ವಿಮಾನ ಟೈರ್ ಸ್ಫೋಟ; ಪ್ರಯಾಣಿಕರು ಬಚಾವ್

ನವದೆಹಲಿ, ಜೂ.15: ಸುಮಾರು ನೂರಕ್ಕೂ ಹೆಚ್ಚು ಪ್ರಯಾಣಿಕರನ್ನು ಹೊತ್ತಿದ್ದ ಇಂಡಿಯನ್ ಏರ್ ಲೈನ್ಸ್ ವಿಮಾನದ ಚಕ್ರಗಳು ಇಳಿಯುವ ವೇಳೆಯಲ್ಲಿ ಸ್ಫೋಟಗೊಂಡಿದೆ. ಆದರೆ, ಪೈಲಟ್ ನಿಯಂತ್ರಣ ಸಾಧಿಸಿದ್ದರಿಂದ ಭಾರೀ ಅನುಹುತದಿಂದ ಎಲ್ಲರೂ ಪಾರಾಗಿದ್ದಾರೆ.

ದೆಹಲಿಯ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ(IGI Airport)ನಲ್ಲಿ ಇಂದು ಬೆಳಗ್ಗೆ 10.58ರ ಸುಮಾರಿಗೆ 102 ಪ್ರಯಾಣಿಕರು ಹಾಗೂ ಆರು ಮಂದಿ ಸಿಬ್ಬಂದಿಯನ್ನು ಹೊತ್ತಿದ್ದ ಇಂಡಿಯನ್ಏರಲೈನ್ ವಿಮಾನ IC 113 ಮುಂಬೈ-ಭೋಪಾಲ್-ಇಂದೋರ್-ದೆಹಲಿ ವಿಮಾನವು ಇಳಿಯುತ್ತಿದ್ದ ಹೊತ್ತಿನಲ್ಲಿ ಎರಡು ಚಕ್ರಗಳು ಸ್ಫೋಟಗೊಂಡಿದೆ.

ವಿಮಾನದಲ್ಲಿದ್ದ ಎಲ್ಲಾ ಪ್ರಯಾಣಿಕರು ಸುರಕ್ಷಿತವಾಗಿ ಇಳಿದಿದ್ದಾರೆ ಎಂದು ಐಜಿಐ ಸಿಬ್ಬಂದಿ ತಿಳಿಸಿದ್ದಾರೆ. ಇತ್ತೀಚೆಗಷ್ಟೇ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಲ್ಯಾಂಡಿಂಗ್ ವೇಳೆ ನಿಯಂತ್ರಣ ತಪ್ಪಿದ ಪರಿಣಾಮ ಸಂಭವಿಸಿದ ವಿಮಾನ ದುರಂತದಲ್ಲಿ 158ಕ್ಕೂ ಜನ ಸಾವನ್ನಪ್ಪಿದ್ದರು.