ಪಂಕಜ್ ಅಡ್ವಾನಿ ವಿಶ್ವ ಬಿಲಿಯರ್ಡ್ಸ್ ವೀರ

ನವದೆಹಲಿ, ಸೆ.7 :ಪಂಕಜ್ ಅಡ್ವಾನಿ ವಿಶ್ವ ವೃತ್ತಿನಿರತ ಬಿಲಿಯರ್ಡ್ಸ್ ಚಾಂಪಿಯನ್! ಬ್ರಿಟನ್ನಿನ ಲೀಡ್ಸ್ ನಲ್ಲಿ ಇಂದು ನಡೆದ ಫೈನಲ್ ಪಂದ್ಯದಲ್ಲಿ ಅಡ್ವಾನಿ ಮಾರ್ಕ್ ರಸೆಲ್ ಅವರನ್ನು ಮಣಿಸುವ ಮೂಲಕ ವಿಶ್ವ ವೃತ್ತಿನಿರತ ಬಿಲಿಯರ್ಡ್ಸ್ ಪಂದ್ಯದಲ್ಲಿ ಕಿರೀಟ ಧರಿಸಿದ ಎರಡನೆ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. 1992 ರಲ್ಲಿ ಹೆಸರಾಂತ ಆಟಗಾರ ಗೀತ್ ಸೇಠಿ ಈ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದರು.

ಪಂಕಜ್ ಅವರಿಗೆ ಇದು ಪ್ರಥಮ ವಿಶ್ವ ಪ್ರಶಸ್ತಿ. ಆದರೆ, ಇದಕ್ಕೂ ಮುಂಚೆ ಅವರು ಬಿಲಿಯರ್ಡ್ಸ ಮತ್ತು ಸ್ನೂಕರ್ ನ ಅಮೆಚೂರ್ ವಿಭಾಗದಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದಾರೆ. ಲೀಡ್ಸ್ಸ್ ನಲ್ಲಿ ನಡೆದ ಪಂದ್ಯಾವಳಿಯ ಸೆಮಿಫೈನಲ್ ಪಂದ್ಯದಲ್ಲಿ ಪಂಕಜ್ ಅವರು ಧ್ರುವ ಸಿತ್ವಾಲ ಅವರನ್ನು ಸೋಲಿಸಿ ಅಂತಿಮ ಹಂತ ಪ್ರವೇಶಿಸಿದ್ದರು. 24 ವರ್ಷದ ಪಂಕಜ್ ಈ ವಿಶ್ವ ಪ್ರಶಸ್ತಿ ಗೆಲ್ಲುವುದರ ಮೂಲಕ ಭಾರತಕ್ಕೆ ಮತ್ತು ತವರು ಕರ್ನಾಟಕಕ್ಕೆ ಹೆಮ್ಮೆ ತಂದುಕೊಟ್ಟಿದ್ದಾರೆ.

(ದಟ್ಸ್ ಕನ್ನಡ ಕ್ರೀಡಾ ವಾರ್ತೆ)