ಶೂ ನೇತಾಕಲು ಬುದ್ದನ ಪ್ರತಿಮೆ ಬಳಕೆ !!

ಪಾಟ್ನಾ, ಜೂ. 26 : ಭಾರತೀಯರು ಪೂಜಿಸುವ ದೇವರಗಳನ್ನು ವಿದೇಶಿಯರು ಅವಮಾನಿಸುವುದು ಇದೇ ಮೊದಲೇನಲ್ಲ. ಬಿಹಾರಿನ ಪ್ರಭಾತ್ ಚೌಧುರಿ ತಮ್ಮ ಕುಟುಂಬದವರೊಂದಿಗೆ ಸ್ವಿಜರ್ ಲ್ಯಾಂಡ್ ಪ್ರವಾಸ ಕೈಗೊಂಡಾಗ ಜಿನೀವಾದಲ್ಲಿ ಅವರಿಗೊಂದು ಆಶ್ಚರ್ಯ ಕಾದಿತ್ತು. ಪಾದರಕ್ಷೆ ಅಂಗಡಿಯೊಂದರಲ್ಲಿ ತಮ್ಮ ಹೊಸ ಮಾದರಿಯ ಪಾದರಕ್ಷೆಗಳನ್ನು ಪ್ರದರ್ಶಿಸಲು ಬಳಸುತ್ತಿದ್ದದ್ದು ಬುದ್ದನ ಪ್ರತಿಮೆ !!

ನಾನು ಕುಟು೦ಬದವರೊ೦ದಿಗೆ ಶಾಪಿಂಗ್ ಮಾಡುತ್ತಿರಬೇಕಾದರೆ ಈ ಅಂಗಡಿಯನ್ನು ಪ್ರವೇಶಿಸಿದೆ. ಅಲ್ಲಿ ತಮ್ಮ ಹೊಸ ನಮೂನೆಯ ಸ್ಲಿಪ್ಪರ್ ಮತ್ತು ಶೂಗಳನ್ನು ನಾಲ್ಕು ಅಡಿಯಷ್ಟು ಇರಬಹುದಾದ ಬುದ್ದನ ಪ್ರತಿಮೆ ಮೇಲೆ ಜೋತು ಹಾಕಿದ್ದರು. ಇದನ್ನು ನೋಡಿ ನನ್ನ ಇಡೀ ಕುಟುಂಬ ಬೆಚ್ಚಿಬೀಳುವುದೊಂದೆ ಬಾಕಿ ಉಳಿದಿತ್ತು. ನಾವು ಭಾರತಕ್ಕೆ ಹಿಂದಿರುಗಿದ ತಕ್ಷಣ ವಿದೇಶಾಂಗ ಸಚಿವಾಲಯಕ್ಕೆ ಫೋಟೋ ಸಮೇತ ಪತ್ರ ಬರೆದಿದ್ದೇವೆ. ಸ್ವಿಸ್ಸ್ ದೂತಾವಾಸ ಅಧಿಕಾರಿಗಳಿಗೂ ಈ ಸಂಬಂಧ ಪತ್ರ ಮುಖೇನ ತಿಳಿಸಿದ್ದೇವೆ. ಇದು ಒಂದು ಜನಾಂಗವನ್ನು ಅವಮಾನಿಸುವ ಕೆಲಸ ಮತ್ತು ಬಹಳ ದುರದೃಷ್ಟಕರ ಎಂದು ಚೌಧುರಿ ಹೇಳಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)