ಮುಂಬೈ:ಸಾಮೂಹಿಕ ಅತ್ಯಾಚಾರಕ್ಕೆ ಯುವತಿ ಬಲಿ

ಮುಂಬೈ, ಸೆ.22: 24ವರ್ಷದ ಮಹಿಳೆಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಿ, ಆನಂತರ ಆಕೆಯನ್ನು ಜೀವಂತ ಸುಟ್ಟ ಭೀಕರ ಘಟನೆ ಮುಂಬಯಿಯ ಅನ್ ಟಾಪ್ ಹಿಲ್ ಪ್ರದೇಶದಲ್ಲಿ ನಡೆದಿದೆ.

ಅತ್ಯಾಚಾರಕ್ಕೊಳಗಾದ ಮಹಿಳೆಯನ್ನು ಸಿಯಾನ್ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಆದರೆ, ತೀವ್ರವಾದ ಸುಟ್ಟಗಾಯಗಳಿಂದ ಬಳಲುತ್ತಿದ್ದ ಆಕೆ ಇಂದು ಬೆಳಗ್ಗೆ ಅಸುನೀಗಿದ್ದಾಳೆ. ಅತ್ಯಾಚಾರ ಮಾಡಿದ ನಾಲ್ವರು ಆರೋಪಿಗಳನ್ನು ಸ್ಥಳೀಯ ಪೊಲೀಸರು ಬಂಧಿಸಿ, ತನಿಖೆ ನಡೆಸುತ್ತಿದ್ದಾರೆ.

ಆರೋಪಿಗಳನ್ನು ರಾಜೇಶ್ ದೇವೇಂದ್ರ, ಕುಮಾರ್ ದೇವೇಂದ್ರ, ನಿತ್ಯ ದೇವೇಂದ್ರ ಮತ್ತು ಶಂಕರ ಮುದಲಿಯಾರ್ ಎಂದು ಗುರುತಿಸಲಾಗಿದೆ. ಇವರಲ್ಲಿ ಓರ್ವ ಅತ್ಯಾಚಾರಕ್ಕೊಳಗಾದ ಮಹಿಳೆಯ ಪ್ರಿಯಕರನಾಗಿದ್ದನೆಂದು ತಿಳಿದುಬಂದಿದೆ.

(ಏಜೆನ್ಸೀಸ್)