇಳೆ ಉಟ್ಟಿದ್ದ ನೈಟಿಯಲ್ಲೇ ಮನೆಬಿಟ್ಟು ಪರಾರಿಯಾದ ಘಟನೆ ನಿಧಾನವಾಗಿ ಲವ್ ಅಂಡ್ ಎಸ್ಕೇಪ್ ಕೇಸ್ ಆಗುತ್ತಿದೆ. ಯುವತಿ ಪ್ರೇಮ ಪ್ರಕರಣದ ಹಿನ್ನೆಲೆಯಲ್ಲಿ ಮನೆಬಿಟ್ಟು ಪ್ರೇಮಿಯ ಜತೆ ತೆರಳಿರಬೇಕೆಂದು ಶಂಕಿಸಿ ಕಂಕನಾಡಿ ಪೊಲೀಸರಿಗೆ ಆಕೆಯ ಪೋಷಕರು ದೂರಿದ್ದಾರೆ.

ಗುರುವಪ್ಪ ಎಂಬವರ ಪುತ್ರಿ ಧನಲಕ್ಷ್ಮಿ(23) ದಿನಾಂಕ ಫೆ.18ರಂದು ರಾತ್ರಿ ಮನೆಮಂದಿಯ ಜತೆ ಊಟ ಮಾಡಿ ಮಲಗಿದ್ದು, ಮಧ್ಯರಾತ್ರಿ ಮನೆ ಮಂದಿ ನೋಡುವಾಗ ನಾಪತ್ತೆಯಾಗಿದ್ದಾರೆ. ಧನಲಕ್ಷ್ಮಿ ಮನೆಯಿಂದ ಹೋಗುವಾಗ ಯಾವುದೇ ವಸ್ತುವನ್ನು ಕೊಂಡು ಹೋಗದೇ ಇದ್ದು, ಎಲ್ಲಾ ಕಡೆ ಹುಡುಕಾಡಿ ಸಿಗದೇ ಇದ್ದಾಗ ಪೊಲೀಸರಿಗೆ ದೂರು ನೀಡಲಾಗಿದೆ.

ಯುವತಿ ಸ್ಥಳೀಯ ಕ್ರೈಸ್ತ ಸಮುದಾಯಕ್ಕೆ ಸೇರಿರುವ ಪ್ರವೀಣ ಎಂಬಾತನನ್ನು ಪ್ರೀತಿಸುತ್ತಿದ್ದು, ಆತನ ಜತೆ ತೆರಳಿರಬೇಕೆಂದು ಶಂಕೆ ವ್ಯಕ್ತವಾಗಿದೆ. ಈಕೆ ವಾಮಂಜೂರಿನ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದು, ನಾಪತ್ತೆ ಪ್ರಕರಣ ಕುತೂಹಲ ಕೆರಳಿಸಿದೆ.