ಬಿಜೆಪಿ ಚುನಾವಣಾ ಸಮಿತಿಗೆ ಅನಂತ್

ನವದೆಹಲಿ, ಜೂ. 16: ಭಾರತೀಯ ಜನತಾಪಕ್ಷದ ಕೇಂದ್ರ ಚುನಾವಣಾ ಸಮಿತಿಯ ಕಾರ್ಯದರ್ಶಿಯಾಗಿ ಬೆಂಗಳೂರು ದಕ್ಷಿಣ ಕ್ಷೇತ್ರದ ಸಂಸದ ಎಚ್ ಎನ್ ಅನಂತ ಕುಮಾರ್ ನೇಮಕಗೊಂಡಿದ್ದಾರೆ.

ಪಕ್ಷದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಯೂ ಆಗಿರುವ ಅನಂತ್ ಕುಮಾರ್ ಬಿಜೆಪಿಯ ಅನೇಕ ಆಯಕಟ್ಟಿನ ಸ್ಥಾನಗಳಲ್ಲಿ ದುಡಿದ ಅನುಭವಿಯಾಗಿದ್ದು ಚುನಾವಣಾ ಸಮಿತಿಯ ಕಾರ್ಯದರ್ಶಿ ಹುದ್ದೆಯ ಹೆಚ್ಚುವರಿ ಜವಾಬ್ದಾರಿ ಅವರ ಹೆಗಲೇರಿದೆ.

ಅನಂತ ಕುಮಾರ್ ಪಕ್ಷದ ಸಂಸದೀಯ ಮಂಡಳಿಯ ಕಾರ್ಯದರ್ಶಿ ಆಗಿಯೂ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಬರಲಿರುವ ಚುನಾವಣೆಗಳಲ್ಲಿ ಚಿಕೆಟ್ ಆಕಾಂಕ್ಷಿಗಳು ಅನಂತ್ ಅವರ ಕೃಪಾ ಕಟಾಕ್ಷಕ್ಕೆ ಬೀಳದೆ ವಿಧಿಯಿಲ್ಲ.