ಜುಲೈ 22 ರಂದು ಪೂರ್ಣ ಸೂರ್ಯಗ್ರಹಣ

ಬೆಂಗಳೂರು, ಜು. 13 : ಈ ತಿಂಗಳ 22 ರಂದು ಸಂಭವಿಸುತ್ತಿರುವ ಪೂರ್ಣ ಸೂರ್ಯ ಗ್ರಹಣ ಅತ್ಯಂತ ಮಹತ್ವಪೂರ್ಣ ಖಗೋಳ ಘಟನೆಯಾಗಿದ್ದು. ಈಗಿನ ತಲೆಮಾರು ಭಾರತದ ನೆಲದಿಂದ ನೋಡಬಹುದಾದ ಕೊನೆಯ ಪೂರ್ಣ ಸೂರ್ಯಗ್ರಹಣವಾಗಿದೆ.

ಇದಾದ ನಂತರ ಭಾರತದ ನೆಲದಿಂದ ಪೂರ್ಣ ಪ್ರಮಾಣದ ಸೂರ್ಯ ಗ್ರಹಣ ಕಾಣಲು 80-90 ವರ್ಷಗಳೇ ಬೇಕಾಗಬಹುದು. ಈ ಬಾರಿಯ ಪೂರ್ಣ ಸೂರ್ಯಗ್ರಹಣ ವಿಶೇಷ ಎಂದರೆ ಇದು ಈ ಶತಮಾನದ ದೀರ್ಘಾವಧಿಯ ಗ್ರಹಣ ಎಂದು ಕರ್ನಾಟಕ ರಾಜ್ಯ ವಿಜ್ಞಾನ ಪರಿಷತ್ ತಿಳಿಸಿದೆ. ಜುಲೈ 22 ರಂದು ಬೆಳಗ್ಗೆ 6 ಗಂಟೆ 21 ನಿಮಿಷಗಳಿಂದ 6 ಗಂಟೆ 28 ನಿಮಿಷಗಳವರೆಗೆ ಗುಜರಾತ್ ರಾಜ್ಯದ ಸೂರತ್ ನಿಂದ ಆರಂಭಗೊಂಡು ಬೋಪಾಲ್, ಪಾಟ್ನಾ, ವಾರಣಾಸಿ ಮತ್ತು ಬೂತಾನ್ ಮುಂತಾದ ಸ್ಥಳಗಳಲ್ಲಿ ಪೂರ್ಣ ಸೂರ್ಯಗ್ರಹಣ ಕಾಣಲಿದೆ.

(ದಟ್ಸ್ ಕನ್ನಡ ವಾರ್ತೆ)