ವಿಶ್ವಹಾಕಿ ಅಂಪೈರ್ ಆಗಿ ರಘುಪ್ರಸಾದ್ ಬಡ್ತಿ

ಬೆಂಗಳೂರು, ಜು. 17 : ಕರ್ನಾಟಕದ ಆರ್ ವಿ ರಘುಪ್ರಸಾದ್ (27) ಅವರನ್ನು ಅಂತಾರಾಷ್ಟ್ರೀಯ ಹಾಕಿ ಅಂಪೈರ್ ಗ್ರೇಡ್ 1 ಆಗಿ ಅಂತಾರಾಷ್ಟ್ರೀಯ ಹಾಕಿ ಒಕ್ಕೂಟ ಬಡ್ತಿ ನೀಡಿದೆ. ವಿಶ್ವ ಅಭಿವೃದ್ಧಿ ಪ್ಯಾನೆಲ್ ನಲ್ಲಿ ಸ್ಥಾನ ಪಡೆದಿರುವ ರಘು ಪ್ರಸಾದ್ ವಿಶ್ವಕಪ್ ಹಾಗೂ ಒಲಿಂಪಿಕ್ಸ್ ಅಂಪೈರ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ.

ಇತ್ತೀಚೆಗೆ ಮಲೇಷ್ಯಾ ಮತ್ತು ಸಿಂಗಾಪುರ್ ನಲ್ಲಿ ಮುಕ್ತಾಯಗೊಂಡ ಕಿರಿಯರ ವಿಶ್ವಕಪ್ ಹಾಕಿ ಪಂದ್ಯಾವಳಿಯಲ್ಲಿ ನೀಡಿದ ಉತ್ತಮ ಪ್ರದರ್ಶನದಿಂದ ರಘು ಅವರಿಗೆ ಬಡ್ತಿ ದೊರೆತಿದ್ದು, 2010 ಮಾರ್ಚ್ ನಲ್ಲಿ ದಿಲ್ಲಿಯಲ್ಲಿ ನಡೆಯಲಿರುವ ವಿಶ್ವಕಪ್ ಗೆ ಅಂಪೈರ್ ಆಗಿ ಕಾರ್ಯನಿರ್ವಹಿಸುವ ಅವಕಾಶ ಹೊಂದಿದ್ದಾರೆ. ಜಾಗತಿಕ ಮಟ್ಟದಲ್ಲಿ ರಘು ಉತ್ತಮ ಪ್ರದರ್ಶನ ನೀಡಲಿ ಎಂದು ಕರ್ನಾಟಕ ರಾಜ್ಯ ಹಾಕಿ ಸಂಸ್ಥೆ ಆಭಿನಂದನೆ ಸಲ್ಲಿಸಿದೆ.

(ದಟ್ಸ್ ಕನ್ನಡ ವಾರ್ತೆ)