ನಿತ್ಯಾನಂದ ಈಗ 'ವಿಭೂತಿ' ಪುರುಷ!

By Srinath

Published: Sunday, February 13, 2011, 16:51 [IST]

ಬೆಂಗಳೂರು, ಫೆ.13: ರಾಸಲೀಲೆ ಕುಖ್ಯಾತಿಯ ನಿತ್ಯಾನಂದನ ಬತ್ತಳೆಕೆಯಲ್ಲಿ ಇನ್ನೂ ಏನೆಲ್ಲ ಚಮತ್ಕಾರಗಳಿವೆಯೋ !? ರಾಸಲೀಲೆ ಅಪಖ್ಯಾತಿ ಹೆಗಲೇರಿದ್ದೇ ನಿತ್ಯಾನಂದನ ಪರಮ ಭಕ್ತರು ಕಳೆದುಹೋದ ಮಾನವನ್ನು ಮರಳಿ ಗಳಿಸಲು ಸಾಕಷ್ಟು ಸರ್ಕಸ್ ಮಾಡಲಾರಂಭಿಸಿದ್ದಾರೆ. ಸ್ವತಃ ನಿತ್ಯಾನಂದ ಸ್ವಾಮಿಯೇ ಇತ್ತೀಚೆಗೆ ಮಾಧ್ಯಮಗಳ ಮುಂದೆ ಬಂದು ನನ್ನದೇನೂ ತಪ್ಪಿಲ್ಲ, ಜನ್ಮೇಪಿ ನಾನು ಪಾಪಕಾರ್ಯ ಮಾಡಿದವನೇ ಅಲ್ಲ ಎಂದೆಲ್ಲ ಬಡಬಡಿಸಿದ್ದ.

'ನಮ್ಮ ಸ್ವಾಮೀಜಿ ಈಗ ಹೊಸ ಪವಾಡ ಮಾಡಲು ಸಜ್ಜಾಗಿದ್ದಾರೆ. ಈ ಪವಾಡವನ್ನು ಸಾಯಿಬಾಬಾ ಮಾತ್ರ ಮಾಡಿದ್ದರು. ಅದೀಗ ನಮ್ಮ ಬಾಬಾಗೂ ಸಿದ್ಧಿಸಿದೆ. ನಿತ್ಯಾನಂದ ಸ್ವಾಮೀಜಿ ಇನ್ನು ಮುಂದೆ ತಮ್ಮ ಭಕ್ತರಿಗೆ ಬೂದಿ ನೀಡುತ್ತಾರೆ. ಯಾರು ಬೇಕಾದರೂ ಇದರ ಸತ್ಯಾಸತ್ಯತೆಯನ್ನು ಬಹಿರಂಗವಾಗಿ ಪರೀಕ್ಷಿಸಬಹುದು' ಎಂದು ನಿತ್ಯಾನಂದನ ಭಕ್ತಾಗ್ರೇಸ ಸಚ್ಚಿದಾನಂದ ಭಾನುವಾರ ಘೊಷಿಸಿದ್ದಾನೆ.

Published On February 13, 2011