ಹುಷಾರ್ 1000 ರು ಖೋಟಾನೋಟುಗಳಿವೆ

ಮುಂಬೈ, ಜೂ. 25 : ದೇಶಾದ್ಯಂತ 1000 ರುಪಾಯಿ ನಕಲಿ ನೋಟುಗಳು ಚಲಾವಣೆಯಾಗತೊಡಗಿವೆ. ಸ್ವತ ರಿಸರ್ವ್ ಬ್ಯಾಂಕಿನ ಮಾಜಿ ಗೌರರ್ವರ್ ವೈ ವಿ ರೆಡ್ಡಿ ಸಹಿ ಹೊಂದಿರುವ ನಕಲಿ ನೋಟುಗಳ ಚಲಾವಣೆಯಾಗುತ್ತಿರುವುದನ್ನು ಮಹಾರಾಷ್ಟ್ರ ಭಯೋತ್ಪಾದಕ ನಿಗ್ರಹ ಪಡೆ ಪತ್ತೆ ಮಾಡಿ ಪಶ್ಚಿಮ ಬಂಗಾಲ ಮತ್ತು ಜಾರ್ಖಂಡ್ ಮೂಲದ ಇಬ್ಬರು ವ್ಯಕ್ತಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ನಕಲಿ ನೋಟು ತಯಾರು ಮಾಡುವ ದೊಡ್ಡ ಜಾಲವೇ ಇರುವುದು ಈ ಇಬ್ಬರು ವ್ಯಕ್ತಿಗಳ ಬಂಧನದ ಮೂಲಕ ಬೆಳಕಿಗೆ ಬಂದಿದ್ದು, 2 AQ ಮತ್ತು 8 AC ಶ್ರೇಣಿ ನೋಟುಗಳ ಪತ್ತೆಯಾದಲ್ಲಿ ಕೂಡಲೇ ಸಮೀಪದ ಪೊಲೀಸ್ ಠಾಣೆ ಅಥವಾ ಬ್ಯಾಂಕ್ ಗೆ ದೂರು ನೀಡಿ. ಇಂತಹ ನಕಲಿ ನೋಟುಗಳು 1,98,000 ಮಾರುಕಟ್ಟೆಗೆ ಬಂದಿವೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ತಿಳಿಸಿದೆ.

ನಕಲಿ ನೋಟು ಪತ್ತೆ ಹಚ್ಚುವುದು ಹೇಗೆ ಎಂಬ ಹೆಚ್ಚಿನ ಮಾಹಿತಿ ಬೇಕಾದಲ್ಲಿ ಸಮೀಪದ ಬ್ಯಾಂಕ್ ಅಧಿಕಾರಿಗಳನ್ನು ಸಂಪರ್ಕಿಸಿ. ಅಥವಾ ಬ್ಯಾಂಕುಗಳ ಕೌಂಟರ್ ಬಳಿ ಖೋಟಾ ನೋಟು ಪತ್ತೆ ಹಚ್ಚುವುದು ಹೇಗೆ ಎಂಬ ಮಾರ್ಗದರ್ಶಿಯನ್ನು ಅಂಟಿಸಿರುತ್ತಾರೆ.ಅವುಗಳನ್ನು ನೋಡಿ ಮಾಹಿತಿ ಪಡೆದುಕೊಳ್ಳಿ. ಅಥವಾ ಆರ್ ಬಿಐ ವೆಬ್ ಸೈಟ್ www.rbi.org.in ನೋಡಬಹುದು.

(ಏಜನ್ಸೀಸ್)