ಪತಿ ಪತ್ನಿ ಜಗಳ; ಟೆಕ್ಕಿ ಸಾವಿಗೆ ಶರಣು

ಬೆಂಗಳೂರು, ಜ. 27: ಮನೆಗೆ ತಡವಾಗಿ ಬಂದ ಪತಿಯೊಡನೆ ಪತ್ನಿ ಜಗಳವಾಡಿದ ಪರಿಣಾಮ ಬೇಸರಗೊಂಡ ಪತಿ, ಸಾವಿಗೆ ಶರಣಾದ ಘಟನೆ ಮಾರುತಿ ಸೇವಾ ನಗರ ವ್ಯಾಪ್ತಿಯಲ್ಲಿ ನಡೆದಿದೆ. ಸ್ಪೈಸ್ ಟೆಲಿಕಾಂ ಸಂಸ್ಥೆಯ ಸಾಫ್ಟ್‌ವೇರ್ ಎಂಜಿನಿಯರ್ ಎಲ್.ಸರವಣ (35) ಸಾವಿಗೆ ಶರಣಾದವರು.ಇವರು ನಾಗನಪಾಳ್ಯ ಮುಖ್ಯರಸ್ತೆಯಲ್ಲಿರುವ ರಮಾನಂದ ಗೋಲ್ಡ್ ಅಪಾರ್ಟ್‌ಮೆಂಟ್‌ನಲ್ಲಿ ವಾಸಿಸುತ್ತಿದ್ದರು.

ಸೋಮವಾರ ರಾತ್ರಿ ತಡವಾಗಿ ಬಂದ ಕಾರಣಕ್ಕೆ ಪತ್ನಿ ಸುಧಾ ಜತೆ ಜಗಳವಾಗಿತ್ತು. ಮುನಿಸಿಕೊಂಡ ಇಬ್ಬರು ಬೇರೆ ಬೇರೆ ಕೋಣೆಯಲ್ಲಿ ಮಲಗಿದ್ದರು. ಬೆಳಗ್ಗೆ ಸ್ನೇಹಿತರೊಬ್ಬರು ಸುಧಾಗೆ ಕರೆ ಮಾಡಿ ನಿನ್ನ ಗಂಡ ದೂರವಾಣಿ ಕರೆ ಸ್ವೀಕರಿಸುತ್ತಿಲ್ಲ. ಟ್ರಿಪ್ ಹೋಗುವುದಾಗಿ ಕಾರ್ಯಕ್ರಮ ನಿಗದಿಯಾಗಿದೆ. ಹೀಗಾಗಿ ಎಚ್ಚರಿಸುವಂತೆ ಸೂಚಿಸಿದ್ದರು. ಬಾಗಿಲು ತೆರೆದು ನೋಡಿದಾಗ ಸರವಣ ಫ್ಯಾನ್‌ಗೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದ. ಈ ಬಗ್ಗೆ ಬಾಣಸವಾಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸರವಣ ಆತ್ಮಹತ್ಯೆ ಪತ್ರ ಬರೆದಿಟ್ಟಿಲ್ಲ.